الاثنين، مايو 29، 2006

ايه اللى بيخلينى احس بالسعادة؟؟

اجابة لسؤال منار عن ايه اللى بيخلينى احس بالسعادة؟ وايه اللى بيفرحنى؟

انى اعمل حاجة احس انى رضيت بيها ربى
انى اعمل حاجة تفرح اهلى
اللى بيفرحنى انى اسمع منير على روقان او احضرله حفلة بفرح اوى
انى اشوف فيلم حلو فى السينما و فى السينما احسن عشان بحبها
انى اقرا رواية جميلة وعجبتنى
انى اقعد مع اصحابى قعدة حلوة فى اى مكان حتى لو قهوة
انى الاقى حد كاتب تعليق فى البلوج اللى انا بتكلم فى مع نفسى ده (طبعا فى ناس بترد اشكرها)و المهم انه يعجبه فعلا اللى انا بكتبه
انى اقرا او اسمع شعر جميل احس بيه فعلا
لماالاقى مشروع التصميم بتاعى عجب الدكتور وخدوه فى الكلية
لما امشى فى شوارع احبها واشوف بيوت و عمارات جميلة زى وسط البلد كده
لما اروح اسكندرية والاقى البحر جنبى طول الوقت
لما الدنيا تمطر وامشى تحت المطر
لما افتكر ايام عدت عليا وكانت جميلة (زى ايام اسكندرية وزى يوم حفلة فتحى سلامة فى رمضان)اى ذكرى حلوة
كفاية كده


دلوقتى اى حد يقرا يرد على السؤال برضه يا هنا يا فى بلوجره

هناك 9 تعليقات:

النوبى يقول...

klam gmel awe

ana kman bheb moner awe


einobi

still breathing يقول...

لما أحط راسي علي المخدة و أروح في النوم علي طول و مشفش كوابيس

لما أعرف أسمع قران كويس و المعلمة بتاعتي تبقي مبسوطة بتجويدي

لما ماما تكون فرحانة و تفتكر بابا بالحاجات الكويسة

لما أحس اني مفيدة...مش عايشة و السلام

محمد ياسر يقول...

النوبى
شكرا ليك وقليل اللى ميحبش منير

still breathing
شكرا لردك وجميل اوى الحاجات اللى بتفرحك

Sarwa يقول...

يوم حفله فتحى,من الايام اللى انا بردو بحبها
بس عارف حفله "منير" بتاعت راس السنه كانت احسن :))

غير معرف يقول...

Your website has a useful information for beginners like me.
»

MAKSOFA يقول...

احس بالسعادة
لما أساعد حد علشان يلاقي شغل
لما اشوف الفرحة في عيون أولادي
لما يجس اول الشهر وأقبض مرتبي واقسمة علي الأقساط ومصاريف البيت والأولاد والاقي أنةلسة فية شوية
لما اذكر اللة سبحانة وتعالي فيذكرني
لما أشوف في التلفزيون اللي بيحصل في العراق وفلسطين وأقول الحمد للة بلدنا بخير وأدعي وانا بابكي ربنا يخليك يامصر
لما أشوف اننا قادرين نعمل مظاهرات أحتجاج ونتكلم بحرية في التلفزيونات ونشتم رئيسنا حسني مبارك والاقي ان ماحدش قادر يعمل كدة في البلاد العربية التانية

غير معرف يقول...

Very pretty design! Keep up the good work. Thanks.
»

غير معرف يقول...

I find some information here.

محمد ياسر يقول...

who are you????