الأربعاء، يناير 25، 2006

منييييييييييير

نفسى اتكلم عن حاجة لسه حلوة فى حياتى دى بقى حاجة مقعدش انقد فيها واحرق فى نفسى ومن اكتر الحاجات اللى بعشها بقى وتفرحنى جدا لما احب اغير مود الحزن اللى تقريبا بيبقى معظم الوقت فى حياتى اقعد اسمع منير وارقص واتنطط ساعات زى الاهبل كمان بس ببقى لوحدى ادام الناس عمرى ما كنت كده الا قليل حصلت

منير يا مطرب حياتى يا كلامك احلى كلام احب اسمعه واقوله مع اجمل موسيقى و طرب يا نوبى يا رمز لاجمل واعز مكان فى مصر كلها يا مظلومين

منير يا اللى مش عارف كلامى يبدأ ازاى او يخلص بيك

يا اللى اتكلمت عن كل حاجة يا اللى غنيت للحبيبة فى اجمل رومانسية
(عنيكى تحت القمر – حرية –فى عنيكى غربة وكتير اوى ميتعدوش واخاف انساهم ) يا اللى غنيت للابنة (المريلة الكحلى) يالللى غنيت للجد عن انه الوطن وغنيت للجد مع احفاده (مقدرش –جدو) يا لللى غنيت للوطن اجمل اغانى الوطن يا الللى اكتر واحد غنيت للوطن ( غصب عنى –شمس المغيب – اتكلمى- قلب الوطن مجروح –ايه يا بلاد يا غريبة- الليلة يا سمرا- مساكن شعبية - بلاد طيبة - نلضم اسامينا وغيرها برضه كتير وكتير)
يا للى غنيت لحال الناس (الناس نامت - ساح يا بداح – وغيرها كتير)
يا للى قلت للغرييب بلدك هنا حضنك هنا (قول للغريب)
يا للى اتكلمت عن مضيعة الوقت فى (يا بنت يا لللى) وكنت بتقول يا بنت يا للى بتغزلى قفطانه غزل الصبح ليه على الليل تحلى خيطانه
يا للى اتكلمت عن الحياه عموما فى( سر الحياه – بحر الحياه وغيرها كتييير)
يا للى غنيت للطير وللبحر ولكل شئ فى الطبيعة (امانة يا بحر- يا طير - يا طير يا طاير-برج حمام- يا نورس- شجر الليمون- عنقود عنب وغيرها كتير)
يا لللى غنيت للموت اللى مفيش مفر منه حتى لو عملت حاجة فى دنيتك او معملتش اخرتك الموت(شتا)
يا للى غنيت لفلسطين(القدس – العمارة وغيرها)
يا للى اتكلمت عن الامل وخليتنا نعيش بيه(على صوتك – ربك لما يريد- هون يا ليل وغيرها )
مخلص الكلام بس كتير اوى وعمره ما هيخلص يا منير يا مجموعة من ال(حواديت) يا اكبر (حدوتة مصرية) يا للى (علمونى عنيك ) اسافر واسامح واحب الناس واحبك يا صاحب اجمل عيون ببرائتها يا صاحب اجمل بسمة يا (اسمرانى اللون) حبيبي يا اسمرانى

هناك 5 تعليقات:

wa7d mn el e5wat يقول...

منير مغنى ممتاز طبعا بس مش علطول يعنى

انا بحبلو شوية اغانى طبعا , بس كله كوم و الحانه كوم تانى (ما شاء الله وهمية)

يلا بقى عشان الحق رشيدة , سلام يا بكار

sydalany-وش مكرمش يقول...

أنا متفق معاك في رأيك جدا

نحن شعب أهبل

:0P





ملحوظة:
أنا لغاية ما كنت بسمع أغاني كنت عاشق لمنير و ما باسمعش غيره

shortcut يقول...

مين ما يحبش منير
وانا بقرا البوست كنت بسمع منير
دي حاجة جميلة
بوست جميل قول اللي في نفسك

*~Daisy~* يقول...

mounirian kamaaaaaaaaaaan :D:D
ya ahlan...ya ahlan...

adhm يقول...

اهلا بيك يا افندم
فى مملكة الناس اللاسعين
شرفت
http://a3z-elnas.blogspot.com/2006/01/blog-post_20.html