الأربعاء، أبريل 19، 2006

كنت فين ياعلى

¤ ¤M RA¤ ¤ :
الله علي علي دا نيم ياجامد
¤ ¤M RA¤ ¤ :
المفروض يحنطوك
كنت ماشى بدون بطاقة لا عندى ضوء ولا فيه طاقة بسألك وبدون اساءة امتى تانى تنورى؟:
مش عاجبك؟؟
¤ ¤M RA¤ ¤ :
ياعم ابقي شيل بطاقه
كنت ماشى بدون بطاقة لا عندى ضوء ولا فيه طاقة بسألك وبدون اساءة امتى تانى تنورى؟:
ما انت حمار مبتفهمش لو بتفهم كنت عرفت الكلام ده معناه ايه
¤ ¤M RA¤ ¤ :
ياعم ضوء ايه وطاقه محسسني انك عمود ياعم نام
كنت ماشى بدون بطاقة لا عندى ضوء ولا فيه طاقة بسألك وبدون اساءة امتى تانى تنورى؟:
طيب يا جاهل متكلمش بقى ما دام مش فاهم حاجة
¤ ¤M RA¤ ¤ :
اوكي ياعم المخضرم



مش قصدى خالص انى اهين الشخص اللى اتكلم معايا الكلام ده ايا كان هو مين لكنى بس حبيت اقول واشوف قد ايه الناس مبقتش بتحس بالكلام وبقى بس بيهتموا بكلمتين حب من عمرو دياب ولا تامر حسنى كلام ممل ومكرر وبايخ والكلام اللى ليه معنى بقى هو اللى مش عاجب وناس كتير اوى كده للاسف
يا خسارة الكلمة الحلوة اللى مبقتش بتتسمع

القصيدة كلها لللشاعر على سلامة بتقول

كنت فين يا على امك بتدور عليك
كنت فين
كنت فين يا على امك بتدور عليك
كنت بحفظ فى الحروف
غصب عنى وعالظروف
خدوا دورى فى الصفوف وانتى لسه بتسألى
كنت فين يا على امك بتدور عليك
كنت مشغول بالوظيفة
كنت بحلم بالوظيفة
والحرير تحت القطيفة
الحياه طلعت مخيفة
كدبة بنت ارندلى
كنت فين يا على
كنت فين يا على امك بتدور عليك
كنت بفهم ايه اللى صار
نار من جوه نار
عرفت ايه معنى الاستعمار من غير ما ادفع ولا عسكرى
كنت فين يا على امك بتدور عليك
كنت ماشى بدون بطاقة
لا عندى ضوء ولا فيه طاقة
بسألك وبدون اساءة
امتى تانى تنورى
كنت فين علي امك بتدور عليك

هناك 3 تعليقات:

Sarwa يقول...

يابنى ارحمنى بقى

manora يقول...

مالك يا ثورة
كويس انى عرفت الجمله الى كاتبها فى البلوج جايه منين
بجد القصدية حلوة جدا
وبعدين يا محمد متجيش تحاسب الجاهل على انه مش بيفكر زى ارسطو
مقصدش اهانه للى كلمك
ولكن عامل كل واحد بتفكيره و متنتظرش منه انه هيناقشكك فى نظرية النسبية مثلا!

محمد ياسر يقول...

ثروة
مش هرحمك قولتك هى كانت قصيدتك
هكتبها زى ما انا عايز بالعند

منار
مش بحاسب حد لكن مبحبش حد يتريأ على حاجة مش فاهمها ولاا عارفها