الأربعاء، أبريل 26، 2006

رباعيات شاب

شاب عايز يحس بدافع
فى وطن مظلوم وضايع
فى زمن مليان مواجع
ولسه بيدور رغم الموانع
-----------------------------------------
شاب بيدور على دور ومهنة
فى دنيا فيها صعاب ومحنة
رافض يكسل عايز يشيل عنا
بيدور على امل فينا ومنا
-----------------------------------------
شاب عايز يكون مسجون
يعيش حالة من الجنون
ويشوف بجد جمال الكون
عايز يعيش فى حب حنون
-----------------------------------------
شاب عايز يكون مختل
يسرق يحرق يغرق يحتل
يعمل كل اللى يرضيه
وفى الاخر ميلوموش ويقولوا مختل
----------------------------------------
قالوا مفيش فى المحبة كسوف
اوعى تحس فى قولها بخوف
وخلى حبك للناس مكشوف
قلت الحب مكشوف خايف مكسوف

هناك تعليقان (2):

manora يقول...

حلوة اوى حاله الطفح الشعرى الى نازلة عليك دى
بس كلها اكتئاب يا اخى
غير شوية و فرحنا معاك
حلوة بجد الربعيات دى:)

محمد ياسر يقول...

يا ريت لو تكون حالةطفح حلوة فعلا مش طفح و وحش واذا كان على الاكتئاب فالحالة اصابتنى بقالها فترة وان شاء تخرج بس مش عارف امتى وازاى