السبت، ديسمبر 30، 2006

اعدام صدام حسين

انهاردة اعدموا صدام حسين انا خدت الخبر بفجأة و بعدين سكت و نسيت بعد فترة خدت بالى هما اعدموه فى وقت زى ده مخصوص ليه ازاى مخدتش بالى من اختيارهم للوقت ده و كمان مفيش حد من العرب ولا الزعماء ولا ااى حد اتكلم!!! كأن مفيش حاجة حصلت خالص
ده يثبت ان اللى اعدموه و العرب كلهم ولاد...... (حط اللى يعجبك)
كل سنة وانتو طيبين فعلا

عيد سعيد

اول خروجة فى يوم وقفة عيد

اول مرة اخرج فى وقفة عيد الاضحى ده قبل كده كان فى البيت يا مسافر لاهل كده يعنى
انهاردة الاول خرجت مع 3 اصحابى رحت الساقية على الساعة 8 كانت امسية شعرية غنائية لاحمد حداد و كان معاه عمر جاهين وايه حميده و حازم شاهين موسيقى و احمد على الحجار غناء و حازم كان بيغنى برضه و كانت حفلة حلوة و عجبنى ابن على الحجار الواد طالع لابوه و صوته جميل و شبهه بحركاته و على الحجار نفسه كان موجود بس كان قاعد مشاهد زينا هو واسرته كلها معاه اما حازم فكااان صوته حلو ويبان عليه انه من مطربين زمان كده و كلهم كانوا حلوين فعلا
خرجنا بعد كده قعدنا على قهوة شوية ورحنا طالعين على وسط البلد و جت فى دماغنا ندخل سينما كنا بقينا ستة جينا نبص على اوديون مليانة ايه الشارع كله ناس اصلا و اقرب حفلة الساعة 2 بليل وعليها الحجز شغال كمان طيب خلاص
مشينا رحنا على هيلتون رمسيس و هناك بقى دخلنا السينما لاقينا فى اماكن حفلة 12 فدخلنا فيلم الرهينة اوحش حاجة قبل ما اقول عن الفيلم ان المكان كان مليان عرب كتييير و مليان رجالة لامؤاخذة مش رجالة
الفيلم بقى الحاجة اللى عجبتنى فيه التصوير والاخراج لساندرا و الموسيقى لعمر خيرت اما القصة فمباشرة ومش حلوة و لنبيل فاروق كمان و لو مكنوش كتبوها هى باينة انه هو التمثيل بقى احمد عز كان كويس بس مبحبوش برضه لكن نور عجبنى تمثيلها و بعدها ياسمين عبد العزيز و الفيلم فى قصته بقى قعد يتكلم على الارهاب وخلاف المسلمين والمسيحين وان الخلاف ده فى مصر و ان عالم عشان مسيحى فمش مهتمين بيه لكن لو مسلم يبقى نهتم و فى اخر الفيلم كلمتين كده ملهمش لازمة عن وحدة وطنية و مفيش خلاف بقى والكلام ده و مع نهاية الفيلم تلاقى اغنية المطرب التخين حسين الجاسمى بحبك وحشتينى ومش فاهم محطوطة فى الفيلم ليه و ايه لازمتها و ليه مطرب خليجى اصلا لكن على رأى صاحبى اللى رد عليا وقاللى عشان الدوحة اللى احنا قاعدين فيها من كتر العرب حوالينا و اه كان فى واحد خنقة فى السينما بيضحك بصوت عالى جدا كل الناس ممكن تضحك لكن خفيف اما ده صوته عالى كنت عمال اقول حد يطلعه برة
طلعنا بعد كده نحاول ندور على اى مطعم اكل لغاية اما لاقينا الحمد لله فى الساعة اللى كانت بقت4 تقريبا كلنا و روحن
و شكرا

الأحد، ديسمبر 17، 2006

اخيرا دنيا المرة دى جد

يا جدعاااااااان اخيرا فيلم دنيا لمحمد منير وحنان ترك نازل
يوم الاربعاء الجاى 20 ديسمبر فى السينيمات
الخبر عرفته بنفسى من جوسلين صعب قابلتها امبارح و قالتلى انه اخيرا هيتعرض و اتكلمت معايا كتير...........
كله يدخل الفيلم بقى

----------
اخيرا حولت البلوج بيتا كان نفسى من زمان ومش عارف انهاردة بدخل لاقيته بيقولى عشان احوله
بس لسه عايز تظبيط بقى

الثلاثاء، ديسمبر 05، 2006

قصة شخص

شخص حياته كلها طول ما بيصادف بنات بيبص عليهم كشكل وجسم بيتعامل معاهم على كده و بس مش كبنى ادمين و كل ما يشوف واحدة لازم يتكلم عليها ويكونله تعليق و ساعات وانت ماشى معاه ممكن تعليقه الى يقولهولك يكون دخل فى ادق التفاصيل و لو لومته او فهمته غلطه ده يا اما يحس و يسكت لكن بيرجع تانى يا اما يعمل زعلان لكنه بيرجع تانى برضه و دايما يحب يتعرف على اى بنت خصوصا لو حلوة وجامدة و غرض معرفته ده بيوصل لشيطانية بقى و طبعا للاسف بيلاقى كتيييير ممكن يتعرفوا عليه و يكلمهم و يحاول يطور العلاقة و فى اول العلاقات اللى عرفتها منه بنت محجبة اتعرف عليها و اتصاحبو و بدأ يطلب منها تجيله البيت و مع الحاحه البنت وافقت و بعدين جتله و بدأ الشيطان لعبته و عملوا كل حاجة المهم انها تفضل زى ما هى عذراء مفيهاش حاجة و المشكلة كمان بقى انهم حبوا يتصوروا وهما ملط كده و فعلا صوروا بعض و الالعن و الاكبر مصيبة انه يورى الصور بتاعتها لاصحابه و يتكلم فى الموضوع وهو مبسوط طب مش كفاية بتغلط غلطة زى دى كمان بتنشرها و كل اصحابه اللى يعرفوه عارفينه انه كده و بعدين بقى بقت البنت هى اللى بتجرى وراه و هو مطنشها خلاص بقى كفاية عليها اوى و هى زهقت ولقت غيره فخلاص و هو طبعا اكيد شاف غيرها وغيرها وغيرها و بقى مع كل واحدة يحب يستحمى معاها و كتير بعد كده بيجروا وراه و برضه مبيخبيش حاجة زى دى عن صحابه و يقولها وهو مبسوط جدا بالاستحمام مع اى واحدة
------
المشكلة هنا الولد ده هو كل واحد فيه مميزات وعيوب بس دى كوارث فيه مش عيوب والمشكلة يا ترى فى كام زيه كده و المشكلة التانية فى كام بنت بتكون مستسهلاها كده و اهم حاجة انها بتفضل عذراء بس وخلاص والمشكلة التالتة لو حد اتقدم لواحدة من دول و هو مش عارف بقى ولا عمره هيعرف تتعرف ازاى دى ؟؟ و المشكلة الرابعة ان الواحد يكون شايف الموضوع عادى انه يتقال كده مع انه المفروض ميتكلمش فى خالص ولا لاى حد لان فى حديث شريف بيقول (كل امتى معافى الا المجاهرون) و اتقالتله بس مبيتعلمش غير طبعا انه لازم يتووووب عن شئ زى ده

مشاكل و مصايب كتير....
ربنا يتوب علينا كلنا و يرحمنا

الجمعة، نوفمبر 24، 2006

وجيه عزيز

متجرحوش الورد بلاش.. ده الشوك رخيص و ساعات ببلاش.. حتى ان خاصمنى الحظ مجاش متجرحوش الورد.......
------------
بغيب لكن برجع و احس بوحشة للشارع و للحارة و للقلة على شباكى و للشمس اما بتصاحب حيطان البيت
على بابك انا غنيت و حسيت بالدفا معاكى انا حسيت........
---------------
هى عيشة ولا موتة و لا فوتة فى حارة سد
قول معايا صوتى لسه منتهاش ليه بنرخص ليه بنرضى نبيع بلاش!!....
---------------
شوية هموم بتوع كل يوم يلفوا فى راسى ..افر يطولونى ..ولما يطولونى.. اقلع مداسى والعن دماغ اللى نايم وناسى....
تعدى عليا الليالى تقولى بتضحك يا طيب طييب
---------------
مش كل ما تفتح ايدك تبقى بتحضن بنى ادمين .. ده احنا ساعات لما نفرح غنوة يقوم يترد علينا اللحن حزين..
وفر حزنك لسه هتحزن و لم ضلوعك تحت ايديك و قبل ما تحضن بص الاول تحضن مين...
احنا ساعات يوحشنا الناس.. احنا ساعات يوحشنا البنى ادمين..
----------------
اعرف عيون هى الجمال والحسن ..و اعرف عيون تاخد القلوب بالحب.. و عيون مخيفة وقاسية وعيون كتيير ..و بحس فيهم كلهم بالحزن..
----------------
خفت عارفة خفت ليه .. ليه يا عينى ليه؟.. شفت قلبى جريت عليه.. ليه يا عينى ليه؟.. شوفته مرة حلمت بيه ومن يوميه احكى ايه ولا ايه
ساكتة لييه ايوه ليه؟.. ايه جوه قلبك شايلة ايه؟...
-------------------
الضحك شكل البكا خالص تلامذة وفصول ومدارس يا مانجه ليه طارحة فى مارس...
زعلان شوية (وماله) وفرحان شوية (على ايه )زهقااان (من ايه) مبسوط شوية( ماشى) تعباان( امممم)...
-------------------
عاشق للكون فى هواكى وراسم احلام وياكى واسأل عن قلبك عادى واسكت لما اسمع ردك...
-----------------
انا زارع فى جناين بكرة الفرحة بالقول واللمس.. انا عاشق مجنون ولكنى انا راسمك بقلوب على الشمس..
-----------------
فنان فقير على باب الله و الجيب مفهيش ولا سحتوت و العمر فايت بيقول ااااه و القطر فايت بيقول توووت ...



ملخص سريع لابداعات وجيه عزيز الغنائية
حفل وجيه عزيز يوم الثلاثاء القادم 28\11 الساعة 8 ونص فى ساقية الصاوى و معاه الشاعر الجميل على سلامة
http://wagihaziz.com/

الجمعة، نوفمبر 17، 2006

فكر واحد للشباب

دلوقتى فكر واحد للشباب مفيش غيره و هو البنات و الجنس ده بس اللى شاغل ومالى دماغهم طول ما هو ماشيين فى الشوارع تلاقيهم بيعاكسو و يوصلو لمد الايدين و المضايقات( واللى منها اللى حصل فى وسط البلد و اللى بقاله سنين بيحصل بس الموضوع بان المرة دى لكنه دايما كان بيحصل و ايام ما كنت فى ثانوى كنت لما الاقى تجمع والطلاب طلعو برة المدرسة و ابقى عارف انها مش مظاهرة لحاجة يبقى اتأكد انه بنت عدت ادام المدرسة و الطلبة ماسبوهاش )
او يمشو يتكلمو على البنات و لو اقل حاجة يقعدو يملو نظراتهم من البنات اللى يعدو قدامهم او يتكلمو عن الافلام الجنسية و عن كل واحد جاب ايه احدث حاجة و مين هيجيب الهارد بتاعه عشان ياخدو منه الافلام و الافلام تلف على الكل
و لومشيت فى شارع ضلمة الاقى ولد واخد بنت و شغاليين ..
الجنس بقى اهم شئ وكل شئ للشباب و التعامل مع البنات بقى لمجرد انهم لحم و خلاص مش تعامل على انهم بنى ادميين و بقى لتعارف عليهم للسبب ده وبس و كل واحد يبقى فرحان ادام اصحابه انه ظبط كام واحدة او عمل ايه مع كام واحدة و هكذا

لكن كام واحد بقى بيعاملهم كبنى ادميين!!؟

طيب وبعدين الحل ايه؟؟!!!

السبت، نوفمبر 11، 2006

جريدة اخبار مبارك

جريدة اخبار اليوم عاملة انهاردة ملحق خاص و كاتبين اسمه مصر التى فى خاطرى و طبعا المقصود مصر مبارك و الملحق انهاردة مجانى و هو عبارة عن 12 صفحة للرئيس العظيم افضل رئيس فى الدنيا حسنى مبارك و حرمه احسن زوجة رئيس فى الدنيا برضه و كل الملحق صور ليهم هما الاتنين و جولتهم للصين و روسيا وغيرها و كلام بقى عن مجهودات الرئيس وحرمه اللى احنا مش مقدرنهم و حبة كلام بقى من ممتاز الكلب او القط كفاية عليه ينونو اللىسيادته دايما بياخده معاه و الحقيقة الكلب بيعمل الواجب وزيادة يروح ويرجع يمجد و يقول كل مجهودات الرئيس و كما يعمله ملحق لوحده و مظبطه صور
معنديش كلام تانى ومش عايز اغلط

الخميس، نوفمبر 09، 2006

فيلم دنياااااااااااااا نزل



فيلم دنيا نزل ونفسى ادخله ان شاء الله قريب اوى
(اخلص بس المشروع اللى شغال فيه ده خلاص ناقصله يومين )


__________
و ده اعلان عشان الناس تدخله برضه
-------------
تعديل الفيلم طلع انه اعلانات بس فى الجرايد وفى موقع ايجى فيلم لكن لما سألت السينمات نفسها قالوا لسه
تقريبا االاسبوع الجاى باذن الله

الأربعاء، أكتوبر 25، 2006

السن و الزواج

دايما بيحيرنى الموضوع ده علاقة السن بالجواز يا ترى فعلا فى علاقة وحدود فى السن عشان احب؟؟
زمان وانا صغير لما كنت لسه مش عارف سن بابا ولا ماما و كنت بسألهم كانوا بيقولولى غلط و يقولوا الفرق بينهم عشر سنين!!!!دايما كان كده لحد ما كبرت وعرفت سنهم بجد عرفت من بابا لانه بيقول عادى اما امى فتحب تخفى سنها ومتقولوش ابدا لكن مرة عرفت بالصدفة من غير ما تعرف وكان الفرق اربع سنين باين !!! طيب مهو فرق حلو اهو امال ليه كانت بتقول عشرة و دايما بقى بما انى كبرت وهى عايزة ترسى فيا موضوع انى اللى احبها لازم يكون فى فرق كده و لما اكلمها ممكن تنزلها لخمس سنين فرق مثلا و لما كلمتها فى انها لو كانت فى عمرى مثلا اللى حبيتها تقولى لا كده مش حلو و ساعات بيعمل مشاكل ايه بقى متقولش ولا اقتنع و اقولها بقى لو البنت اكبر سنة او اتنين تقولى لا مش حلو خالص و بابا كمان وافقها فى كده
المهم بقى انى عرفت انى جدتى الله يرحمها كانت اكبر من جدى بسنتين تلاتة مش عارف بالظبط و الموضوع ده كان مخفى تماما ولا حد يقدر يجيب سيرته او يتكلم بس اهو وصلنى و جوازهم ده كان ناجح و الا مكنش عاش
فى نفس الوقت كمان بقى عرفت ان عمى لما حب و اتقدم عشان يتجوز (من سنيين طبعا يعنى) بعدما اتقدم عرف ان اللى هيتجوزها دى اكبر بسنتين و مع ذلك اتجوزها ومحدش عارض ولا حد اتكلم ولا جاب سيرة برضه الا انى عرفت موضوع سنهم ده من امى و قلتلها طيب اهو جواز وناجح برضه بس هى بتقولى لا بس فى خلافات ممكن مش بتبان

يعنى انا شايف الموضوع بيمشى والجواز بينجح وكل حاجة لكن الزوجة بتهرب من السن عشان متقولش انها اكبر والراجل كمان بيهرب عشان ميقولش انه اصغر مع انى شايفها عادى يعنى مفيهاش مشاكل و طبعا الناس والاهل كل دول بيكتموا برضه خااالص!!!!!

السبت، أكتوبر 21، 2006

فطار المدونين اللى فات

هو محدش اتكلم عن الفطار ليه انا شوفت ملاقيتش حد ااتكلم و بعدين كان فى كمان صور فين ده كله؟؟

اتكلم انا بقى انا رحت متأخر عن الفطار يعنى وصلت ستة ومشيت قبل 8 للاسف عشان ظروف كده حصلت

المهم اول ما رحت وكنت انا ومايسة( مدونة برضه) و داخلين واحنا مقلقين منعرفش اى حد وشايفين كله قاعد حول طرابيزة كبيرة و احنا لسه على الباب وبنقول (قومى بينا نمشى) و بعدين وصلنا عندهم وبقول سلام عليكم و بدور على اى حد يمكن اقدر اعرفه فشفت مالك وانا عارفه من الصور رحت رايحله ومسلم عليه رحب بيه وقاللى روح الحق بقى الاكل وهما كانوا خلاص خلصوا فرحنا خدنا الاكل
و بعدين وزعوا ورق كل واحد يكتب اسم مدونته واسمه والايميل والتليفون كتبتهم واعتقد هيبقى فى تواصل بينا دايما بقى
و بعدين خلصنا رحنا سايبين الطرابيزة ولافين دايرة بالكراسى و الاول خلينا مجموعة عمل سوق الاسرة المكان اللى استضافنا يتكلموا عن تجربتهم وكان كلامهم حلو فعلا وسمعت فى الاخر سيرة ابراهيم ابو العيش وقريته و كنت هفتح فى الموضوع ده واسأل لكن كنت ماشى بقى خلاص لما جابوا سيرته بس مسيرى هسأل برضه نورا يونس بما انها بتشتغل فى السوق ده و بعدين قعدنا نتكلم شوية برضه ومالك كان دمه خفيف و ضحكنى

مبسوط انى عرفت الناس خصوصا اللى اتكلمت معاهم ولو كلمات بسيطة زى مالك و شرقاوى ورامى( ايوب المصرى) و صاحب مدونة صوت
و اللى متكلمتش معاهم نورا يونس و صاحب مدونة اى كلام و عمرو عزت وهكذا رضوى و ضاع عقلى ومش فاكر الباقى بقى الصراحة

اوحش حاجة انى ملحقتش اقعد فعلا ومشيت ملحقتش اكلم الناس وهما كمان كانوا بيقولولى عايزين نقعد معاك بس ظروف فعلا
معلش يا رامى ومالك وشرقاوى وكلكم تتعوض باذن الله

ااه كنا حوالى حاجة و 30 بمجموعة العمل اللى فى السوق كنت متصور العدد هيكون اكتر من كده !!

الاثنين، أكتوبر 16، 2006

لازم اكون احسن منها!!! لييه؟؟

فى البوستات القادمة سيكون عن موضوعات و احداث اراها بعينى وهناك ما اعلق عليه وهناك ما اتمنى معرفة اراء بها طبعا ساتحدث بتعميم فلن اذكر اشخاصا
----------------------------------------

دايما بشوف المشكلة دى اذا حصلت لان فى كتير بيهربوا منها اصلا وفى ناس متجرؤش تفكر فى الموضوع اصلا المشكلة هى لو واحد بيحب واحدة وهى فى كلية احسن منه قمة يعنى
مثلا لما يكون واحد تجارة او خدمة اجتماعية و يحب واحدة دخلت طب او هندسة او حاسبات حتى (بتحصل وشفتها محدش يقولى ان محدش بيفكر فى واحدة اعلى منه صحيح فيه مبيفكروش بس كمان فى بيفكروا) تلاقى الدنيا كلها وقفت ادامهم و لو اتقدم اهلها طبعا يرفضوا ويقولوا ازاى و لا يمكن حتى لو البنت موافقة برضه لا و الناس كمان هتلاقيها تتكلم ازاى هى توافق على واحد فى كلية اقل و هو نفسه ممكن يعيش طول حياته وهو بيقول دى احسن منى

بس فى حاجات تانية بقى زى لو الواد كان غنى فخلاص بقى ممكن يقبلوه و ممكن لا برضه اذا كانت الشهادة عندهم اهم من كل شئ
و فى لو الولد اشتغل اى شغلانة سواء ليها علاقةة بدراسته دى ولا لا و كانت معيشاه كويس فده ممكن برضه يخلي اهلها يوافقوا بس لو فى منافس تانى مثلا ومهندس ولا حاجة فهو اكيد احسن و اولى ليهم

لاحظوا انى لما اتكلمت قلت على الاتنين كليات انما بقى لو خدنا التفكير مثلا لواحد صنايع نجار مثلا او كهربائى ولو فكر فى واحدة خريجة تجارة او تربية او اى شئ شوفوا هيتعامل ازاى

يا ترى بقى الموضوع ايه اللى فيه صح و ايه اللى ممكن وايه اللى مش ممكن ؟؟ ولو واحد حب واحدة كانت فى كلية احسن وهى كمان بتحبوا بس فى معارضة من اهلها مثلا يبقى مين عنده حق والواد و البنت يعملوا ايه؟؟

------------------
ملحوظة انا مش فى المشكلة محدش يفتكر ان عندى انا المشكلة دى انا بتكلم عن غيرى

الثلاثاء، أكتوبر 10، 2006

كل سنة وانت طيب يا منييييير

انهاردة لازم الواحد يحتفل بعيد ميلاد محمد منير ال52 و قاعد اسمعه طبعا
يا سلام عليك يا منير 30 سنة غنى جميل
اه يا اسمرانى اللون حبيبى يا اسمرانى
يا ريت ان شاء الله اقدر اروح حفلته بعد بكرة (الخميس) فى الاوبرا هتبقى جامدة جدا و الناس هتحتفل بمنير
ناويها انى اروح باذن الله
كل سنة وانت طيب يا منييييييييير

الأربعاء، أكتوبر 04، 2006

كلمات فى اغانى

بحلم وحلمى بسيط مش كتر مال ولا سيط بحلم اكون نفسى

محمد فؤاد اغنية بحلم ويحلالى

عدى على الاحلام معايا ولاجل بكرة اتبسمى رحلتنا ملهاش نهاية اضحكى واتكلمى

محمد منير اغنية يا اميرة

لما بنام بحلم وبعيش لما بفوق مابفوقش بمووت

وجيه عزيز اغنية فنان فقير

لو موصوفلك تسكت جوه الهيصة وعيش
لو موصوفلك تضحك اضحك على احزانك
لو موصوفلك تحلم قضى الليل بردان واعمل روحك ناسى انك انسان

وجيه عزيز اغنية لو موصوفلك

و ان سألوك الناس عن ضى جوه عيونك ما بيلمعشى متخبيش قلهم العيب مش فيا ده العيب فى الضى وانا مش عاشق ضلمة ولا زعلت الضى مسير الضى لوحده هيلمع ومسير الضحك لوحده هيرجع ما بيجرحش ولا يأذيش

وجيه عزيز اغنية ان ما قدرتش

شوية هموم بتوع كل يوم يلفوا فى راسى افر يطولونى و لما يطولونى اقلع مداسى و العن دماغ اللى نائى وناسى
...... تعدى عليا الليالى تقولى بتضحك يا طيب طيييييب

وجيه عزيز اغنية شوية هموم

الاثنين، سبتمبر 25، 2006

سبحان الله



من وكالة ناسا فعلا اسم الله ظهر على موجات تسونامى

http://www.panet.co.il/ysc.php?ac=showarticle&article_id=39259&category_id=10

الاثنين، سبتمبر 18، 2006

ادميتنا

رجعت الدراسة و الشغل والتعب وبقى فى مشروع و وركينج وابحاث من اولها ابتدى الشغل طيب دى ومتعودين عليها انما الجديد السنة دى بقى المواصلات حاجة تقرف زحاااام رهيب والناس تحس انها كترت اوى و المواصلات قلت وبقيت كل يوم اصحى من بدرى واطلع على الشارع الاقى كمية من الزحام الرهيب ومقدرش اركب حاجة فاقرر امشى وافضل امشى بالمسافات عشان اعرف اوصل مكان فاضى الاقى فيه مواصلات فاضية واركب و اوصل الكلية بالعافية كل يوم ولما اجى اروح يحصل نفس االحكاية و الاتوبيسات بيركبها ناس بالمئات و الناس تتزنق على السلم و ناس تبقى واقفة فى الهوا ماسكة فى حد بس وخلاص و المينى باصات نفس الموال و الميكروبصات الناس بتدخلها من الشبابيك عشان تركب من كتر الضغط اللى على الباب ومع كل ده كمان تلاقى السواقين بقى بيستغلوا الزحام ده وبيكبروا دماغهم عن الناس و يقصروا فى الطرق بدل ما تروح مكان على مرة يخلوها على مرتين وتدفع اجرتين فرص بقى واستغلال
نفسى اعرف بقى ازاى الناس ساكتة كده وكل يوم بيزيد زحام عن اللى بعده وادميتنا فقدت من زماان و بنتعامل ولا حتى زى الحيوانات ازاى الناس ساكتة ومستحملة و ازاى بتعيش جوه صفايح السالمون اللى بتنقلهم دى يا ناس اتكلمو مرة بقى اعترضو اعملو حاجة دوروا على حل لمشاكلنا دوروا على ادميتنا خلينا نرجع تانى بنى ادمين بقى

---------------------------------
كلام ملوش علاقة باللى فات
جرنان اخبار انهاردة قريت فيه ان السفير الافغانستانى بيقول ان مبارك افضل زعيم اسلامى فى العالم الاسلامى
ياااااااه هو العالم الاسلامى مفيهوش زعماء خالص كده ولا احنا عمى ومبنقدرش النعمة

الخميس، سبتمبر 14، 2006

مرض الشعب المصرى

اخيرا عرفت المرض اللى عند الشعب المصرى دايما بشوفه فى كل حتة شارع او قهوة او جامعة اى مكان تلاقى الشباب وكلامهم كله شتايم فى شتايم جوه الكلام عادى كده و كل اصحابى تقريبا كده خلاص اتعودوا على كده بقى العادى بتاعهم يعنى و ساعات كمان بقى تلاقى البنات بيقولو الشتايم دى اه وصلت فعلا لكده وبقوا بيقولوها و مش الشباب بس لا الكبار كمان كله بيشتم حتى المدونات كمان فى منها اللى مستغل حريته وبيشتم برضه شتايم قبيحة



المهم الكلمتين دول عشان بس امهد لمقال دكتور احمد خالد توفيق الجامد جدا عن مرض التوريت و الشتايم والكلام ده وانصحكوا بقراية المقال

http://www.rewayty.com/Public/ShowArticle.aspx?ArticleID=445

الثلاثاء، سبتمبر 12، 2006

كل يوم بيعدى عيد!!

و انا راجع انهاردة بعد خروجة طبعا وراكب ميكروباص لقيت السواق كان بيكلم واحد من الركاب كان معترض على تعديل الميدان اللى بيحصل فيه دلوقتى و بيقول كمان داخلين فى رمضان ودراسة وعيد
فراح السواق قايله يعنى يعملو ايه و انهى عيد ده
فالراكب رد عليه قاله هو مفيش غير عيدين الكبير والصغير
السواق قاله ده الاعياد كتير
الراكب قال مبعترفش بيهم غير الاتنين دول
السواق قاله ازاى ده كل يوم بيعدى عيد
الراكب قاله ازاى ده فى ايام بتعدى فيها مشاكل وحاجات كتير
السواق قاله لا بس برضه كل يوم بيعدى عيد

هنا يجى استغرابى بقى وتفكير عميق السواق بيتكلم جد وانا شايفه ادامى مش بيتريأ و قعدت افكر هو كل يوم بيعدى عليا عيد و كان جنبى واحد صاحبى وكان ساكت برضه رحت سأله فجأة هو كل يوم بيعدى عليك عيد؟؟
قاللى زفت
وقلتله طيب سمعت السواق ده
قاللى اه
قلتله طب ازاى كل يوم بيعدى عيد عنده
قاللى مش عارف
ورجعت تانى افكر طول اليوم بفكر الراجل ده كان قصده ايه وازاى كل يوم عيد وكان نفسى اسأله بس كنت قاعد ورا ومكنش ينفع لو كنت جنبه او جنب اللى وراه على طول اللى كان بيكلمو كنت يمكن ادخلت لكن محصلش ففضلت لحد دلوقتى محتار وفى الاخر بسأل هو يعنى ايه عيد اصلا عموما ويعنى ايه بالنسبة ليه هو برضه

السبت، سبتمبر 09، 2006

فتحى سلامة-كلاكيت 3 مرة

عذرا لاعطال جهازى القديم التى تمنعنى من تواصل الكتابة فى الايام السابقة فهذا ما كتبته يوم 4سبتمبر من اجل حفلة شرقيات فتحى سلامة التى حضرتها
---------------------
ما زال يعزف هذا الرجل ويزيدنى سحرا بالحانه وموسيقاه كما الاحظه قائدا لفريقه يعرف كيف يوجهه تماما مع بداية عزفه يأخذك من عالمك الذى تعيش به ايا كان هذا العالم وينقلك الى عالمه هو بلا اى خلفية فى حياتك سوى ما سمعته له من قبل ولا يكتفى بذلك فقط بل انه يجعل روحك تخرج من جسدك الجالس امامه ويجعلها ترقص وتتحرك مع موسيقاه بينما يظل جسدك متأملا له ويندمج معه ايضا حيث تصفق اليدين مع حركة القدم بخبطها بالارض وعند تأملك للفريق تجده يتيح لكل فرد باظهار ما عنده من موسيقى على الته فى ظل عزف الاخرين ثم تظهر الرائعة كريمة نايت التى تتمتع بحضور قوى و صوت ممتاز و تمتعك بصوتها رغم ان عربيتها جزائرية وتغنى احيانا ايضا بالاجنبية مما يجعلك ربما لاتفهم بعض مما تقوله ولكن تستطيع ان تندمج معها و تحس بها و كما تعودت من فتحى ان اجده يقدم جديدا فكان فريق جيد بالفعل الذى قدمه وهو فريق روك
(screwdriver)
و من الفريق مطربان كانو شهاب ودينا و كل منهما كان جميلا خاصة شهاب الذى يتمتع بصوت قوى وحضور كما شاركت المطربة كاميلا والتى تتمتع بصوت قوى ايضا مع حضور خاص وشاركوا الاربعة مطربين الغناء وتبادلوا فكانوا فى حالة فنية راقية مع ملاحظة ان كريمة كانت الاكثر حضورا بهم بالنسبة لى
اكثر من ساعتين تمضيهم فى هذا الحلم الجميل ثم تفيق من بعده لتقول خسارة و تعود الى دنياك التى سلبها هذا الفريق وتنتظر العودة مرة اخرى فى يوم ما الى عالمه من جديد

الأحد، سبتمبر 03، 2006

عمر العشرين

عن عمر العشرين الذى اتممته هذا اليوم وعن الاحلام الوردية الوهمية و عن الاحباطات المتوالية والموجودة باستمرار فى حياتى ساتحدث فستجدو كثيرا من السوداوية وربما قليلا بل نادرا من الامال
لا اعرف كيف ابدأ بالحديث عما بداخلى لذا ربما يكون كلامى غير مرتب تماما اشعر باحباط قوى و يأس ولا فائدة من شئ ولا منى بالتأكيد وعندما تحدثت مع احد اصدقائى وجدته بنفس حالى تماما و يملكنى شعور موت واثنان من الاصدقاء عندما حدثتهم عما بى قالوا الانتحار واستعذت الله من هذه الفكرة التى ابعد عنها تماما الا ان شعور الموت يملكنى ويجعلنى افكر فيه بدلا من هذه الحياه المملة وها انا الان احدث شخصا اخر عن كاس السم الذى ننوى تناوله معا اعرف هذا انه شعور جماعى على كل الشباب اظن انهم دائما ما يقولون ان الشباب هو المستقبل وهو الصانع وهو وهو ..... اين كل هذا ؟ لاشئ
لابعد قليلا عن تلك السوداويات التى اعانيها بشدة و اتحدث عن تلك الاحلام الوردية ثم نعود ،نعم كانت لى احلاما كثيرة دائما ما اخفيها لأن الحلم الان اصبح اضحوكة يضحك عليها من يسمعها ولكنى ساقول كل ما حلمته وتمنيته كنت احلم بصنع مدينة و تكون جنة ورائعة مثل جنة دكتور ابراهيم ابو العيش التى صنعها وتحدثت عنها من قبل فى احد البوستات لانى اعلم ان كثيرين لا يعلمون هذا المصرى الرائع كما حلمت بصنع دارا لابناء الشوارع والايتام تعلمهم و تجعلهم ذوى ادوار بالحياه و حلمت بمشروعا لتحسين التعليم من ناحيتين الاولى هى التعليم الذى يمر به كل فرد الى ان يتخرج من كليته ابيض كما ولد واتمنى البحث فى حل هذا و الناحية الاخرى هى الامية التى نعانيها بشدة وحتى اننى تجرأت من كثرة ما اجده و ذهبت الى بواب عمارتنا و حدثته فى انه يجب ان يتعلم وعرضت عليه ان اعلمه انا و قلت له المكان سيكون المسجد المواجه لنا حيث انى لا استطيع احضاره البيت بسبب اهلى ولا استطيع تعليمه على سلم العمارة ثم بعد التفاق وموافقته اجده لا يسأل ولا يطلب ولا شئ كأن كلامى ذهب للريح ثم اعرف من ابى وامى انه من المفترض انهم فى الجيش يعلمونهم وهو عندما دخل فشل فى تعليمه هناك وانه لا يريد وقالو لى ان لا احدثه فى هذا الموضوع ثانية وانتهى الموضوع المهم ان هذه المشكلة كنت احلم بحلها يكفى هذه الاحلام كثيرا غيرها اتتنى لكنى انساها الان فى ظل هذه الحالة
اعيش حالة فراغ طويلة و امل من الاشياء التى افعلها لقضاء هذا الفراغ فهى تكرارا بلا جديد اريد صنع شئ بالحياه احس به
فى الشهر الماضى كنت اتلقى كورسات تدريب على برامج كمبيوتر وطوال اليوم كنت انشغل و اجد ما يلهينى رغم الارهاق و بعد ان انتهت عدت لحالة الفراغ هذه و التى تأتى على بكمية من الحزن
ساتحدث عن عمر العشرين هذا عندما افكر فيه احس اننى عشت كثيرا ربما اكثر من ذلك و احس اننى رأيت الكثير و رغم انى اعتبرهم زمنا طويلا الا اننى انظر فى الناحية الاخرى نحو العشرين عاما الاخرى التى ربما احياها باذن الله و اصبر نفسى بانها سيكون بها اشياء كثيرة مثل حبى وزواجى الذى لم يأت بعد و تخرجى من الكلية و عملى احس بانى سوف اعمل باى طريقة فلا احباط هنا و لكن ماذا عن شعورى بهذه السنوات كيف ساشعر؟ وماذا سيتغير؟ اتمنى تغييرا قويا و مستمرا
ساكتفى بهذا الجزء فهو جزء مما بداخلى وليس الكل بالتأكيد
اكتب هذا فى فجر يوم ميلادى اى انه الاحد3 سبتمبر والذى لا اعرف ما سوف انوى عمله فى هذا اليوم ؟ واتوقع انه _كالعادة_ اللا شئ

الأربعاء، أغسطس 30، 2006

عم الكتكوت

مش ترحمنا وتهدى بقى يا عم الكتكوت محمد سعد انت!!
دخلت فيلم محمد سعد و احب ان اوضح غرض دخولى اولا وهو انى عامة احب دخول السينما نفسها حتى انى احيانا ادخلها ليس للفيلم الذى اريده فهذا اليوم ما وجدته كتكوت فدخلته مع بعض الاصدقاء المهم نعود لسعد انا مقتنع انه ممثل جيد ويستطيع عمل اشياء كثيرة لكن يجب عليه التغيير و يكفى تكرارا
الفيلم بدايته حوالى ربع ساعة عم الكتكوت عمال يتنطط ويرقص ويعمل حاجاته الغريبة دى لحد ما تمل و طول بقى ما انت شايف الفيلم مش هتشوف غير كتكوت اما الباقى مش مهم و شوية تلاقيه قاعد مع واحد عمال يصفر وينغم ببقه و شويه مرة تانية تلاقيه عمال يخبط
برجله على الارض و يمشى الفيلم كله تقريبا فى استعراضات مللنا منها صحيح هتضحك شويه فى الفيلم عشان بس محدش يقول انى مقلتش ان فى ضحك و على نهاية الفيلم بقى هتلاقى عم الكتكوت بقى وطنى وهيحمى المترو انه ينفجر وياخد القنابل ويرمى نفسه بيها فى النيل بعدها يطلع هو زى الجن و يخلص الفيلم على كده
ايه فى حاجة
اه باقى الممثلين اه هو كان فى غيره ممثلين اه ده هو كان عامل دور تانى والحمد لله كان يمكن يثبت برضه انه يقدر يعمل ادوار بعيد عن اللى بيكرره بس مفيش فايدة
اما بقى حسن حسنى فتقريبا كان ليه كلمتين هما اللى قالهم فى الفيلم غير كده مفيش اما هبة السيسى فالكلمتين حتى وفرتهم ومقالتش حاجة اعتبرها طيف عابر محستش بيه اصلا اما ادوار الاشرار فى الفيلم فمش فاكرهم اساسا بصراحة

ومع ذلك اعلى ايرادات طبعا محمد سعد و ما زال ينطلق!!!!!!!!!!!!!

السبت، أغسطس 26، 2006

واحد من الناس وبلال فضل

على الرغم من انى دخلت الفيلم ده من فترة ومن ساعتها عايز اكتب عنه بس الظروف بقى المهم ادينى جيت
الفيلم كقصة واحد على قد حاله و حظه وقع مع الكبار وبقى فى موضوع انتقام منهم القصة تقريبا عادية ومش جديدة لكن السيناريو كان حلو و مشى من غير اخطاء و المهم ان القصة بتكلم عن زمنا ده واللى بيحصل فيه حتى لو كان مكرر بس جاى بطريقة حلوة و بالنسبة للممثلين فأنا شايف ان كريم يعتبر احسن ممثل حاليا فى مصر وكل مرة دوره حلو و منة شلبى بتتقدم فى ادوارها و محمود الجندى كنت مبسوط انه رجع يمثل تانى الراجل ده جميل و من خلال الفيلم بقى بما ان اللى كاتبه بلال فضل هتكلم عنه هو بقى الفيلم ده كان من افلامه الحلوة واللى هحبها ليه زى ما حبيت ابو على والباشا تلميذ و حرامية فى كى جى تو و مش فاكر بقى لكن فى افلام لبلال زى مثلا فيلم صايع بحر شوفته الفيلم ده كان عايز يقول فيه حاجة بس طلع ممل و معجبنيش الفيلم ده وفى افلام تانية غريبة بقى متعرفش بلال عملها ليه اصلا زى فيلم على سبايسى و حاحا وتفاحة وسيد العاطفى اللى ملقتش فيه قصة اساسا خالص وعلى الرغم من كتابته فى السينما اللى ساعات وساعات الا انه فى الدستور بقى حكاية كل كتباته جميلة و صفحته اكتر صفحة بحبها واقراها كلها و ربنا يوفقه فيها و بالنسبة لكتابه بنى بجم برضه كان عاجبنى معظمه اللى لسه مش عارف ليه بلال معملوش بقى انه زى ما بيكتب فى الدستور يكتب افلام جريئة كده و يبين اراء الشباب وحالتهم و يبين موقفه السياسى ويعمل افلام ليها قصة ومواضيع كده و يمشى برضه فى اللى بيمشى فيه فى افلامه ده و افلامه يمكن بيبقى فيها تلميح من بعيد زى واحد من الناس ناحية السياسة لكن انا اعرف انه مش خواف فيا ريت افلام واضحة بقى و موجهة

الأحد، أغسطس 13، 2006

اسئلة عن المدونة

هل انت راض عن مدونتك شكلا وموضوعا؟
اه الحمد لله راضى عنها شكلا وموضوعا ولو محبتش حاجة كنت شيلتها
هل تعلم اسرتك الصغيرة بأمر مدونتك؟
لا ميعرفوش وكده احسن عشان ما يبقاش فى مشاكل
هل تجد حرجا فى ان تخبر صديقا عن مدونتك؟
هل تعتبرها امرا خاصا بك؟
لا مفيش مشكلة انى اقول لصديق واللى يحب يشوفها يشوفها
هل تسببت المدونات بتغيير ايجابى لافكارك؟
اعطنى مثال فى حالة الاجابة نعم
نعم خلتنى اشوف اراء غيرى وتجاربهم و حاجات تانية كتير مش عارف اقولها
هل تكتفى بفتح صفحات من يعقبون بردود على مدونتك ام تسعى لا كتشاف المزيد؟
لا بدور وبلف واكتشف كل مرة مدونات
ماذا يعنى لك عداد الزوار .. هل تهتم بوضعه فى مدونتك؟
اه هو بيبينلى ان فى ناس بتدخل عندى و انا مهتم بوضعه لانه محطوط عندى فعلا
هل حاولت تخيل شكل اصدقائك المدونين؟ اعترف
لا محاولتش الا يعنى مرات قليلة جدا
هل ترى فائدة حقيقية للتدوين؟
بالنسبة ليا انا يمكن مجرد ذكريات تفكرنى و بالنسبة للعموم فهى بشوف منها تجارب وخبرات ناس واخبار الدنيا زى ما يكون جرايد يمكن هما احسن كمان
هل تشعر ان مجتمع المدونين مجتمع منفصل عن العالم المحيط بك ام متفاعل مع احداثه؟
لا متفاعل معاه طبعا و بيرصد من العالم ده احداثه

هل يزعجك وجود نقد بمدونتك؟ ام تشعر انه ظاهرة صحية؟
لا ميزعجنيش المهم يكون بينقد لسبب و نقد بناء مش عشان يدخل يغلس وخلاص

هل تخاف من بعض المدونات السياسية و تتحاشاها؟ هل صدمك اعتقال بعض المدونين؟
لا بدخلها عادى و صدمنى اعتقالهم فعلا



هل فكرت فى مصير مدونتك حال وفاتك؟
هتموت معايا وتكون الحدوتة خلصت


اخر حاجة احب اسمع اغنية ايه اللى احطها على المدونة
احط اغنية على الحجار يا مصرى ليه دنياك لخابيط والغلب محيط


اى حد عايز بقى يكتب مش لازم اختار خمسة يقولوا


انا تعبت وزهقت

الجمعة، أغسطس 11، 2006

علاقات جنسية

مش عارف دلوقتى بقى الكلام على العلاقات الجنسية بدرجة مستفزة و حاجات ليها العجب يعنى الاول الكليبات و ما فيها خصوصا واحدة كده بتغنى اسمها دانا اللى هى مش طالعة عشان تغنى اصلا لا سمح الله و لو بصينا مثلا على قناه زووم تلاقى اعلانها عبارة عن واحدة ماشية عريانة من اى حتة كل مرة يعروا حتة ويجيبوها و يعملوا على الحتة دى زووم لحد ما يوصلوا لسلسلة دهبية ومكتوب عليها زووم و اذا هربنا من قنوات الاغانى
و جبت قناه ميلودى افلام تلاقيهم عاملين اعلان و واحد يطلع يقولك اتضح ان مشاهدة القناه دى بتؤدى لفتور فى العلاقات الزوجية و يجيبلك زوج قاعد يتفرج على قناه وتيجى واحدة على انها مراته لابسه اقل شئ عندها وبينت اكبر جزء من فوق و تقريبا رجليها كلها وتقعد ادامه على اساس انها تثيره بقى وهو طبعا ميلودى افلام ثارته اكتر و معرفش الهدف من الاعلان اكتر من انه عايز يثير المشاهد نفسه
اما اذا قفلت التلفزيون بكل ما فيه و قلت تفتح الراديو على محطة نجوم اف ام هتلاقى اعلان بيشتغل طول اليوم عن الضعف الجنسى واننا كتير مننا بنعانى منه ولازم نتعالج ونكلم الدكتور و نقوله وهتكون فى سرية تامة و بصوت الرومانسى صاحب برنامج الحب اسامة منير يقول فى اخر الاعلان ان الدوا بيستمر تأثيره لمدة ستة وتلاتييييين ساعة و لازم يتقل كده وهو بيقولها عشان يهول من الموضوع برضه و يقول ان الدوا جامد يعنى

احنا ممكن نكون عندنا جهل شوية بالمواضيع دى كعرب و ناس كتير بتخاف متكلمش فيها واكيد احنا محتاجين توعية انا متأكد من كده لكن طبعا كل الوسائل دى للاثارة فقط مش للوعى

الاثنين، يوليو 31، 2006

النشر لاول مرة فى (بدايات) دار ليلى للنشر



لاول مرة ينشر لى فى كتاب اخيرا مع مجموعة من الشباب فى مسابقة تحدث دوريا و الحمد لله كنت احد الفائزين بالنشر لاول مرة فى حياتى والكتاب بعنوان (شاى وشيشة)و هو العدد الرابع من بدايات التى يظهر صورة الغلاف للعدد الاول منها
اشكر العزيز الاستاذ محمد سامى على هذا العمل الرائع الذى يقصد به اعطاء فرص للشباب و للمواهب الشابة التى لم تأخذ فرص و لاولاه لما كان نشر لى وللكثيرين
العمل(خاطرة) ربما لا يكون على مستوى جيد و انا احس بذلك جيدا واقدره صحيحا لكنه يعطى امل لكتابة افضل و لفرص اخرى اكتب فيها ، اكثر ما يسعدنى ان اسمى مكتوب فى كتاب بأى عمل حتى لو كان لا يرضينى

الدار هى دار ليلى للنشر والاعلان مقرها 23 شارع السودان - الدقى الدور الرابع
الموقع و المنتدى للدار www.darlila.com
ولكنه حاليا تحت الاصلاحات و سيعود قريبا الموقع

الأربعاء، يوليو 26، 2006

ولسه هنعيش وهنشوف

سعر البنزين 90 غلى وبقى ب130 قرش
و تذكرة المترو بقت بجنيه بدل 75 قرش
و الميكروبصات غليت
و تذاكر دخول طريق مصر اسكندرية كمان
وايه يعنى كله بيغلى واحنا زى ما احنا ايه يعنى كل واحد هيقول كلمتين وهيزعق وكأنه بيكلم نفسه ولا حد سامعه غير اللى زيه و هيمشى زى ما كل مرة الدنيا بتمشى
-------------------------------
كنت بتفرج على العاشرة مساءا انهاردة ولاقيتها جايبة محمد انور عصمت السادات والاخ بيعرض حله العبقرى بان احنا نكلم الكنيست ونطلب منهم يجوا جامعة الدول العربية ونتناقش فهما يقتنعوا وميضربوش ويكون مع حل السلام العادل الشامل بتاع كل مرة واللى ملوش فايدة وكله يعارض رأيه والناس تتكلم وتبعت ويقول اصلهم مش فاهمين قصدى ايه و مش واصلهم هدفه وبعدين تجيب معاه المحامى عصام الاسلامبولى ويقعد يفهمه برضه وعم السادات على رأيه برضه بس بصراحة عصام بهدله فى القعدة والسادات كان منظره وحش ومش عارف يتكلم و كمان قروا رد من مصطفى بكرى بعنوان دعوة مشبوهة على دعوة السادات طببعا للكنيست
اكيد السادات ده محتاج يكشف ويتعالج ولو ان احتمال كبير يكون حالة ميئوس منها


تقريبا انا اتجننت وسيطر على دماغى انه هيكون فى رد قوى وفعلى لما مصر هى اللى تتتضرب
ادعوا بقى يا اما انا اعقل يا اما.......... وسلام

الاثنين، يوليو 10، 2006

للكبار فقط

افلام كتير عربى ظهرت دلوقتى للكبار فقط زى سهر الليالى و بحب السيماو ليلة سقوط بغداد ودلوقتى موجود عمارة يعقوبيان وكذا فيلم المهم بقى فى الاتجاه ده طبعا انا مش ضد ان يتعمل افلام للكبار فقط وانها طبعا تكون فيها حاجات لا تسمح ان اطفال يشوفوها او يفهموها وطبعا طول ما هى فى السينمات اعتقد انها بتبقى فى مراعاه ان اللى يدخلها كبار حتى لو حصل فلتات لكن لما الاقى سهر الليالى جه على ام بى سى ده يعرفنا ان الافلام دى مصيرها انها فى يوم هتتعرض فى التلفزيون عادى وكأنها كانت ممنوعة للصغار ايام ما كانت فى السينما ولما وصلت للتلفزيون كانوا كبروا فخلاص ينفع يتعرض بقى هما مش فى صغار برضه تانين ولا ايه ولا هو اى حاجة وخلاص هو صحيح اننا بنلاقى قنوات الاغانى مليانة باللى المفروض يكون للكبار فقط حتى مضر على كبار كمان والله لكن برضه الافلام صعب اوى يعنى مشاهد زى اللى فى ليلة سقوط بغداد وصورة الامريكى اللى فى الحمام ولا زى مشاهد خالد الصاوى فى عمارة يعقوبيان ده هيتعرض تلفزيونيا ازاى اعتقد لو فكرنا فى حل لده ان يقولوا قبل الفيلم تحذير مثلا زى الافلام الاجنبية و طبعا المفروض دور البيت ان ميتفرجش اطفال

----------------------------------
اعلن عن مدونتى الجديدة وهى مش كترة وخلاص ولا حاجة هى جت بعد تردد والمدونة باسم خواطر النفس وعاملها عشان الخواطر والشعر اللى بألفه واللى بخرفه كده يعنى
http://mohamedyasser.blogspot.com/

الأحد، يوليو 02، 2006

الحقيقة ...اليوم السابع...مجريات الاحداث الاخيرة...

انهاردة صادف بجيب دريم لقيت برنامج الحقيقة للمذيع وائل الابراشى فقلت اشوف جايب ايه لقيت جايب الصحفى احمد صلاح و تم تعذيبه فى السجون والمظاهرات و الصحفية ندى القصاص المدافعة عن الصحفيين و من الناحية التانية العضوان الزفت بستين نيلة الاول يحيى وهدان و التانى شيرين عبد العزيز و نفس المتوقع بشوفه الصحفى بيتكلم عملوا فيه ايه وبهدلوه ازاى وحتى فى المستشفى القصر العينى كانوا متاجهلينه ومبيراعوش حد ازاى و الصحفية تدافع عن واحدة تم هتك عرضها فى القسم و ان جاولها ست وفهموها وقالولها تفتشها ازاى وتقلعها هدومها كلها و تبهدلها و الناحية التانية طبعا بقى كالعادة الاستنكار والعبط و التخلف اللى ممكن يخلينى اكسر التلفزيون وانا بتمنى انه يجى على دماغهم ودماغ اكبر كلب فيهم و يقعدوا يقولولها متكلميش عن الحزب الوطنى وانتى مش عارفة الحزب شغال ازاى عشان الناس و عم وهدان ده يقول يا ريت الواحد يرجع ايام ما كان ظابط شرطة و يقول ان الظابط والامن فى مصر مبيحصلش فى كده ابدا كان نفسى ساعتها يقولوا للوطنيين دول اننا كدابين بعد ما يحكوا كل ده وانهم بيلبسوا التهمة واى كلام على امن الدولة والظباط و ان الكلام ده طبعا من تأليفهم اصل خيال الشعب المصرى واسع انتو عارفين
خلص البرنامج وبقلب لقيت برنامج اليوم السابع لمحمود سعد ولقيت الفقرة اللى شغالة مستضيف فيها علاء سيف وقلت كويس ان حد من المدونين بقى بيطلع و كل البرامج بقت ليها عين على المدونين وانا انهاردة من قبل برنامج اليوم السابع ده قررت انى احط بلوجرى عند علاء لانى مهما اختلفت معاه فى فكر ليه او فى اى حاجة احنا الاتنين معارضين ولازم نكون كلنا مع بعض يمكن نعمل حاجة بجد وانا شاغلنى كتير ان الاعتراض يكون شئ ايجابى اكتر منه مظاهرة وخلاص مثلا بس ازاى دى لسه اللى محيرانى
و فى لفتة تانية من محمود سعد جاب تقرير عن فلسطين واللى بيحصل وضرب وخطف الوزراء هناك الوطن العربى كله بيتبهدل فلسطين عندها اسرائيل واحنا عندنا حكومة

الجمعة، يونيو 23، 2006

عمارة يعقوبيان




شفت امبارح عمارة يعقوبيان والفيلم رغم انه 3 ساعات يعنى قعدة طويلة فى السينما الا انه يستاهل والفيلم عجبنى كان جميل و احداث الفيلم هى اللى فى الرواية(اللى كنت قريتها من فترة طويلة)و مختلفتش الاحداث كتير غير فى نهاية حازم و معتقدش كان فى اختلاف غيره تقريبا و و طبعا رأيي فى الرواية او قصة الفيلم من الاول انه جميل
من ناحية الاخراج عجبنى اخراج مروان حامد بعيدا عن انه ابن وحيد حامد باين عليه انه شاطر لانه كان عاجبنى كمان فى فيلم(لىلى) قبله
موسيقى الفيلم كانت عادية ومناسبة
التمثيل اللى عجبنى تمثيله وكان فعلا متميز الفيلم ده خالد الصاوى وعادل امام(كان مختلف دوره وتمثيله المرة دى بدل الافلام اللى كان بيعملها قبل كده)و اللى معجبنيش ولا حبيت تمثيله فى الفيلم كان يسرا وتامر عبد المنعم و سمية الخشاب اما باقى الممثلين هند صبرى وخالد صالح وباسم سمرة ونور الشريف واحمد بديرواحمد راتب واسعاد يونس ومحمد امام كان تمثيلهم كويس اللى هو العادى

الفيلم جامد كفيلم عربى
كان معايامن اعز اصحابى محمد واخته منار(بلوجر منورة)ومحمود و ثروة(بلوجر عايشة وخلاص)اللى بتوحشنا فى كل فترة بتغيب وترجع

السبت، يونيو 17، 2006

العالم الافتراضى

منذ ثلاثة اعوام تقريبا بدأت التعرف على هذا العالم الافتراضى والذى يحمل الكثير من الاشياء والذى اثر في كثيرا ايضا وبداية تعرفى على هذا العالم كان من خلال منتدى اسمه روايات وكان يحمل لى الكثير و تعرفت على الكثير من هذا المنتدى وفى اول يوم لى على هذا العالم الافتراضى اتعرف على شخص من هذا المنتدى و يحدثنى و اذ به يطلب منى مقابلته لاننا وجدنا اننا نسكن فى ذات المنطقة و لم ارفض وكان اول لقاء لى مع شخص عن طريق هذا العالم ولا اعلم ما جعلنى اوافق سوى حسن النية والتجربة و بعدها قابلت الكثير من هذا المنتدى حيث كان يحدث لقاءات يعلنون عنها و هذا جعل لى العالم الافتراضى يكون واقعى و كان هناك سمة مشتركة بين هؤلاء الناس وهى انهم من هواه القراءة ومن المتابعين لكتابات دكتور احمد خالد توفيق او دكتور نبيل فاروق لذا كانوا يجتمعون فى ندواتهم ايضا ولم تكن هذه هى تجربتى فقط من هذا العالم الافتراضى ففى مرة اخرى تحدثت مع شخص اخر و كنا نتحدث عن السينما وكلانا يحبها لذا قررنا الذهاب سويا للسينما و بعدها تجولنا و مشينا واصبحنا اصدقاء و يعود حديثنا عبر العالم الافتراضى و بعد فترة تقابلنا مرة اخرى لاقابله هو وصديقين له اخرين و ذهبنا الى مطعم و تجولنا فى وسط البلد و من بعدها عدنا للعالم الافتراضى ثانية لانشغالنا باحوالنا و لم اقابله بعدها ومع تجربتى فى منتدى روايات تكونت صداقات عديدة حتى اننا اصبحنا نخرج ونمشى ونجلس سويا على المقاهى و كأننا اصدقاء حقيقيون وبالفعل نحن كذلك لكن البداية كانت عالم افتراضى وهذا ما هو مختلف فان وجدنا شخص ما وسألنا كيف نعرف بعضنا وكل منا فى كلية او متخرج ويعمل وكل منا من حى مختلف فكانت الاجابة هنا صعبة (مثال هذا كان يحدث عند زيارتنا للايتام احد ما كنا نفعله ) وبالتأكيد الصداقات تكونت من الجنسين ايضا
وعن هذه التجربة التى قد لا يجد شخص فينا من هذا العالم الافتراضى مشكلة الا انها ستجد الكثير من المشاكل عند اشخاص اخرين كالاسرة مثلا فقد تبدى اعتراضا اذا كانت تعرف من اصدقائك فتقول كيف عرفته وكيف تضمن صدقه ؟ كانت الاسئلة كثيرة واعتراضية و اعتقد ان كثير واجهوها ان كانوا يعلمون اهلهم بمقابلتهم لاشخاص من العالم الافتراضى و تجربتى عندما اعلمت اختى وهى التى تبدى اعتراضا كبيرا على ان تصادق شخصا من هذا العالم او حتى تتحدث لشخص منه ورغم انى حدثتها عن وجهة نظرى وهى تحدثت ايضا بوجهة نظرها ولكل انسان رأيه فكل منا يفعل ما يراه
من تجربتى اقول برأيى الشخصى انى استطيع ان اتعرف واقابل من اقابل فى هذا العالم الافتراضى فمثل النماذج التى اقابلها فى هذا العالم اواجه فى العالم الحقيقى و ربما وجدت فى العالم الافتراضى من هو افضل ممن اقبله فى العالم الحقيقي و ان كل شخص مسئول عن فعله فعندما اوافق على مقابلة شخص فأنا مسئول اما ان لا اقابله ثانية ان وجدته سيئا او لم احبه واما ان يكون صديقى ولكل انسان عيوب كما المميزات فلن اجد فى اى من العالمين من هو الامثل لذا فأنا اصادق كل شخص بمميزاته و ربما تجنبت عيوبه او نصحته او شاركته لاننا كلنا نخطئ
العالم الافتراضى مثل الواقعى بل ان الافتراضى افضل ولكن لتتم المعرفة والصداقة به يجب المقابلة حتى يكون صديق الافتراضى اصبح حقيقى ايضا وهذا له مميزات وعيوب ايضا اما ذلك او ان يكون صديق عالم افتراضى فقط و سيعتمد كل منا على صدق الاخر و سنكون كذلك لكن سيظل هناك نقص فى الصداقة ما دمنا لم نواجه بعض فى العالم الحقيقي...

الثلاثاء، يونيو 13، 2006

الصدمات المتتالية

من 3 ايام وفاه جدتى و كان بقالى فترة يعنى مشوفتهاش عشان الامتحانات
الله يرحمها بفتكرها دلوقتى بطبيخها اللى كنت بحبه ودعواتها اللى كانت ليا دايما
ما بقاش غير صور وذكريات
-------------------------------------
عشان خاطر الثانوية واللى فيها مقالوش لبنات عمتى اللى فى الثانوية على وفاه جدتى عشان ميأثرش عليهم
سبحان الله
-------------------------------------
اخر امتحان ليا كان انهاردة والدكتور ما سبش حاجة مجبهاش
ربنا يكرمه ويكرمنا
-------------------------------------
تبدأ من انهاردة اجازة معاها حاجات كتيييير نفسى اعملها
------------------------------------
اخر صدمة قاتلة عليا اوى انى الاقى واحدة من اعز اصدقائى واكتر الناس اللى بحبها تقول انها كانت هتجرب الحشيش والحمد لله انه محصلش كانت تبقى كارثة وكنت هموت من الزعل يا رب اقف جنبها و ساعدها وابعدها عن كل شر

الاثنين، يونيو 05، 2006

يا مصرى

اهداء الى كل مصرى الاغنية دى

يا مصري كلمات سيد حجاب و الحان ياسر عبد الرحمن وغناء على الحجار

يا مصرى ليه دنياك لخابيط...والغلب محيط
والعنكبوت عشش عل الحيط...وسرح عل الغيط
يا مصرى قوم هش الوطاويط...كفاياك تبليط
صعبه الحياه والحل بسيط...حبة تخطيط
........................
فتحت باب إستيرادك
وصرفت فوق ضعف إيرادك
حلى للخواجه إستكرادك
سابك بتقرا فى أورادك
وده أشطك ونزل تشفيط
...................
يا مصرى ليه دنياك لخابيط...والغلب محيط
والعنكبوت عشش عل الحيط...وسرح عل الغيط.
..................ومهولاتى تحب تزيط
ساعة الفرح زغاريط تنطيط وفى المياتم هات يا صويت
وفى المظاهرات سخن تشيط
وفى الانتخاب تنسى التصويت...................
يا مصرى ليه دنياك لخابيط...
والغلب محيطوالعنكبوت عشش عل الحيط...وسرح عل الغيط.....................
وليه بترشى وتتساهل وتبيع حقوقك بالساهل
تستاهل النار تستاهل
ياغويط ويحسبك الجاهل
ساهل وساهى وغبى وعبيط.
.................يا مصرى ليه دنياك لخابيط...والغلب محيط
والعنكبوت عشش عل الحيط...وسرح عل الغيط.....................
يا مصرى يا اللى الغلا عصرك
والنهب فى عصرك حاصدك
قوم للحياه وأسبق عصرك
ولا حاجه هاترجع مصرك
إلا أن تكون شغال ونشيط......................
يا مصرى ليه دنياك لخابيط...والغلب محيط
والعنكبوت عشش عل الحيط...
وسرح عل الغيط يا مصرى قوم
...هش الوطاويط...كفاياك تبليط
صعبه الحياه والحل بسيط...حبة تخطيط..........

الاثنين، مايو 29، 2006

ايه اللى بيخلينى احس بالسعادة؟؟

اجابة لسؤال منار عن ايه اللى بيخلينى احس بالسعادة؟ وايه اللى بيفرحنى؟

انى اعمل حاجة احس انى رضيت بيها ربى
انى اعمل حاجة تفرح اهلى
اللى بيفرحنى انى اسمع منير على روقان او احضرله حفلة بفرح اوى
انى اشوف فيلم حلو فى السينما و فى السينما احسن عشان بحبها
انى اقرا رواية جميلة وعجبتنى
انى اقعد مع اصحابى قعدة حلوة فى اى مكان حتى لو قهوة
انى الاقى حد كاتب تعليق فى البلوج اللى انا بتكلم فى مع نفسى ده (طبعا فى ناس بترد اشكرها)و المهم انه يعجبه فعلا اللى انا بكتبه
انى اقرا او اسمع شعر جميل احس بيه فعلا
لماالاقى مشروع التصميم بتاعى عجب الدكتور وخدوه فى الكلية
لما امشى فى شوارع احبها واشوف بيوت و عمارات جميلة زى وسط البلد كده
لما اروح اسكندرية والاقى البحر جنبى طول الوقت
لما الدنيا تمطر وامشى تحت المطر
لما افتكر ايام عدت عليا وكانت جميلة (زى ايام اسكندرية وزى يوم حفلة فتحى سلامة فى رمضان)اى ذكرى حلوة
كفاية كده


دلوقتى اى حد يقرا يرد على السؤال برضه يا هنا يا فى بلوجره

الأحد، مايو 28، 2006

حكايات الغريب

اعشق فيلم حكايات الغريب و لم اكن اعرف انه قصة من مجموعة قصصية لجمال الغيطانى و عندما اشتريتها ووقرأتها وجدتها جميلة ومن اكثر الكتب التى اعجبتنى و معظم القصص داخلها بنفس روح حكايات الغريب ولكن تبقى هى الافضل بينهم

الأربعاء، مايو 24، 2006

فلت العيار


فلت العيار
من البندقيه وانطلق
وسط الحصار
والدم طرطش علي الورق
كان الكلام مكتوب رصاص
كان الكلام مكتوب رصاص
مقتول بيطالب يوم قصاص
الدم غالي
بس احنا ليه رخاص
فلت العياروالحادثه
كانت انتحار


محمود سراج

الاثنين، مايو 22، 2006

وطن الاوبئة المزمنة

وطن الاوبئة المزمنة هذا الوطن يحتاج الى ابادة كاملة حكام وشعب وانتاج بشر اخرين يعيشون فى هذا الوطن وطن يأتى بعكس كل ما هو موجود فى هذا الوطن بداية من الحكام والشعب كنظام دولة و بالشعب نفسه الذى يمتلئ بالكثيير والكثيير من الاوبئة ومنها ما ساحول ذكره واعتقد ان هناك اكثر فنحن لا نكف
الوباء الاول ديانة اخرى قادمة ليست بديانة ولكنها بدعة و خرافة تسمى البهائية و هم جاءوا لاثارة الفتن والمشاكل تزداد فى الوطن وهم بالطبع كفرة و اولهم جاء بانهم ارتدوا عن الاسلام فهم يحل دمهم وابنائهم الذى ولدوا كذلك حلهم ان يطردوا من هذا الوطن و عدم الاعتراف بهم نهائيا او ان يظلوا كما هو عليه بانهم يكتبوا مسلمين فى الاوراق الرسمية فذلك يجعلهم عندما يتعبدون الناس يعرفوا انهم مسلمون لكن بافعال اخرى اما ان نعترف بهم فستكون مصيبة حيث تجد الديانة انتشرت و عندما يصلى احدهم ويقول لمسلم انى بهائى ويتسائل المسلم عن معنى البهائية هكذا قد يجتذب اخرون لهذه البدعة وهذا الكفر الديانات معروفة الاسلام والمسيح واليهودية هذه الديانات السماوية فقط اى شئ اخر هو بدعة.
الوباء الثانى لم اكن اتخيل انه بهذا الوطن هكذا لكننى للاسف بدأت اعى بوجوده هو الشذوذ من النوعين رجالا ونسائا و لا اعرف كيف جاء هذا و كيف اصبحنا كذلك .
الوباء الثالث الجنس عموما و تجد فى هذا الوطن كثيرا من فاعليه والزنا وغير ذلك تجد ما هو اكثر حيث يخدع بنات من شباب وذلك نتيجة لاشياء كثيرة مثل ان تكون تحبه وضعفها امامه.
الوباء الرابع شرب الحشيش والمشروبات الكحولية والبيرة كل هذه الاشياء التى انتشرت وكثيرا ما يتداولوها دون وعى الاهالى او اى احد غير الاصدقاء المشاركين.
الوباء الخامس القتلة الذين يقتلوا بابشع الطرق ويقومون بقطع الاعضاء التناسلية و غيره.
الوباء السادس هو اعتبره وباء عام عند كل الشعب بلا استثناء وهو المرض النفسى فكلنا مرضى نفسيا.

لابد ان هناك الكثير والكثير من هؤلاء لكنى ربما نسيتهم وربما لا اعرف اوبئة اخرى لكنى كتبت ما اراه اهم الاوبئة الوطنية
-----------------------
2011
برضه اتغير تفكيري عن الموضوع ده تماما لان الوعى زاد اكيد و مش همسحه برضه عشان اكون شايف اني كنت مخطئ
الحرية من اهم مطالب الحياه
الموضوع اصبح مختلف تماما

الجمعة، مايو 19، 2006

مشكلة مين فينا

نفسى اعرف هى مشكلة مين يمكن المشكلة دى بتحصل مع ناس كتير زى ما بتحصلى المشكلة هى الاباء والابناءوبالتحديد فى الدراسة
مع انى الحمد لله شايف نفسى ماشى فيها كويس وبنجح كل سنة تقدير جيد وربنا معانا ونحافظ على التقدير ده الا انهم مبيرضوش بحاجة زى دى وعلى طول عتاب ويا ابنى ذاكر ومش عارف شوف جارنا اللى فى تجارة واتخرج منها شفت بقى معيد ذاكر بقى وشد حيلك عشان تبقى معيد و كتير بقى الكلام ده وعلى طول وعشان كده مش بقعد معاهم اصلا يا فى اوضتى يا على الكمبيوتر ومليش دعوة بيهم وطبعا يقعدوا يتكلموا ويقولوا يا قاعد على الكمبيوتر بتلعب اصل الكمبيوتر عندهم كل اللى بعمله فيه انى بلعب اى حاجة تتعمل عليه اسمها بلعب يا اما قاعد فى اوضتك بتقرا فى كتب وروايات ملهاش لازمة طب امسكلك كتاب هيقتلونى والله .
اكيد كل واحد بيتمنى يكون احسن واحد فى دراسته واكيد انا ماشى نفسى اجيب اعلى تقديرات بس هى عمرها ما بتيجى زى ما هما فاهمين يا اما انا غلط يعنى انا بحاول اعمل اللى عليا وغيرى برضه بنفس المنطق بس بتفرق بين واحد والتانى لظروف معينة مش حكاية ذكاء ولا مذاكرة اكتر لا فى حاجات كتير بتأثر فى الموضوع دهوفى دراستى اصلا احنا عددنا قليل جدا و كلنا بنبقى فى الشغل الواحد او المذاكرة مع بعض وامى اللى مبترحمنيش تقولى طب ازاى ما دام انتو بتذاكروا مع بعض ومحدش بيقعد يذاكر اكتر من التانى امال بتفرق تقديرات ليه ؟ طب اقولها ايه دى يا ستى حسب اعمال السنة والدرجات اللى بتفرق ما بينا والامتحان يعنى كلنا مذاكرين بس مش كلنا هيحل نفس الحل فى الامتحان مش حل جماعى هو كل واحد زى ما دماغه بتجيب هنعترض.
انا شايف ان ربنا مقسمها وكل واحد يرضى ويحاول يجتهد زيادة شويه وليه نكره ان حد متفوق علينا و هو يستحق و لو بمحاولتنا قدرنا نعديه يبقى الحمد لله ولو مقدرناش وده طبيعى لان مستواه من الاول عالى
والواحد لما يكون عالى صعب يقل الا بظروف فهيفضل دايما عالى اما لما يكون متوسط بيحاول لحد ما يعلى ويمكن مرات يعلى فعلا عن الاول ومرات تانية يرجع تانى .
هو ربنا مقسمها وكل واحد ونصيبه
ارحموووونى بقى
يا رب

معلش هى مشكلتى بس بطلع اللى فى نفسى عشان متكتمش وانفجر
دوشتكو

الجمعة، مايو 12، 2006

شاغلوونى

مش عايز اتكلم فى سياسة اى حاجة
مش عايز امشى فى الشوارع اشوف الناس عيونها حزينة
مش عايز افتح التلفزيون اسمع اخبار
مش عايز الاقى حد بيقولى قبضوا على حد
مش عايز اعرف ان كفاية بتعمل حاجة
مش عايز اعرف ان الامن المركزى بيضرب ناس
مش عايز اعرف ان فى مظاهرات
مش عايز اعرف ان فى اعتصام للقضاه
مش عايز اقرا كل اربع احداث جديدة من جريدة الدستور
مش عايز اقرا الجرايد الوطنية والاقيها اخبار عن الرئيس راح وجه
مش عايز اعرف اى حاجة


اعمونى واطرشونى وبجهلى اخرسونى
عن دنيتكم خبونى
دارونى
ابعدونى عن الشوارع والبيوت والناس


شاغلونى بكل طريقة تافهة
خلونى اعيش دنيا مزيفة
خلونى اشوف حياه وفرحة ولو كانت مؤقتة
خلونى طيب اشوف حاجة حلوة احبها
خلونى حتى احب
حد يدينى امل

شاغلووونى

حقوق المرأة

دلوقتى عمالين يقولوا ان اسم الست لازم يكون فى البطاقة ويكون الاسم بالست مش بالراجل بس يعنى مثلا انت اسمك محمد احمد لا تبقى محمد فوزية يا سلام شفتوا العبقرية وده لان الست مش واخدة حقها برضه و كمان الاقى عضو فى فى جمعية للمرأة وبيناشد بالموضوع ده ونفسه اوى يبقى اسم امه ورا اسمه عشان ده حقها والكاتبة منى حلمى اللى يا سلام على عقلها حبت تعمل حاجة لامها فى عيد الام اللى ملوش لازمة اصلا فقالت انها تطالب باسمها يكون مكتوب فى البطاقة و يكون ورا اسم الابن طيب انا مع ان المرأة لسه مخدتش حقوقها كاملة وان لسه تعليم البنات مانعينه فى قرى كتير وانها لسه مظلومة لكن حاجة زى دى بقى لا حقوق مرأة و لا حقوق حاجة خالص و دول اكيد ندعيلهم ربنا يشفيهم ويشفينا من الفذلكة المصرية اللى ملهاش لازمة واعتقد ان معظم الستات والبنات مش مع الاراء الغريبة دى

الخميس، مايو 04، 2006

الملك هو الملك

اخيرا حققت اللى عايزه ورحت المسرحية وطلعت طبعا زى ما متوقع لها انها جامدة جدا ومهما حكيت عنها مش هيبقى زى ما تدخلها المسرحية سياسية كوميدية ومحمد منير اكتر من رائع وهايل وصلاح السعدنى رهيب و موتنى من الضحك كتير وكان له كلام هايل ميتنسيش وباقى الممثلين كلهم كويسين
كان يوم جميل فعلا جدا وكنت فرحان فرحتين فرحة انى اشوف منير وفرحة المسرحية الهايلة نفسها
مش عايز اتكلم عن القصة والاحداث للمسرحية الكلام مش هيكون زى ما تشوفها

الاثنين، مايو 01، 2006

احمد فؤاد نجم يبدع

عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ديننا
اكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص


احمد فؤاد نجم

الأحد، أبريل 30، 2006

الملك هو الملك اخيرا


كل مرة يحصل حاجة ومعرفش اروح الحمد لله حجزت انهاردة ليوم الاربع الجاى رايح المسرحية
كنت هموت واروحها
ربنا يسهل و اروح الاربع باذن الله

الأربعاء، أبريل 26، 2006

رباعيات شاب

شاب عايز يحس بدافع
فى وطن مظلوم وضايع
فى زمن مليان مواجع
ولسه بيدور رغم الموانع
-----------------------------------------
شاب بيدور على دور ومهنة
فى دنيا فيها صعاب ومحنة
رافض يكسل عايز يشيل عنا
بيدور على امل فينا ومنا
-----------------------------------------
شاب عايز يكون مسجون
يعيش حالة من الجنون
ويشوف بجد جمال الكون
عايز يعيش فى حب حنون
-----------------------------------------
شاب عايز يكون مختل
يسرق يحرق يغرق يحتل
يعمل كل اللى يرضيه
وفى الاخر ميلوموش ويقولوا مختل
----------------------------------------
قالوا مفيش فى المحبة كسوف
اوعى تحس فى قولها بخوف
وخلى حبك للناس مكشوف
قلت الحب مكشوف خايف مكسوف

الجمعة، أبريل 21، 2006

شغل عيال

لسه باتعامل كطفل وفى الاخر يقولوا مبيعتمدوش على نفسهم

هما : بص يا ابنى النت بقى خلاص والخروج والكلام ده مفيش بقى ده اخر شهر ولازم تذاكر و تخلى بالك من الدراسة

هما : يا ابنى عندك مواد تتذاكر ولا عايز تقنعنا انه كله رسم وعملى بس


انتو ايه عرفكو انتو مالكو مالكووش دعوة

انا موادى رسم و مذاكرتى انا مسئول عنها و هى مادة واحدة اللى عايزة تتذاكر سيبوووونى فى حالى


لسه طفل يا رب اكبر بقى واتخرج و اخلص وارتاح عشان متكلمونيش

الصبر يا رب

الأربعاء، أبريل 19، 2006

كفاية تعبت

كفاااية تعبت من الدنيا دى ومن البلد المعرجة دى بلد بنت .... (بتحريف وحذف الشتايم وده لانى عمرى ما شتمت الشتايم دى ولحد دلوقتى رقابة لسانى لسه موجودة مين عارف اللى بيحصل ممكن يخلى الرقابة تموت منى لكنى لسه من اندر الناس اللى محافظين ويمكن يكون غلط منى او غلط منهم او الاتنين صح المهم ان الفكرة واحدة الكره واحد)
مش عارف اخرتى فى الحياه دى ايه طهقت منها ومن البلد دى ومن الناس اللى ميتين فيها لانهم مش عايشين
انا بحب الشوارع وناسها وهما اهلى وبحب الشارع اكتر من بيتى الاربع حيطان واهلى هما اللى فى الشارع مش اللى فى الاربع حيطان بس معظم اهلى دول مبقوش عايشين بقوا بتنفسوا بس ويدوروا على اكل وشرب لو لقوا حاجة وكلهم بيشتموا وانا بحب كل شتيمة حق حد يقولها في بلد و اصحاب بلد ناهبينها واكره نفس الشتيمة لما تتقال لاصحاب او تتقال فى كلام عادى واللسان متعود عليها

عايز امووت حالتى غريبة مش فاهمها

كنت فين ياعلى

¤ ¤M RA¤ ¤ :
الله علي علي دا نيم ياجامد
¤ ¤M RA¤ ¤ :
المفروض يحنطوك
كنت ماشى بدون بطاقة لا عندى ضوء ولا فيه طاقة بسألك وبدون اساءة امتى تانى تنورى؟:
مش عاجبك؟؟
¤ ¤M RA¤ ¤ :
ياعم ابقي شيل بطاقه
كنت ماشى بدون بطاقة لا عندى ضوء ولا فيه طاقة بسألك وبدون اساءة امتى تانى تنورى؟:
ما انت حمار مبتفهمش لو بتفهم كنت عرفت الكلام ده معناه ايه
¤ ¤M RA¤ ¤ :
ياعم ضوء ايه وطاقه محسسني انك عمود ياعم نام
كنت ماشى بدون بطاقة لا عندى ضوء ولا فيه طاقة بسألك وبدون اساءة امتى تانى تنورى؟:
طيب يا جاهل متكلمش بقى ما دام مش فاهم حاجة
¤ ¤M RA¤ ¤ :
اوكي ياعم المخضرم



مش قصدى خالص انى اهين الشخص اللى اتكلم معايا الكلام ده ايا كان هو مين لكنى بس حبيت اقول واشوف قد ايه الناس مبقتش بتحس بالكلام وبقى بس بيهتموا بكلمتين حب من عمرو دياب ولا تامر حسنى كلام ممل ومكرر وبايخ والكلام اللى ليه معنى بقى هو اللى مش عاجب وناس كتير اوى كده للاسف
يا خسارة الكلمة الحلوة اللى مبقتش بتتسمع

القصيدة كلها لللشاعر على سلامة بتقول

كنت فين يا على امك بتدور عليك
كنت فين
كنت فين يا على امك بتدور عليك
كنت بحفظ فى الحروف
غصب عنى وعالظروف
خدوا دورى فى الصفوف وانتى لسه بتسألى
كنت فين يا على امك بتدور عليك
كنت مشغول بالوظيفة
كنت بحلم بالوظيفة
والحرير تحت القطيفة
الحياه طلعت مخيفة
كدبة بنت ارندلى
كنت فين يا على
كنت فين يا على امك بتدور عليك
كنت بفهم ايه اللى صار
نار من جوه نار
عرفت ايه معنى الاستعمار من غير ما ادفع ولا عسكرى
كنت فين يا على امك بتدور عليك
كنت ماشى بدون بطاقة
لا عندى ضوء ولا فيه طاقة
بسألك وبدون اساءة
امتى تانى تنورى
كنت فين علي امك بتدور عليك

الجمعة، أبريل 14، 2006

إحباطات شعرية

الإحباط الأول

لأن العصر مثل النعش ..
لأنى جثة فى النعش ..
لأن الناس .. كل الناس ..
دمى من قش ..
لأن ..
لأن ..
(المعنى فى بطن الشاعر ،
والشاعر عدو خواء البطن ،
جوعان فى القرن العشرين ،
والإنسان الجائع كلب !
كم فى الجيب ؟!
ماذاكنت أقول ..
كنت أقول الشعر ..
أشعر أنى ميت ..
فإلى الفول بزيت ! .)


الإحباط الثانى :

بالأمس عدت فى الصباح ..
من رحلة الضياع فى المدينة ..
كان الصباح مثل وجه قرد ..
والشمس مثل إست قرد ..
وحين كنت أعبر الطريق ..
كادت تدوسنى سيارة !
كأنها تخالنى إنسان ..
ياغابة النعال ..
أليس ثم من مكان ..
فى الأرض لا يدوسه إنسان !
(ياقريتى ..
يا ..
قد شوهوها لم تعد تلك التى أحببتها ..
مدينتى كقريتى فى جوف أخطبوط !
علمتنى الغناء يا إخطاب ..
غنيت ، كم غنيت ..
وها أنا أغوص فى رمال الصمت ..
واختنق .
العش يحترق ..
ويهرب العصفور ..
يا أيها العصفور عد ..
يا أيها العصفور عد ..
يا أيها ..
لا فائدة !)

الإحباط الثالث :

ألليل أخطبوط !
مدينتى فى الليل تدعى الهدوء ..
لكننى أموء ..
كقطة جريحة فى البرد ..
مدينتى ابراج ..
والبرد كالكرباج ..
مشيت طول اليوم ..
كما مشيت كل يوم ..
فى الليل والنهار ..
بغير مأوى يامدينة السواح ..
ياجعبة الجراح !
هذا الهدوء مصطنع ..
ألوحش يستريح ..
لكى يقوم فى الصباح ..
يستأنف الهجوم !
الأخطبوط ..
- بطاقتك !
- تفضلوا !
- ما مهنتك !
- كثيرة هى المهن !
لكنه النصيب !
- ما حرفتك ؟
- قد ادركتنى حرفة الأدب !
أنا أقو الشعر !
- وتكتب الأشعار ؟
- وآسف أنا !
ألم أقل هو النصيب ؟!
- هو التشرد .. الشغب ..
هيا معى !
.................
.................
( ويثقب الصباح نافذة ..
هذا أنا فى الحبس !
الليل والنهار أخطبوط )!

الإحباط الرابع :

أفتش فيك عن إسمى ..
وانت مدينتى أمى ..
معلمتى .. وملهمتى ..
وقابلتى وقاتلتى ..
افتش فيك ..
اعلان :.................
سينما :.................
مسرح :.................
اذاعة :.................
تلفزيون :.................
صحف :.................
مجلات :.................
كتب :................. !!
الإحباط الخامس :

حين ترون الموت الأسود ..
الطاعون .. بأى مدينة ..
لا يدخل باب مدينتكم للموت مغامر ..
لا يخرج من باب مدينتكم أى مهاجر ..
فالموت الأسود لا يجدى منه هرب ..
لا يعصم منه الطب ..
لا تجدى الحيلة حين يغوص النصل المسموم بقلب!
لا يجدى السيف المدفع ..
لا تجدى الحرب !
لا يجدى غير الصبر الإصرار الصمت ..
والمكر بكل صنوف المكر !
ليس يفل الشر ..
غير الشر ..
( الإحباط الخامس محبط ..
فليعبر من غير هوامش !! )

الإحباط السادس :

لاتنتظر ، أيها الربان إنى متعب ! لا .. تــ .. نــ .. تــ .. ظ .. ز .. نى
لا .. تنــ ..
( ناظم نام ..
تعب الآباء فناموا ..
ماذا فى وسع الأبناء !
لكن .. لكن .. أين أنام ؟! )
الإحباط السابع :
نفس الإحباط الأول ..
( ياللعصر اللولب ..
فلنبدأ من حيث بدأنا ..
.. .. .. .. .. ! )




الشاعر الجميل نجيب سرور

الخميس، أبريل 13، 2006

الدين البهائى الجديد

ناقصاه حاجات غريبة وتخلف زيادة فى مصر كان زمان فى مذهب بهائى تبع الدين الاسلامى و عشان مدخلش فى حاجات اكتر غير موثوق منى فيها المهم ان واحد راح السجل المدنى يسجل ابنه وكان عايز يسجل الديانة بهائى لاهو اسلام ولا مسيح خلى دين جديد و قال ايه انه دين يعترف بوجود الاسلام والمسيح واليهودية بس ده الدين الجديد بقى اللى هينتشر

ربنا يشفى
ويصبرنى

----------
2011
مر وقت و براجع مدونتي كلامي هنا كنت غلط فيه مش همسحه عشان بتعلم و افتكر غلطى
الحرية مهمة فى كل شئ و محدش هيجبر حد على عقيدته
من شاء فليؤمن و من شاء فليكفر و لا اكراه فى الدين

الثلاثاء، أبريل 11، 2006

احلام

لسه عايش فى دنيا
شايف فيها الامانى
بحلم احلام وتضيع
وتجيلى من تانى
احلام بتفضل تعيش
واحلام بتموت
والحلم اللى فاضل حى
ماسكنى وقايلى استنى
انا جاى
و ادامه طريق طويل
فى عمر مديد قصير
يمكن فى يوم يوصل
يمكن فى يوم يبقى علم
او اموت قبله ويفضل حلم


احد تخريفاتى اللحظية

الاثنين، أبريل 10، 2006

عطشان

عطشان


سيبونى اتوة وحدى عطشان انا عطشان
الدنيا تتوة قدى وماطيقش انا الغطيان
مركب تاخدنى لبلاد بعاد
ولاقى يصادفنى من غير ميعاد
زمن ياخدنى لمكان وعطشان انا عطشان
***
تصدفنى كتير وشوش قلوب زى البيوت طريق مابعرفوش يوماتى عليى بفوت
سنة ورى سنة اضيع هناك هنا فى رحلتى انا الدمعة ليها صوت
***
ليلى مالهش عيون قمرى مالهش لون دة انا كان لى فى الهوى مشوار اخضر حنون
اهدى يادمعتى ارسى ياخطوتى انسى يادنيتى كلة علينا يهون




من اعظم ما غنى وعشقت لمنير جدا ومن اكثر الاغانى التى احسها

الخميس، مارس 30، 2006

فتحى سلامة والمصريين

امبارح كنت فى حفلة فتحى سلامة حفلة جميلة وجامدة جدا طبعاوبغض النظر عن الحفلة نفسها مش ده اللى عايز اتكلم عنه لكن الجمهور عيب لما يكون فتحى سلامة مصرى وموسيقى جامد واخد جايزيتن عالميتين مش اى حاجةهما
grammyوbbc
ويكون المصريين كتير مش عارفينه والجمهور اللى حاضر الحفلة تلت ارباعهم اجانب من دول كتير واقل من الربع مصرى يا مصريين قدروا اللى بيتعب عشانكوا وبيحقق حاجة لبلدكو
يااعلام يا اللى مهتم بنانسى وهيفا
منكم لله

السبت، مارس 25، 2006

رباعية

كان نفسى اقول بحبك لكنى ملقتكيش
كان نفسى اشوف ازاى هعيش
لكنى من غيرك فاضى ومفيش
وخايف احس بحاجة والاقينى محبتكيش

السبت، مارس 18، 2006

لو شعب عايز يتقدم لازم يكسر معلش

منير قال من 23 سنة الجملة دى لو شعب عايز يتقدم لازم يكسر معلش
ومن 23 سنة كان مبارك برضه اللى ماسكها وكان اللى مضايق منير مبررات الناس بكلمة معلش بعد 23 سنة كلمة معلش لسه مستمرة مع احداث انيل وافظع يعنى نحمد ربنا كانت بسيطة زمان دلوقتى
العبارة عرقت بالف واحد طيب معلش هنديهم تعويض ورخيص كمان
الانتخابات مزورة طيب معلش يمكن فى 2011 احسن
لا دى هتبقى وراثة طيب معلش هنعمل ايه
انفلونزا الطيور هجمت على مصر وبتوع الفراخ اتخرب بيتهم طيب معلش
كله دلوقتى محدش بيقدر يقول غير معلش

الناس بقى كل املها تاكل وتشرب وتعرف تعيش ومهياش عيشة اصلا دى المفروض يكون ليها اسم تانى بس مش عارف ايه يمكن متعايش مش عايش بقى اهم حاجة يلاقوا الاكل والشرب اصلا فمفيش فرصة للتفكير فى حاجات تانية

معلش يا منير مفيش فايدة

الجمعة، مارس 17، 2006

دكتور ابراهيم ابو العيش وانجازه ونوبل

هذا حدث عظيم فى بلدنا لم يأخذ حقه من المعرفة وصاحبه قدوة ومثل اعلى اتمنى فعل شئ مثل ما فعله
قررت نقل المقال للبلوجر هنا لان الموقع الذى نشر المقال اغلقوه


"سِخِمْ " لفظ فرعونى يرمز إلى الطاقة القادمة من الشمس، هذا اللفظ هو الاسم الذى
اختاره د.إبراهيم أبو العيش عنوانا لأهم إنجازاته فى صحراء بلبيس.. لقد آمن أن هناك طاقة كامنة بداخلنا وكل منا يستطيع أن يصنع الكثير، وهو من ناحيته صنع إعجازا استحق عليه أن يحصل على جائزة " نوبل" فى التنمية الحضرية، الجائزة جاءت بعد احتلال العراق بشهور وفى فترة سياسية صعبة، فلم يحصل الرجل على حقه من التكريم الإعلامى، مكان واحد فى القاهرة ما زال حتى الآن يعلق لوحة كبيرة من القماش عليها اسم الدكتورإبراهيم أبو العيش، إنها مدرسته الثانوية التى تخرج منها " مدرسة خليل أغا " بشارع الجيش بالقاهرة، لقد أقامت له المدرسة احتفالا كبيرا، بالضبط مثل تلك الإحتفاليات التى أقيمت فى أماكن عديدة ن مصر تكريما للدكتور أحمد زويل يوم حصل على جائزة نوبل فى العلوم، الرجل لم يأخذ حقه رغم أن تجربة أبو العيش لا تقل إطلاقا عن تجربة زويل.. وكان من الواجب أن تنتبه جهات عديدة فى الحكومة وجمعيات أهلية ورجال الأعمال.. التجربة تستحق الاهتمام..
باختصار الرجل صنع من الأرض الموحشة الملحية " جنة على الأرض "، جنة بمعنى الكلمة، ليس له وحده ولكن لكل الفلاحين فى القرى المجاورة.. حتى أن كل من يذهب الى هناك لا يكاد يصدق ما يراه.. شئ أشبه بالحلم.
إذا ذهبت إلى هناك على طريق بلبيس الصحراوى وفى مزرعته العجيبة سوف تجد أطفال مدرسته خليطا من الشقر والسمر، يتساوى هناك القادمون من فوق جبال الألب والقادمون من قرى العادلية والطحاوية وجلفينا وأبو شعير، كلهم.. كلهم يتعلمون هنا الإنجليزية والألمانية والموسيقى الكلاسيك والصلاة فى وقتها!! أما فصل الثالثة الإبتدائية بالتحديد فعليه أن يزرع القمح، وعندما تنضج السنابل الذهبية يقام احتفال كبير.. كبير.. بعيد الحصاد!!
د.إبراهيم أبو العيش.. بنظرة إيمانية صوفية عالية جعل من مزرعته جنة واستحى من الله أن يدخلها شيطان، فالشياطين تدخل خلسة من الكيماويات.. مع المبيدات.. وتنزع البركة من كل شئ، وتزرع بدلا منه المرض، أنت هنا فى مزرعة أبو العيش تعيش الحياة كما خلقها الله نقية طاهرة
د. ابراهيم ابو العيش رجل صنع حلما ويعيش فيه بعمق.. بمزاج يتعاطاه رشفة.. رشفة ليتذوق طعمه الجميل، يسألونه ماذا يمكن أن تكون الجنة أكثر من ذلك؟ يقول : لا.. الجنة سوف تكون الملاعق بها بأيدى طويلة جدا؟ لأنك فى الجنة لن تأخذ الطعام لتضعه فى فمك.. بل فى فم شخص آخر بجوارك؟؟!!
هذه هى فلسفته التى يحاول أن يربى عليها صغاره من تلاميذ المدرسة، ولذلك يخرجون من الفصول الى غرفة الطعام، يحمل كل تلميذ طبقا من الصينى ـ فلا يوجد هنا بلاستيك أو ميلامين.. إنها مواد شيطانية غير طبيعية، وعندما يوزع المدرسون الطعام على التلاميذ من ذلك الطاجن الفخارى الكبير وقبل أن يبدأ أحدهم فى تناول وجبته يتلون جميعا دعاء يذكرهم أن هذه النعمة من الله وحده، وأنهم يجب أن يتذكروا دائما أولئك الفقراء المحرومين من هذه النعم، ويختمون دعاءهم بهذه الكلمات : بسم الله الرحمن الرحيم.. بالهنا والشفا.. بالهنا والشفا.. بالهنا والشفا..
كنت أظن أن جولة لمدة ساعتين تكفي جدا لرصد مايدور داخل جنة د. أبو العيش، ولكننى قضيت هنا يومين وفى النهاية تذكرت أننى لم أشاهد المسرح الرومانى الكبير الذى يسع 15.. شخصا، مسرح رمانى فى مزرعة؟ علامة استفهام كبيرة حول هذا الرجل الذى يرفض الحديث عن نفسه.
إن كل شئ هنا له حدوتة.. حتى أبقار المزرعة.. لقد أخذ يبحث عن تلك البقرة التى كان المصريون القدماء يعاملونها بكل تبجيل واحترام.. أخذ يبحث ويبحث عن هذه البقرة بالذات حتى وجد هذه السلالة Brown cow فى اسبانيا وجاء بها من هناك ليقوم بتربيتها من جديد فى مزرعته!!
رحلة حياة
لقد غادر مصر وهو فى الثامنة عشرة من عمره وعاش ربع قرن من حياته بين النمسا والمانيا.. هناك أكمل تعليمه.. درس الطب والكيمياء بجامعة جراز، وهناك تزوج وأنجب منى وحلمى، ومثل كل المصريين فى حالته شعر أنه من الضرورى جدا أن يأتى بولديه إلى مصر.. إلى بلده، كان ذلك عقب حرب 1973، ربما حركه الفخر بالنصر العسكرى، ولكنها كانت صدمة كبيرة، ملامح مصر تغيرت الناس تغيرت.. تغيرت بشدة..أصبحوا أكثر عنفا وأقل مروءة، العشوائيات ظهرت فى كل شئ.. فى كل مكان وهناك لغة سائدة فى الشارع المصرى.. لغة الفلوس.. الأنانية.. الذاتية.. تلاشت الملامح السمحة الباسمة.. هذه ليست مصر التى غادرها قبل ربع قرن.. لم يكن بحاجة للتفكير والمقارنة بين حياته الجادة الجميلة فوق جبال الألب وذلك الذى يراه فى شوارع القاهرة.
على الطائرة التى حملته وأسرته عائدا إلى النمسا قال فى نفسه : الحمد لله أننى لا أعيش فى هذا البلد.. وبعد بضعة أشهر أخرى عاد ثانية وقرر أن يهز كل المعانى الجميلة بعنف.. أن يوقظ الخير فى كل شئ وفى كل إنسان يراه.. أن يزيح التراب لتظهر الروح الغائبة..
وكانت فكرته أن يستعيد مصر بيده.. أخذ قطعة من أسوأ أنواع الأراضى الصحراوية، على أطراف بلبيس حيث تمتد طبقة ملحية على بعد سنتيمترات من سطح التربة، وعلى هذه الأرض بنى جنته.. وطنه الذى تمتد حضارته إلى سبعة آلاف عام، واختار أسماء فرعونية لكل الكيانات التى أنشأها لينفذ من خلالها فلسفته التى تجمع بين إعادة زرع بذور الخير من خلال التلاميذ الصغار وتنمية المجتمع المحيط ورفع المستوى الصحى والثقافى والإنتاجى الحرفى، مع استبعاد كل أساليب الزراعة غير النظيفة، فلا شئ يذهب إلى الأرض إلا ما أخرجه الله من الأرض، وأطلق على الكيان الكبير الذى يخرج منه كل روافد الخير ذلك الاسم الذى اختاره القدماء رمزا لطاقة الشمس الجبارة التى تحمل الحياة والنشاط الى كل مخلوقات الأرض، فلا شئ هنا يحمل اسمه.. لا المزرعة.. ولا الشركات المتعددة ولا حتى جمعية التنمية الاجتماعية..أو الأكاديمية العلمية الفنية.. وبنك البذور.. وجمعية الزراعة النظيفة.. ومجموعة المدارس..ومركز التدريب المهنى..أو المركز الطبى الذى يستقبل الناس من القرى الخمس المحيطة بالمزرعة، لا شئ هنا يحمل اسم د. إبراهيم أبو العيش رغم أن كل شئ هنا من بنات أفكاره.. كل شبر هنا عليه بصمة وفكر وروح أبو العيش.
"ولولا إذ دخلت جنتك قلت ما شاء الله لا قوة الا بالله "، كلمات القرآن الكريم وحدها هى التى تحضرك وأنت تجتاز بوابة المزرعة مرورا بطرقات ظليلة، نظيفة، تصطف على جوانبها أنواع عديدة من الزهور والنباتات والشجيرات البستانية.. والنظافة تشع ضوءا باهرا فى كل مكان، رغم أننى لم أشاهد عاملا واحدا للنظافة، ولا حتى داخل المدرسة.
زيارة لمدرسة أبو العيش
جمال السيد ابراهيم المسئول عن قطاع التعليم يقول : نعم لا يوجد عندنا عمال للنظافة فالتلاميذ والأستاذ ينظفون الفصل فى نهاية اليوم الدراسى!! وأنا أيضا أنظف مكتبى بنفسى.
نتجول معا وسط مجموعة المدارس، كل شئ هنا بسيط جدا ورائع جدا، أطفال الحضانة.. بمجرد دخولك من الباب تلمح شيئا جديدا.. وزى الأطفال بألوان متعددة.. يشير جمال إبراهيم إلى الزى المعلق على شماعات متجاورة ويقول : فى بداية قدوم الطفل الى الحضانة نعرض عليه الزى بألوانه ونترك له فرصة اختيار اللون، ونصنف الأطفال حسب اختياراتهم، صاحب اللون الأحمر.. هذا طفل عنيف، يجب أن تتابعه المدرسة جيدا، الأصفر دليل على تقلب مزاج صاحبه نحاول معه ليكون أقل حده، الأزرق طفل حساس هو الشاكى الباكى الإنطوائى وهذا أيضا يحتاج رعاية خاصة، وندخل فصل الحضانة.. الساعة الواحدة ظهرا.. الفصل مظلم.. هذا وقت النوم.. فلطول اليوم على الكتاكيت الصغار يخصص لهم ساعة ونصف يوميا ليأخذوا قسطا من الراحة.. مراتب إسفنجية صغيرة فوق الحصير، وكل صغير يضع رأسه على وسادته الخاصة المشغول عليها اسمه بالخيوط الملونة وهناك فى الخلف تسريحة صغيرة عليها بعض الدمى والألوان تتأرجح هنا وهناك.. عالم ألف ليلة رغم بساطته الشديدة.. بعض الأطفال شعروا بنا..رفعوا رءوسهم.. ابتسامة جميلة.. ثم أخفى كل وجهه فى وسادته.. هنا نظام..
لأطفال حتى السابعة من عمرهم لا يمسكون قلما.. فالتربية هنا لها فلسفة مرحلية والسبع الأولى هو عالم الخير حيث تحيط الملائكة بالصغار.. ولذلك يحيطون الأطفال بالمناظر الجميلة.. ومفيش زمبلك.. مفيش بلاستيك.. هو يجب أن يصنع لعبته بنفسه.. يخلق بيديه.. وممنوع الورقة والقلم، يقول جمال إبراهيم : فى أوروبا وجدوا أن السرطان وأمراض خطيرة أخرى سببه أن أعضاء الطفل لم تأخذ فرصتها الكافية فى النمو، والمهم فى هذه المرحلة أن ننمى لدى الطفل الخيال من خلال الحدوتة والصور التى يبتكرها، وتظل مختزنة فى عقله حتى يكبر ويبرز ذلك فى مجال تخصصه.
كل شئ هنا مخطط له بدقة وكل مرحلة دراسية لها دورها فى حياة الطالب.. حتى اللعبة هنا مختلفة.. هنا يخرجون وفق برنامج زمنى، مرحلة مرحلة، من الفصل الى قاعة الطعام، ثم يذهبون إلى المسجد لصلاة الظهر لتدخل المرحلة التالية، المسجد مثل باقى مبانى المزرعة باللون الأبيض من الخارج ومن الداخل بلون السماء.. سقف مرفوع وأرض مفروشة بالسجاد المصنوع من صوف الأغنام الأبيض، فهنا لا تستخدم الألوان الصناعية.
التعليم هنا لا يقتصر على التلاميذ ولكنه يمتد إلى الأطفال المتسربين من التعليم،أطفال الزراعة أيضا لهم برامج حتى لا يفرطوا هم فى أولادهم..أما أجمل منظر تراه من شرفة المدرسة هى لحظة خروج التلاميذ، حيث تأخذ الدراجات الصغيرة طريقها بين طرقات المزرعة تحمل الملائكة إلى قراهم.. بذور الحياة الجميلة تدب وتقفز بلا صراخ بلا عويل.. بلا شجار.. سكينة وبهجة على الوجوه وسط بيئة من صنع فنان.
لماذا نظيفة..؟
فى مبنى أبيض صغير كان هناك مجموعة من المهندسين الزراعيين فى دورة تدريبية لتصنيع الكومبوست، المحاضر د. اندرياس جرونار أستاذ البيئة والهندسة الزراعية بجامعة ميونيخ.. والكمبوست كما يقول مهندس زراعى سمير إميل هو كومة من المخلفات الحيوانية والنباتية، توضع فى شكل تبادلى وتترك حتى تنضج وتصبح مثل البودرة، ونحن نستخدمه كبديل لتغذية النباتات،هذه ليست المرة الأولى التى يحاضر فيها خبير أجنبي أمام المهندسين الزراعيين فقد جلب د. ابو العيش من قبل عديدا من الأساتذة الأجانب من ألمانيا وبلجيكا لدراسة وضع البدائل الحيوية لمقاومة الآفات والزراعة بدون كيماويات او مبيدات.
وفى جانب آخر من المزرعة ألتقى بالدكتور أحمد حشيش مستشار وزير الزراعة والذى كانت له تجربة خاصة جدا جعلته من أكثر المؤمنين بأفكار د. إبراهيم أبو العيش الخاصة بالزراعة النظيفة.. يقول : أمتلك خمسة أفدنة فى مزرعة الملاك وحدث أن كنت أزرعها بالخيار، تعاقدت مع الجيش لبيعها لهم وجاءت إبنتى لزيارتى فى المزرعة وتناولت خيارة وبعدها أصيبت بحالة غريبة أدت إلى ثبوت رأسها على وضع عمودى على الجذع وشخصت الحالة حمى شوكية ودخلت مستشفى أبو الريش، ووضع على رأسها 36 إبرة لعمل بذل دون فائدة، وتم عمل تحاليل فى مستشفى القوات المسلحة، ولم يجدوا ميكروبا، ويومها حينما علم د.يوسف والى بذلك قال لى : انا سمعت عن ثلاث حالات مماثلة أبلغ الرئيس السادات، وفعلا أمرت السيدة جيهان السادات بسفر إبنتى إلى مركز بلندن، ولكن حدث أن جاءنى المزارع وقال إنها أخذت من الخيار بعد رشه بالمبيد؟ وعلمت إن المبيد الذى استخدمه جاء به من اسرائيل.. وهنا طلبت تحليل قياس سمية، ووجدوا الدم كله مسمم وعلى الفور طلبت منه اقتلاع الخيار كله وحرقه، ومنذ ذلك اليوم لا أستخدم مبيدات وعرفت كيف إننا مستخلفون فى الأرض.. أنا الآن أزرع زراعة نظيفة، إن جاءت بمكسب على رأسى من فوق وإن لم يحدث فعلى رأسى من فوق، الفدان ينتج 1. طن طماطم بدلا من 45 طن ولا أجد من يفهمه، ولكن ضميرى مرتاح، وعن تجربة د. ابو العيش يقول.. بدون مبيدات.. بدون كيماويات زرعنا نوعا من القمح الألمانى وكنا نظن أن البذرة لن تنبت، ولكنه أنتج، فهى نوع من الأقمحة عالية الإنتاج وداخل القشرة تعطى بذرتان معا، هناك أيضا صوبة بدون مبيدات وتنتج، والنبات هناك يسبح لا إله الا الله، زرعنا طماطم عنقودية للتصدير وريحانا أوراقه فى حجم نصف الكف، زرعنا قطنا يغزل وينسج ويصنع منه ملابس تصدير للخارج ويقبل عليه الناس المصابون بالحساسية من المبيدات.. جميع النباتات الطبية والعطرية بدون مبيدات ونحن نجحنا فى هذا المجال، على فكرة د. أبو العيش يعرف 2 مليون نبات طبى ويعرف استخداماتها.

حديث أبو العيش
سألت د. إبراهيم أبو العيش : لماذا نجحت وفشل الآخرون فى زراعة الصحراء وبعضهم شبان متحمسون جدا؟
يقول : غريبة.. الناس ليس لديها مقدرة على التمييز.. الدلتا تكونت خلال 5.. مليون سنة، خصوبة وحيوية، والصحراء الجرداء عمرها آلاف السنين من الرمال والزلط.. يعنى موت، كيف نقارن هذه بتلك؟ الصحراء بحاجة على الأقل الى 5. سنة حتى تتحول إلى أرض خصبة، ال 5.. مليون سنة أى الهدية الأولى من عند الله، الهدية الثانية أى رأس المال المستخدم فى إحياء الأرض الصحراوية لا يمكن أن يكون إلا هدية ممن لديه المال، من أين لمساكين الخريجين أن يقدموا هذه الأموال؟ الحل إما أن تقوم الدولة بذلك، أو بعض الذين يملكون فائضا من الأموال، أو الهيئات الدولية مثل البنك الدولى وغيره ليغيروا من هذه التربة وتصبح صالحة وخصبة.
ـ مارأيك فى استخدام الهندسة الوراثية فى الزراعة؟
يقول : فى الماضى قام العلماء بإضافة الكيماويات ألى التربة لكى يخرج نبات أفضل وقاموا بتوليد الطاقة من اليورانيوم والمواد المشعة واليوم بعد 1.. سنة عرفنا أنه لا يوجد كارثة أفظع من هذه الأهداف التى تبدو نبيلة، الهندسة الوراثية ستكون ضارة أكثر من المفاعلات النووية، التركيب الجينى للنبات لم يتم بالصدفة، تم بقدر الله ونحن نظن إننا نستطيع أن نحسن أو نخلق افضل مما خلق.. إنه كبرياء وغرور العلم الذى تظهر نتائجه بعد وقت طويل.
- سمعنا أن البعض أخذ عشرات الآلاف من الأفدنة فى توشكى هل فكرت أن تنقل أفكارك إلى هناك؟
- يقول: لن تكف الدولة عن تقديم مثل هذه العروض ولن نكف عن ردها شاكرين لأن من يستطيع لابد أن تكون لديه قدرة مالية هائلة لينفق حتى تخصب التربة ويحدث إحياء لهذه المناطق.. اتمنى للمشاركين فيها التوفيق.
- هل صحيح أنك صنعت بنكا للبذور المصرية؟
يقول : منذ بداية المزرعة قبل 35 سنة ونحن نجمع النباتات المصرية، ونسميها، ونحفظ البذور، ومنذ بضع سنوات أطلقت الأمم المتحدة نداء، واشتركنا فيه وسوف نعمل معهم فى جمع والحفاظ على النباتات فى الساحل الشمالى التى تندثر بسبب البناء على هذه الأراضى.
- هل بنك البذور ممكن أن يعيد الينا القطن طويلة التيلة؟
يقول : القطن طويل التيلة لو غزلناه بطريقة صحيحة يعطى حريرا، زمان كان عندنا البوبلين الشهير وغيره، حاليا نعمل منه أردأ أنواع الملابس لأن المكن استهلك، المشكلة الأكبر الآن أننا نستورد بذور القمح والذرة والأرز، والبذرة الأم التى عاشت معنا انقرضت وهذه كانت مقاومة جدا للحشرات وظروف الماء والتربة فى مصر، محصولها أقل إلا أن خبزها كان يعطينا من الحيوية أضعاف ما تعطيه الكمية الأكبر، كان فيها البركة، وهذه أيضا مؤامرة شيطانية، لأن تلك البذور عندما تنتج فالمحصول لا يصلح لإعادة زراعته لأن البذرة تفقد حيويتها.. هى منتجة لتحصل منها على بذور مرة واحدة ثم تشترى من جديد للعام التالى هذه التقاوى التى فقدت قدرتها على التكاثر.. التى فقدت جنينها، فقدت أيضا قدراتها على أن تمنحنا الحيوية، بالإضافة إلى أنها لا تنتج إلا لو استخدمت معها كميات هائلة من الكيماويات والمبيدات، وفى النهاية ذلك الآخر يقيدنى من رقبتى ولو لم يرسل إلى التقاوى نموت من الجوع.
- هل نجحت فعلا تجربة الزراعة الحيوية النظيفة؟
يقول : نعم وهناك نتائج جيدة سواء فى الصحراء أو وسط الدلتا، فالنبات له طريقته فى مقاومة الأمراض والآفات، فالنبات الذى تنمو جذوره فى الأرض لمسافات طويلة تجد أوراقه فوق سطح الأرض مقاومة للآفات، عكس النبات الذى يروى بالماء والمعادن قرب سطح الأرض فتكون أوراقه زرقاء وشكله قوى إلا أن كمية المياه العالية به تجعل مقاومته للآفات أقل، وتجعل رائحته تتغير فتأتى إليه آفات من المفروض أنها لا تعيش عليه، إذن من المهم جدا أن يحصل النبات على احتياجاته فقط من الماء، فى وسط الدلتا نزرع وكل ما فعلناه سياج من الأشجار والشجيرات حول الأرض التى نزرع عليها وهذه منطقة موبوءة والناس تستخدم حولنا المبيدات ونحن لا، المزارع هنا يهتم بالعمليات الحقلية والحشرات القادمة من الجوانب تعيش على الشجيرات، والحقل فى الداخل عالجناه حتى تنمو حشرات كثيرة تتعايش مع بعضها وتعيد التوازن الى البيئة.
ــــــــــــ
الجائزة التى حصل عليها د. إبراهيم أبو العيش قد صدر البيان الصحفى الخاص بها يوم 2 أكتوبر 2003فى ستوكهولم بالسويد و هو ينص على أن لجنة التحكيم الخاصة بجائزة نوبل قد اختارت د. إبراهيم ابو العيش لمنحه جائزة نوبل الجديدة للتنميةالحضرية لأعمال القرن الواحد والعشرين لجهوده فى التنميه المستدامة. وهذه الجائزة هى جزء من جائزة نوبل ولها نفس المحكمين ونفس الشروط ونفس قيمة الجائزة،وتمنحها نفس الهيئة العلمية، وقد سميت نوبل الجديدة لأنها استحد ثت بعد سنوات من بداية الجوائزالأخرى فى الطب والعلوم والسلام وذلك عندما تبرع " إكس كيورد"بقيمة الجائزة و أجور المحكمين.
وقد تم ترشيح ابو العيش عن طريق هيئة علمية ألمانية، و أقيم حفل تسلم الجائزة فى8 ديسمبر2003،وقد تبرع الدكتور أبو العيش بقيمة الجائزة لمصر وسلمها للسفير المصرى فى ألمانيا.
سبق ان حصل على هذه الجائزة العالم المصرى المرحوم حسن فتحى عن مشروعاته الخاصة بعمارة الفقراء منذ أكثر من30 عاما0

الأربعاء، مارس 15، 2006

هون يا ليل

هون ياليل
هون ياليل غربتنا وابعد ياليل فرقتنا صعبان عليا غزالى
مسيرى فى يوم الاقية وتبلل دموعى
ادية وان ضل الطريق بينا اشوقنا تنادينا
***
يا شال الهوى غطية يا نسيم الاطبا دوية
وتحاسبى يا غربة علية بكينى واضحكى لية
***
الدنيا الى جيا عيونة وافراحة وكلامة ولونة
انا عمرى وروحى فية انا عايش فى غربتى بية


منتهى الروعة منير
منتهى التفاؤل والحب والامل

الأحد، مارس 12، 2006

كل واحد فى حاله

كل واحد عايش حياته فيها فرح ومليانة هموم والهموم بتزيد وبت
كتر و بتزيد المشاكل والعقد بتسيطر عليه وبتبوظ نفسيته وكل واحد بيكبت جوه نفسه همومه دىومشاكله وكتير منهم مبيحبوش يتكلموا او يقولوا لاى حد على اللى معقد حياتهم واللى بيبوظ نفسيتهم ومحدش بيفكر فى راحة التانى مع انى شايف انى اكيد محتاج لحد اقوله كل اللى عندى وكل اللى بعانى منه بس محدش بيسأل وبرضه مش كل الناس فضفضلها اكيد فى ثقة لكن محدش بيدور اصلا مع ان لو كل واحد حكى للتانى هنخف كتير من مشاكلنا ويمكن هنلاقى حلول من غيرنا ده مش لوحدنا هنوصل لحاجة ، كان نفسى حد يكون جنبى يسألنى عن اى حاجة تعبانى اقولهاله واشاركه مشاكلى وهو كمان يشاركنى مشاكله حتى لو حاجات مش فى ايده بس اهو حس بيه وخفف عليه واناكمان هكون مستعد جدا انى اسمعه واكلمه وانصحه بس هما الناس نوعين فى اللى تعبان ونفسه يتكلم ومش لاقى حد وفى اللى تعبان ومش عايز يتكلم وقافل على نفسه ويمكن بيهرب من مشاكله دى او مش واثق فى حد خالص

الجمعة، مارس 10، 2006

الناس اللى بتعمل كل حاجة

ناس كتير فى بلدنا فاهمين انهم ممكن يعملوا اى حاجة ببساطة وسهولة ومش محتاجة متخصص او اى حاجة من الكلام ده و واحد ممكن ميبقاش فاهم فى حاجة معينة و يعمل نفسه الناصح ويقول عارف ويعملها هو زى مثلا فى مجالى العمارة مبانى كتير اتبنت فى مناطق شعبية بايد ناسها من غير ما يراعوا اى حاجة هما اللى بيعملوا بيوتهم اللى بتكون عشوائية ومنظرها ضايع و زى مثلا الحاجة المشهورة اللى بتغظنى انى الاقى مثلا مطرب بعد ما غناله اغنيتين يتجه للتمثيل ويبقى ممثل من غير اى معايير واهو هيعمل فيلم هو يعنى التمثيل ده حاجة صعبة ودلوقتى كمان بعد ما اخدنا البطولة الافريقية المجيدة اللى متنططين بيها نلاقى كل لاعب كورة جايله سيناريوهات افلام عشان يمثلها يا سلام لعيب كورة وعايزينه يبقى ممثل وكل لاعب يتكلم عن العروض السينمائية والافلام والمشروعات القادمة يعنى اى حد يمثل واى حد يعمل اى حاجة مفيش حاجة هتعارضه
الحمد لله شعبنا ما بيعملش شروط ومعايير لاى حاجة سايب كل واحد فرى براحته على الاخر مفيش حد يبقى ليه مجاله اللى فاهمه لا فاهمين كل حاجة
فهلوة مصرية

الأحد، مارس 05، 2006

فضفضة

مخنوق لدرجة رهيبة احسن حاجة انها تطلع بالدموع احسن حاجة الدموع الحاجة الوحيدة اللى بتلازم الواحد فرحه وحزنه والحزن اكتر وعلى رأى واحد صاحبى ما يمسحش دمعتك الا ايدك مخنوق من نفسى وكرهتها وكرهت الدنيا كلها كل حاجة تدعو للخنقة واهى بتكمل الخنقة نفسها امبارح كان ندى عرض بحث فى مادة من المواد العمارة صحيح كان العرض كويس وخدنا درجة حلوة لكن فى العرض كلامى كان كله كالعادة عبيط بكون فاهم وعارف لكن معرفش اقول ولا كلمة ولا جملة على بعضها وكالعادة اعيش جوه رهبة مكان المحاضرة والمحاضر وانا الوحيد اللى بعيش الرهبة دى مع ان بره المكان ممكن اكلم الدكتور عادى لكن فى المحاضرة سكوت تام صعبت عليا نفسى وانا عبيط كده مش اللى باين عليه رغاى وانا معايا فى مجموعتى ما شاء الله حيتان كلام ياكلوا اللى قدامهم بكلامهم مخنوق من نفسى كمان مش عارف اوصل لتصميم بقالى فترة وحاسس انى حالى واقف ولا عارف اعمل اى حاجة ولا ليا نفس اصلا كل حاجة بتخنق عليا وبتضيق مش تخنقنى جامد مرة واحدة واموت واخلص اريح نفسى والناس برضه وفى الاخر ما يبقاش الا صوت وجيه عزيز اسمعه وهو بيقول ان مقدرتش تضحك ما تدمعش ولا تبكيش وان مفضلش معاك غير قلبك اوعى تخاف مش هتموت هتعيش وان سألوك الناس عن ضى جوه عيونك ما بيلمعش متخبيش قلهم العيب مش فيه ده العيب فى الضى وانا مش عاشق ضلمة ولا زعلت الضى مسيره الضى لوحده هيلمع ومسير الضحك لوحده هيطلع مبيجرحش ولا يأذيش

الجمعة، مارس 03، 2006

علم مصر العظيم

كتير كنت بكره العلم ده ومش شايف له اى حاجة حلوة ولا منظر علم محترم والاوانه اللى بترمز ليها رموز كلها مزيفة وكنت بشوفها على طبيعتها اللون الاحمر لون الدم الغرقان فى بلدنا من قتلة زى اللى حصل فى بنى مزار بقت حاجة عادية يعنى الدم واللون الابيض بيدل على عقول الشعب المصرى اللى دماغه ابيض من الصينى بعد غسيله ونايم فى العسل واللون الاسود لون حياتنا فى بلد الظالم والمظلوم المهم بقى اللى التفت ليه الايام دى النسر اللى كان محيرنى فى العلم وكنت مش عارف لازمته لكن الحمد لله بانت وبقت معروفة طبعا النسر ده طير يعنى عنده انفلونزا طيور وبيدل على الشعب المريض والبلد اللى مليانة داء فعلا ونعم الاختيار للنسر النسر ده اللى خلانى اقتنع بالعلم اخيرا اللى عمل العلم ده كان عارف اللى فيها تمام واكيد كان متوقع ان النسر ده عنده انفلونزا وهيموت
هو مفيش ليه غير علم مصر اللى فيه طير ؟؟
تميز فعلا واختيار صحيح

الخميس، فبراير 23، 2006

موتينى

خليكى دايما ورايا كده
لا تسبينى
ولا ترحمينى
اخنقينى فى زحمة
فى وسط ناس من غير رحمة
سكتينى
كل كلمة اقولها
امنعينى
كل احساس احسه
موتينى
اقتلينى
ضيعينى
موتينى
وانا هقوم بعد كل موتة
هرجع تانى اتكلم
وتسكتينى
هعارض وتعارضينى
هحب وتكرهينى
هابنى نفسى وتهدينى
هاعمل لغيرى وتغيرينى
حاولى دايما
وانا بحاول
لحد ما يوم
هتموتينى
بس اعرفى
انه هيجى غيرى
وهيقابل نفس مصيرى
ولا هتقدرى توطى جبينه
زى ما حاولتى توطى جبينى

الجمعة، فبراير 17، 2006

المهانة

الغرب هرينا مهانة واخرها طبعا الدنمارك واللى عملته والناس عملت مقاطعة وحريق و مظاهرات كل ده انا شايفه كويس بس يعنى هى الدنمارك بس اللى هانتنا وامريكا معملتهاش قبل كده ؟ ولا هو اللى نقدر عليه الدنمارك بس وبعدين ما احنا اللى مش عارفين نوصل معنى الاسلام صح وهما فاهمينه انه ارهاب وتعصب دى اول حاجة
الحاجة التانية عشان نشوف الفرق وزير الداخلية اللبنانى استقال لما حصلت مظاهرات على الدنمارك فى لبنان واحنا عندنا عمرنا ما بنسمع كلام زى ده و لما حصلت مرة فى حرق الناس فى مسرح بنى سويف و وزير الثقافة استقال الاستقالة موافقوش عليها سبحان الله
الحاجة الاخيرة بقى الفنان العبقرى شعبان عبد الرحيم عامل اغنية يتكلم فيها عن الرسول ص واعتراضه على الدنمارك وبيطالبنا بمقاطعة وحل ايجابى تخيل يتكلم عن الرسول ص ويقول اييييه تخيل يتكلم عن الرسول ص وهو مالى نفسه بالدهب على ايديه ورقبته تخيل يتكلم عن الرسول وهو الجاهل ابن الجاهل ولا عارف ولا فاهم اصلا حمار و ناس بتمشيه وراهم معقول ده هو اللى هيتكلم عن الموقف وينصحنا ده مهانة تانية احنا بنعملها على نفسنا وبنورى الاجانب كمان اهانتنا لنفسنا بكليب شعبان العظيم تفتكروا الاغنية هتخليهم يقتنعو ان الصورة دى هى اللى بتدافع عن الاسلام مفيش فايدة غاويين مهانة .

الخميس، فبراير 09، 2006

الرئيس الوطنى

قمة شكرى للرئيس العظيم المبجل على وطنيته العظيمة حيث انه ذهب لزيارة منتخب بلاده ليشجعه على النصر ورفع بلاده عاليا وهذا يدل على مساندات الرئيس العظيمة فى كل المجالات حتى الرياضة ويجب ان نعلم جميعا انه لم يذهب للاهالى عند العبارة الغارقة فهذا لانه يرى الفائدة الاكبر للوطن غير انه عندما يذهب للمنتخب فهو يساند الشعب كله اما العبارة فالغارقون حوالى الالف ليسوا بالكثير غير مؤثرين تماما ثم ان رجاله قاموا بالواجب تماما من حيث الضرب وغيره غير القيمة المالية المقدرة ثمنا لكل ضحية نشكر الرئيس لمجهوده كما انه سيحضر نهائى البطولة الافريقية ويجب شكره على ذلك وعدم الفاته بشأن العبارة ابدافهذه امور صغيرة لا يصح النقاش فيها

الأربعاء، فبراير 01، 2006

نتيجة الثورة

جاءت النتيجة سريعة من قريبة لى وكان هذا حديثى معها


الكلام لو كان يعبر على الحنان كونت قولت اني بحبك من زمان says:
ياااااااااااااااااااااااااااااااااااااااا
الكلام لو كان يعبر على الحنان كونت قولت اني بحبك من زمان says:
انت بتكره مصر للدرجه دي
عمرك ده رسمه على كفوفى ابصله يهرب خوفى says:
اه
عمرك ده رسمه على كفوفى ابصله يهرب خوفى says:
لا طبعا ده من حبى فيها ولانى مش راضى عنها هو لو مكنتش بحبها كنت قولت كده
الكلام لو كان يعبر على الحنان كونت قولت اني بحبك من زمان says:
طب ده حتى مفيش مدح في الاخر
عمرك ده رسمه على كفوفى ابصله يهرب خوفى says:
ايوه لانى غضبان عليها وهو ده اللى انا شايفه فيها مش شايف غير كده
الكلام لو كان يعبر على الحنان كونت قولت اني بحبك من زمان says:
عارف لو مكنتش قريبي
الكلام لو كان يعبر على الحنان كونت قولت اني بحبك من زمان says:
كان زماني ولعت فيك
عمرك ده رسمه على كفوفى ابصله يهرب خوفى says:
ليه بقى؟؟
الكلام لو كان يعبر على الحنان كونت قولت اني بحبك من زمان says:
كده عشان انا محبش اي حد يجيب في سيرتها بالغلط
الكلام لو كان يعبر على الحنان كونت قولت اني بحبك من زمان says:
وانت مش حاسس بكده
الكلام لو كان يعبر على الحنان كونت قولت اني بحبك من زمان says:
لانك عايش فيها
الكلام لو كان يعبر على الحنان كونت قولت اني بحبك من زمان says:
بس انا هنا لما يعدو يشتمو في بلدي بتجنن
عمرك ده رسمه على كفوفى ابصله يهرب خوفى says:
طيب هما بيشتموا لاسباب تانية ومنقبلش شتيمتهم انما احنا نشتمها لاننا شايفين فيها كده
عمرك ده رسمه على كفوفى ابصله يهرب خوفى says:
مش هشوف اللى بشوفه وهمدحها واقول احسن بلد
عمرك ده رسمه على كفوفى ابصله يهرب خوفى says:
ولا ايه
الكلام لو كان يعبر على الحنان كونت قولت اني بحبك من زمان says:
لاء ولا ايه
الكلام لو كان يعبر على الحنان كونت قولت اني بحبك من زمان says:
لانها مش اخر ولا اول بلد تعمل كده
الكلام لو كان يعبر على الحنان كونت قولت اني بحبك من زمان says:
ومش اوحش من غيرها
عمرك ده رسمه على كفوفى ابصله يهرب خوفى says:
يعنى هو عشان فى دول وحشة يبقى مفيش مانع نكون زيها
عمرك ده رسمه على كفوفى ابصله يهرب خوفى says:
طيب ما فى دول حلوة
الكلام لو كان يعبر على الحنان كونت قولت اني بحبك من زمان says:
اهو انا مبحبش حد يغلط فيها وخلاص
الكلام لو كان يعبر على الحنان كونت قولت اني بحبك من زمان says:
اتخيل ان كل الدول الي حوليك دي بتغلط في مصر
الكلام لو كان يعبر على الحنان كونت قولت اني بحبك من زمان says:
نقوم احنا كمان اولادها بردو نغلط فيها
الكلام لو كان يعبر على الحنان كونت قولت اني بحبك من زمان says:
لاء
عمرك ده رسمه على كفوفى ابصله يهرب خوفى says:
هما بيغلطوا فينا لما يشوفوا غلط او حتى بيتبلوا علينا واحنا كمان بنغلط فيهم
عمرك ده رسمه على كفوفى ابصله يهرب خوفى says:
ولما احنا نغلط بلدنا يبقى احسن من حد يجى يغلط فيها هو بنفسه
عمرك ده رسمه على كفوفى ابصله يهرب خوفى says:
لما اقول على نفسى انا حاجة وحشة احسن ما غيرى يجى يقولها عليا
الكلام لو كان يعبر على الحنان كونت قولت اني بحبك من زمان says:
لاء مش شرط انا عمري مكرهت الفلسطينين الا بعد معرفت اد ايه هما بيكرهونا كره العما وبقيت انا كمان اكرهم
الكلام لو كان يعبر على الحنان كونت قولت اني بحبك من زمان says:
تقولها مع نفسك
الكلام لو كان يعبر على الحنان كونت قولت اني بحبك من زمان says:
مش علني
الكلام لو كان يعبر على الحنان كونت قولت اني بحبك من زمان says:
وكل الناس تشوف
الكلام لو كان يعبر على الحنان كونت قولت اني بحبك من زمان says:
مفي مليون جنسيه هتشوف الي انت كتبتو
الكلام لو كان يعبر على الحنان كونت قولت اني بحبك من زمان says:
وهتعرف انو قصدك مصر
الكلام لو كان يعبر على الحنان كونت قولت اني بحبك من زمان says:
اتخيل؟
عمرك ده رسمه على كفوفى ابصله يهرب خوفى says:
وما دام الحاجة الغلط دى موجودة يبقى مقدرش انكرها
عمرك ده رسمه على كفوفى ابصله يهرب خوفى says:
حلو عارفة ساعتها هيقولو ايه هيقولو انى فى واحد فى مصر مش عاجبه حالها واكيد مش عايزها كده
عمرك ده رسمه على كفوفى ابصله يهرب خوفى says:
يعنى واحد عايز ممصر حلوة
الكلام لو كان يعبر على الحنان كونت قولت اني بحبك من زمان says:
عارف لو كونت مدحتها في الاخر كونت قولت معلش وهيفهمو الي انت قولتو بس من غير لاء
عمرك ده رسمه على كفوفى ابصله يهرب خوفى says:
ازاى بعد كل ده امدح فيها مينفعش لو شفت حاجة حلوة اكيد هاجى امدحها واتكلم عنها
عمرك ده رسمه على كفوفى ابصله يهرب خوفى says:
انا يعنى مش عايز اظهر عيوبها بس لكن لما الاقى اللى يعجبنى
الكلام لو كان يعبر على الحنان كونت قولت اني بحبك من زمان says:
طب كونت تكتب وبعد كل ده بردو بموت فيكي
الكلام لو كان يعبر على الحنان كونت قولت اني بحبك من زمان says:
اي حاجه
عمرك ده رسمه على كفوفى ابصله يهرب خوفى says:
يبقى ساعتها برضه هقول انى بنقد كل ده وبموت فيكى لا طبعا انا بنقد كل ده لانى لما اشوفك غير كده مش هقدر انكر انى بموت فيكى
عمرك ده رسمه على كفوفى ابصله يهرب خوفى says:
لما تحبى واحد وتقعدى تشتتمى فيه ولا تقولى انك بتحبيه يعرف غلطه ويحاول يصلحه ساعتها تقولى انك بتحبيه وانك عملتى كده لانك كنتى زعلانة منه فى الحاجات اللى عيبتيه بيها
الكلام لو كان يعبر على الحنان كونت قولت اني بحبك من زمان says:
طيب خلاص
الكلام لو كان يعبر على الحنان كونت قولت اني بحبك من زمان says:
مش تزعل مني
عمرك ده رسمه على كفوفى ابصله يهرب خوفى says:
مش زعلان طبعا ده انا مبسوط انك ناقشتينى فى الموضوع والمهم تكونى اقتنعتى
الكلام لو كان يعبر على الحنان كونت قولت اني بحبك من زمان says:
لاء
الكلام لو كان يعبر على الحنان كونت قولت اني بحبك من زمان says:
ومش هقتنع
عمرك ده رسمه على كفوفى ابصله يهرب خوفى says:
لا مقتنعتيش برضه
عمرك ده رسمه على كفوفى ابصله يهرب خوفى says:
خلاص براحتك عادى كل واحد ورأيه
عمرك ده رسمه على كفوفى ابصله يهرب خوفى says:
بس انا شايف انى وضحتهالك قوى ومالهاش حجج تانى
الكلام لو كان يعبر على الحنان كونت قولت اني بحبك من زمان says:
زي مقولت كل واحد ورايو
الكلام لو كان يعبر على الحنان كونت قولت اني بحبك من زمان says:
وانا ده رايي بلدي عمري مشتم فيها
عمرك ده رسمه على كفوفى ابصله يهرب خوفى says:
اوكى وعلى فكرة بقى انا هحط الحديث الللى بنا ده فى البلوجر ماشى؟
الكلام لو كان يعبر على الحنان كونت قولت اني بحبك من زمان says:
عادي برحتك

الثورة

عايز اطلع كل اللى جوايه فيكى يا بلد واطية يا بلد القذارة والشوارع المعفنة يا بلد الحشاشين و اللى بيشربوا البانجو والخمور والبيرة يا بلد شعبها متخلف عقولهم فاضية وكل همها فى الحشيش والخمور و الستات يا بلد مكبوتة يا بلد ناس مش عايزة تشتغل ولا عايزة تعمل حاجة عدلة فى دنيتها يا بلد كل واحد فيها مش عارف هو عايش ليه وعايز ايه يا بلد حكامك مميشينك عصب عنك وعن اهل بلدك الميتين ولا عمرهم هيصحوا يا بلد كل واحد فيها فى بقه قاموس شتايم مفيش داعى انى اقولها لانى عمرى ما هكون زيهم يا بلد كل واحد عمال يتف فى شوارعك وبشوفه اتمنى اتف على وشه
يا بلد عقولها فاضية وعايشين فى فراااااااااااااااااااااغ يا بلد يا ميتة يا اللى عايشين فيكى ولا عارف عايشين ازاى
يا بلد مليانة بلاوى وبلاوى يا بلد مليانة امراض
كفاية عليكى كده ارتحت

الأربعاء، يناير 25، 2006

منييييييييييير

نفسى اتكلم عن حاجة لسه حلوة فى حياتى دى بقى حاجة مقعدش انقد فيها واحرق فى نفسى ومن اكتر الحاجات اللى بعشها بقى وتفرحنى جدا لما احب اغير مود الحزن اللى تقريبا بيبقى معظم الوقت فى حياتى اقعد اسمع منير وارقص واتنطط ساعات زى الاهبل كمان بس ببقى لوحدى ادام الناس عمرى ما كنت كده الا قليل حصلت

منير يا مطرب حياتى يا كلامك احلى كلام احب اسمعه واقوله مع اجمل موسيقى و طرب يا نوبى يا رمز لاجمل واعز مكان فى مصر كلها يا مظلومين

منير يا اللى مش عارف كلامى يبدأ ازاى او يخلص بيك

يا اللى اتكلمت عن كل حاجة يا اللى غنيت للحبيبة فى اجمل رومانسية
(عنيكى تحت القمر – حرية –فى عنيكى غربة وكتير اوى ميتعدوش واخاف انساهم ) يا اللى غنيت للابنة (المريلة الكحلى) يالللى غنيت للجد عن انه الوطن وغنيت للجد مع احفاده (مقدرش –جدو) يا لللى غنيت للوطن اجمل اغانى الوطن يا الللى اكتر واحد غنيت للوطن ( غصب عنى –شمس المغيب – اتكلمى- قلب الوطن مجروح –ايه يا بلاد يا غريبة- الليلة يا سمرا- مساكن شعبية - بلاد طيبة - نلضم اسامينا وغيرها برضه كتير وكتير)
يا للى غنيت لحال الناس (الناس نامت - ساح يا بداح – وغيرها كتير)
يا للى قلت للغرييب بلدك هنا حضنك هنا (قول للغريب)
يا للى اتكلمت عن مضيعة الوقت فى (يا بنت يا لللى) وكنت بتقول يا بنت يا للى بتغزلى قفطانه غزل الصبح ليه على الليل تحلى خيطانه
يا للى اتكلمت عن الحياه عموما فى( سر الحياه – بحر الحياه وغيرها كتييير)
يا للى غنيت للطير وللبحر ولكل شئ فى الطبيعة (امانة يا بحر- يا طير - يا طير يا طاير-برج حمام- يا نورس- شجر الليمون- عنقود عنب وغيرها كتير)
يا لللى غنيت للموت اللى مفيش مفر منه حتى لو عملت حاجة فى دنيتك او معملتش اخرتك الموت(شتا)
يا للى غنيت لفلسطين(القدس – العمارة وغيرها)
يا للى اتكلمت عن الامل وخليتنا نعيش بيه(على صوتك – ربك لما يريد- هون يا ليل وغيرها )
مخلص الكلام بس كتير اوى وعمره ما هيخلص يا منير يا مجموعة من ال(حواديت) يا اكبر (حدوتة مصرية) يا للى (علمونى عنيك ) اسافر واسامح واحب الناس واحبك يا صاحب اجمل عيون ببرائتها يا صاحب اجمل بسمة يا (اسمرانى اللون) حبيبي يا اسمرانى

الثلاثاء، يناير 24، 2006

الشعب الاهبل

نعم نحن شعب اهبل هذا رأيي ولى مطلق الحرية فيه واقوله شاملا علينا جميعا ولكننا ربما بنسب متفاوتة
ان نكون نصفنا جاهل امى لا يقرأ او يكتب فهى ازمة تريد الكثير
اما ان يكون نصفنا الاخر المفروض انه متعلم نجده (بالعافية) يقرأ ويكتب وهناك من ليس له بشئ سوى قراءة ومذاكرة دراسته فحسب اما الباقى او قراءة اى شئ اخر فهو هبل ونصف المتعلمون واكثر هذا رأيهم فقراءة شئ غير دراستك لهو لهو وعبث وضياع وقت فارغ
وهذا ما يثير غيظى كثيرا جدا ولكنى احاول اخفاء غيظى وكبته امام هؤلاء الجاهلون فهم فى رأيي اكثر جهلا ممن لم يتعلموا من الاصل
ان يظن فرد ان قراءة او كتابة اى شئ مجرد لغو لهو غباء بالتأكيد غباء يشمل بلدنا كثيرا
لربما بعد ذلك اجد ان القراءة ضارة جدا بالصحة ومضيعة للوقت واخطر من ان تشرب سيجارتك او ان تكون اخطر من كلماتك التى ربما تكون فارغة بما انك فارغ
وبعد انتشار الانترنت الذى يستخدمه اكثر من نصف مستخدميه ايضا للشات والحديث فقط وكأن ليس له اى فوائد اخرى وبالطبع التى ستجد اساسها قراءة قراءة اى شئ سواء سياسة اخبار قصص روايات اشعار اقتصاد علوم اى شئ فكل ذلك متجاهل بالطبع لاننا نفس الشعب الاهبل الذى لا يقرأ من الاصل اى كتاب فى يده ولو يحاول فى صفحة الكتاب الاولى حتى يعرف هو جذبته ام لا ؟ او يحاول قراءته كله ليرى هل قبل ان يقرأوه مثلما بعد قراءته ؟
ان كان كل كلامى هذا عبثا يا من قرأت هذا وضيعت وقتك الثمين فلتعرف انى انا الاهبل وحدى فقط او ربما يشاركنى الهبل قلة قليلة جدا وعندها تعرف انى اخرف عندما اقول اننا جميعا شعب اهبل

الاثنين، يناير 23، 2006

النشر الغير منشور

لم اكن يوما كاتبا ولا مؤلفا وربما لن اكون لست قيمة كبيرة حتى لاحزن على عدم نشر شئ لى لكن ما حدث
كانت هناك مسابقة واشتركت بها لعل وعسى ونجحت وقيل لى انه سينشر لى العمل فى العدد الثانى وانتظرت و اخذت اتخيل ولم اصدق كأن شئ سيعوق ذلك ونزل العدد الثانى بالفعل وكانت المفاجأة المحسوسة انا لست موجودا.. اعرف انه عمل ربما لايستحق ان ينشر .. لا يستحق ان يكون له قراء .. ولكنه كان اتفاق وواقع بانه سينشر .. لكى لا اكثر فيصيبنى الملل قبل من ربما يقرأ هذا انه سينشر فى العدد الثالث وهو ما وعدت به ومن جديد انتظر لربما حلم صغير ضئيل لى يتحقق فى حياه بائسة
لا انكر حق دار ليلى انها كانت متعاونة كثيرا ولها افضال كثيرة ويكفى انها فكرتها هى ودون مقابل مادى ولن تجد ربحا كثيرا من نشرها هذا عموما لذا فلها الشكر مهما كان و محمد سامى رجل كثيرا احبه واحترمه واعرف انها غفلة منه وقد تأسف وسيحقق نشرى فى العدد الثالث من بدايات