الجمعة، يناير 13، 2006

بلاد الرعب

عزيزى دكتور احمد خالد توفيق
ياما كتير حبيت رواياتك و حبيت ادب الرعب عموما لكن دلوقتى رغم انى هفضل اقرالك وهفضل احب رواياتك بقى صعب اوى انى الاقى منك الرعب اللى احس بيه
ويكون حقيقى لان خلاص الرعب توافر كتير فى بلاد الرعب
فعلينا ان نشكر الامن المركزى اللى رعب الكل باللى عمله فى المواطنين واللى حصل فى السودانيين وكمان نشكر بلطجية الحزب الوطنى اللى عملوا اكتر رعب تشوفه وانتشار السفاحين زى اللى دخل تلات بيوت وقطعهم حتت فى رعب اكتر من كده
وزى الميكروباصات اللى سواقين ولا هامهم وداخلين فى اى حاجة والناس بتموت
حقيقة البلد توافر فيها كل شئ حتى الرعب فى كل مكان فى بلدنا
اشكر كل من ساهموا فى سعادتى بوجود الرعب وعلى ارض الواقع ولك يا دكتور احمد ان تلعنهم فقد صعبوا مهمتك فى ايجاد اكثر رعبا من هذا الذى فعلوه

دكتور احمد هذا لا يقلل من قدراتك الرائعة فى الكتابة ولكنى اقول فقط ان هناك منافسة وان كنت انت اديبا ونافع للقراء فهناك من هم ليسوا روائيين بل فاعلون حقيقيون

هناك تعليقان (2):

Sarwa يقول...

"عن ادب الرعب ف مصر,من الصعب ان ترعب ناس مروعبين اصلا"
احمد خالد توفيق

saso يقول...

انا مش بحس ان توفيق بيكتب رعب يمكن ترقب.. لكن مش الرعب اللي يخليك ترتجف لما تسمع صوت من وراك
أو جايز انا اللي نشرات الأخبار عودتني علي مستوي اخر من الرعب