الأحد، مارس 12، 2006

كل واحد فى حاله

كل واحد عايش حياته فيها فرح ومليانة هموم والهموم بتزيد وبت
كتر و بتزيد المشاكل والعقد بتسيطر عليه وبتبوظ نفسيته وكل واحد بيكبت جوه نفسه همومه دىومشاكله وكتير منهم مبيحبوش يتكلموا او يقولوا لاى حد على اللى معقد حياتهم واللى بيبوظ نفسيتهم ومحدش بيفكر فى راحة التانى مع انى شايف انى اكيد محتاج لحد اقوله كل اللى عندى وكل اللى بعانى منه بس محدش بيسأل وبرضه مش كل الناس فضفضلها اكيد فى ثقة لكن محدش بيدور اصلا مع ان لو كل واحد حكى للتانى هنخف كتير من مشاكلنا ويمكن هنلاقى حلول من غيرنا ده مش لوحدنا هنوصل لحاجة ، كان نفسى حد يكون جنبى يسألنى عن اى حاجة تعبانى اقولهاله واشاركه مشاكلى وهو كمان يشاركنى مشاكله حتى لو حاجات مش فى ايده بس اهو حس بيه وخفف عليه واناكمان هكون مستعد جدا انى اسمعه واكلمه وانصحه بس هما الناس نوعين فى اللى تعبان ونفسه يتكلم ومش لاقى حد وفى اللى تعبان ومش عايز يتكلم وقافل على نفسه ويمكن بيهرب من مشاكله دى او مش واثق فى حد خالص

هناك تعليق واحد:

manora يقول...

يا سلااام عليك يا محمد
مانا موجودة اربع وعشرين ساعه
اتكلم يابنى والله هاسمعك..انا مهما كنت مش طايقه نفسى بسمع الناس..
وصدقنى لو سئلتنى وكان فى حاجه مضيقانى هاجاوبك!
بس متقولش مفيش حد يسمعك
لانك محاولتش ترمى بلاك عل حد اصلا!
حاول كده و شوف النتايج!