الجمعة، مايو 12، 2006

حقوق المرأة

دلوقتى عمالين يقولوا ان اسم الست لازم يكون فى البطاقة ويكون الاسم بالست مش بالراجل بس يعنى مثلا انت اسمك محمد احمد لا تبقى محمد فوزية يا سلام شفتوا العبقرية وده لان الست مش واخدة حقها برضه و كمان الاقى عضو فى فى جمعية للمرأة وبيناشد بالموضوع ده ونفسه اوى يبقى اسم امه ورا اسمه عشان ده حقها والكاتبة منى حلمى اللى يا سلام على عقلها حبت تعمل حاجة لامها فى عيد الام اللى ملوش لازمة اصلا فقالت انها تطالب باسمها يكون مكتوب فى البطاقة و يكون ورا اسم الابن طيب انا مع ان المرأة لسه مخدتش حقوقها كاملة وان لسه تعليم البنات مانعينه فى قرى كتير وانها لسه مظلومة لكن حاجة زى دى بقى لا حقوق مرأة و لا حقوق حاجة خالص و دول اكيد ندعيلهم ربنا يشفيهم ويشفينا من الفذلكة المصرية اللى ملهاش لازمة واعتقد ان معظم الستات والبنات مش مع الاراء الغريبة دى

هناك 4 تعليقات:

manora يقول...

قبل ما اعلق
ما لقيتش اى اسم تانى غير محمد احمد
هههههههههه
مش هتعرفوا تتخلصوا من الافيه بتاعى ابدا

بالنسبة بقى لكلامك اولا ده اسمه اى كلام يعنى ان يكون اسم مامتك فى لبطاقة
اينعم احنا عايزين حرية بس مش للدرجه دى و مش بالمنظر ده
و فعلا زى ما قولت مش كل البنات موافقه اصلا على الموضوع ده ولا حابين حركات تحرير المرأه الغربية دى
الى مظنش ان حد وراها غير المفكرين الى راحت منهم و سيدات المجتمع الراقى بحثا عن لمعة تضاف اليهم!!

shaimaa يقول...

بكره يقلك كل واحد يختار يبقي اسمه ايه

عاوزو علي اسم مامي ولا تيته ولا مامه تيته
ولا علي اسم امنا حوا؟

meho يقول...

عاوزة أقول للعالم ديه ...المجانين فى نعيم !!وبس خلاص

تامر فتحي يقول...

التهييسة دي بتفكرني بشويكار في مسرحية مش فاكر أسمها دلوقتي:

!! أمك

كان قائد طابية؟

:p


تامر