الأربعاء، يناير 11، 2006

معهد هندسة الصرف الصحى للتدريب على الطيران فى امبابة

اول موضوع اتكلم فيه بقى ولانه عاملى عقدة وهو برضه متعلق طبعا ببلدنا اللى محدش يفهم لها حاجة
المشكلة انى دخلت كلية محدش يعرفها وكمان التخصص زودها تعقييد

المعهد هو هندسة طيران وهو بيطلع مهندسين طيران وده الوحيد غير جامعة القاهرة اللى الهندسة فيها القسم ده وبيطلع اقل من المعهدالمهم بقى ايه ان المعهد فيه اقسام تانية اتصالات ومدنى وعمارة
طيب اتصالات واهو بيتقال عشان اتصالات الطيران
لكن بقى لما نقول عمارة يفتكروها عمارة مطارات وبس مع انى مليش علاقة بالطيران وكل المشاريع اللى بندرسها معمارية عادية وانى هكون معمارى عادى زى اى معمارى يمكن زايد خبرتى اللى هتكون فى بنى المطارات واحنا كمان اول دفعة عمارة هناك
الكلية فى امبابة مكان مطار امبابة القديم
الدكاترة هما دكاترة جامعة القاهرة الهندسة نفسهم و المعهد تابع لهندسة القاهرة من حيث تحضير ماجستير او دكتوراه
من المشاكل فيها كمان انهم بيفتكروها خاصة لكنها حكومة وتبع وزارة الطيران وتبع وزارة التعليم العالى كمان وموجودة فى التنسيق وفى المرحلة التانية وبتاخد علمى رياضة ومجموعها من 82 ل84 حسب كل سنة
صحيح هى بفلوس تمن الاف لكنها حكومية
يعنى المعهد بياخد الاف فى السنة مع انها حكومة وكمان بمجموع طيب مش سرقة دى ؟ وكمان المعهد فى اسوأ حال فعلا يعنى مهزلة انه يبقى وزارة الطيران بالمنظر ده و فلوسها فى جيب وزيرها طبعا و كمان مش عارفين هيشغلنا ولا هيضحك علينا بعد ده كله و كلها وعود بس

اتمنى الاعلان عن الكلية عشان القصة دى بتتحكى لكل اللى لسه بيعرفنى فيا ريت تبقى زى اى كلية وتتعرف
انتظروا قريبا هتكون
اكاديمية مصر لعلوم الطيران لان فى غير معهدنا تلات معاهد وهما معهد الطيران ومعهد المراقبة الجوية ومعهد حاسبات ومعلومات وعلوم فضاء
و كلهم بفلوس و البطالة مستمرة 

هناك 10 تعليقات:

Greycell يقول...

يا سلام احنا عندنا قسم علوم الفضاء؟
طيب ده هندسة الفضاء ولا علوم الفضاء
يعني بني مركبات و حخاجات كدة و لا نظريات علوم الفضاء؟

غير معرف يقول...

يا باشا أنا فى حاسبات ومعلومات الطيران والفضاء وموضوع ان المعهد مش معروف دى مشكله بجد لأن اى حد اعرفه لازم اقوله القصه كلها وبرضه
كل تفكيره انها خاصه علشان بفلوس
وللأسف معاهد الطيران دى فى الخارج من اعلى الكليات بس هنعمل ايه بقى

وبالنسبه لموضوع الفضاء فده فى حاسبات بس ولحد دلوقتى ماشفتش ماده بتتكلم عن الفضاء !!!!!

pandora يقول...

انا كمان في حاسبات ومعلومات الطيران والفضاء وكمان لسه مشفتش ولا مادة بتتكلم عن الفضاء تماما والمعهد ابتدا يتعرف بس المشكلة ان مفيش بنات يعني دفعتي فيها 3 بنات بس واللي بعدنا بقوا 2 كل سنة بنقل مش عارفة ليه كده شوفولنا حل انتوا فين يا بنات

غير معرف يقول...

هههههههههههههههههه عندك حق والله يا باشا د ى المشكله بتاعتنا فى البنات انا بقى فى الدفعه اللى فيها بنتين
لو المشكله دى اتخلت المعهد هيبقى كويس :D :D

غير معرف يقول...

انا-بقي-في-الدفعة-اللي-مفيهاش-غير-بنت-واحدة-ودي-نعمه-كبيرة-والحمد-لله-عالاقل-ربنا-حامينا-من-بلاويهن-وحميهن-من-بلاوينا-وبعدين-مشكلة-عدم-معرفه-الناس-للمعهد-دي-مشكلة-سهله-وحلهابسيط-وهو-انك-متجيبش-سيرة-الطيران-خالص-احذفه-من-اسم-الكلية-لان-الناس-بتفتكر-ان-تحت-القبة-شيخ-والسلام-عليكم-ورحمة-الله

omar يقول...

انا اسمي عمر وخلصت ثانوية عامة وجبت 88% ونفسي ادخل معهد هندسة طيران بس كل لما استشير الناس يخوفونى منها وبيقولو انها ملهاش مستقبل جامد وان سوق العمل بتاعها قليل جدا فا اية رايكم يا جماعة فى الكلام دة هل هو صح ولا هو غير كدا خالص مستني منكم رد

غير معرف يقول...

ممكن اعرف مشكورين يقبل من كام المعهد والمصروفات والشعبه ارجو الرد

StEElBeaUtY يقول...

لو انا اخوية عايز يدخل هندسة طياران القاهرة ممكن اعرف بتاخد مجموع كام ؟
وهل فى ههندسة طيران فى الجامعة الاميريكية ودى فين مقرها ؟

mhamt يقول...

هههههههههههه
مش مشكلتك لوحدك يا مان مشكلتنا كلنا وربنا يئضرنا على ما بلانا

معادلة الهندسة يقول...

يمكنكم الالتحاق بكليه الهندسه عن طريق التقديم فى اختبارات معادلة كلية هندسة والتى تعد فرصة كبيره لكل خريجين المعاهد والدبلومات للالتحاق بكلية الهندسة ونؤهلك فى مركز النور بافضل شرح وملخصات للمناهج
تابعونا عبر موقعنا
http://www.equation-engineering.com/
اتصل بنا على تليفون
01093189974 — 01118585670
01220911562 — 01116126161
01008266914 — 01124999956