الجمعة، يونيو 23، 2006

عمارة يعقوبيان




شفت امبارح عمارة يعقوبيان والفيلم رغم انه 3 ساعات يعنى قعدة طويلة فى السينما الا انه يستاهل والفيلم عجبنى كان جميل و احداث الفيلم هى اللى فى الرواية(اللى كنت قريتها من فترة طويلة)و مختلفتش الاحداث كتير غير فى نهاية حازم و معتقدش كان فى اختلاف غيره تقريبا و و طبعا رأيي فى الرواية او قصة الفيلم من الاول انه جميل
من ناحية الاخراج عجبنى اخراج مروان حامد بعيدا عن انه ابن وحيد حامد باين عليه انه شاطر لانه كان عاجبنى كمان فى فيلم(لىلى) قبله
موسيقى الفيلم كانت عادية ومناسبة
التمثيل اللى عجبنى تمثيله وكان فعلا متميز الفيلم ده خالد الصاوى وعادل امام(كان مختلف دوره وتمثيله المرة دى بدل الافلام اللى كان بيعملها قبل كده)و اللى معجبنيش ولا حبيت تمثيله فى الفيلم كان يسرا وتامر عبد المنعم و سمية الخشاب اما باقى الممثلين هند صبرى وخالد صالح وباسم سمرة ونور الشريف واحمد بديرواحمد راتب واسعاد يونس ومحمد امام كان تمثيلهم كويس اللى هو العادى

الفيلم جامد كفيلم عربى
كان معايامن اعز اصحابى محمد واخته منار(بلوجر منورة)ومحمود و ثروة(بلوجر عايشة وخلاص)اللى بتوحشنا فى كل فترة بتغيب وترجع

هناك تعليقان (2):

محمد ياسر يقول...

حاجة مهمةاعتقد انى لازم اقولها اول ما عرفتها

--------------------------------------------------------------------------------

القاهرة - رويترز

يبدي الكاتب المصري علاء الاسواني مؤلف رواية (عمارة يعقوبيان) دهشته من عدم دعوته إلى عرض خاص في دار الاوبرا بالقاهرة للفيلم المأخوذ عن روايته، مرجحا أن يكون التجاهل "الرسمي" بسبب توقعه أن يحضر العرض جمال مبارك نجل الرئيس المصري وبعض كبار المسؤولين موضع انتقاده الدائم.

وقال الاسواني يوم الاثنين 19-6-2006، قبل موعد عرض الفيلم "أنا مندهش جدا ولا أتصور أن يكون غيابي عن حضور العرض الأول للفيلم بمصر بقرار من أسرة الفيلم. هذا خارج عن إرادتهم".

لكن الكاتب المصري الذي أبدى إعجابه بالفيلم فنيا وفكريا تساءل "إذا كان الأخ جمال (مبارك) يريد مشاهدة الفيلم ألا يريد مشاهدة مؤلف الرواية"، مشيرا إلى أن التقاليد في مثل هذه الحالة جرت على أن يصافح المسؤول أسرة الفيلم عقب انتهاء العرض. ورجح أن يكون جهاز "مباحث أمن الدولة راجع الأسماء واستبعدني لأن كتاباتي مصدر إزعاج"

ويأمل الاسواني أن يكون الفيلم "الذي يقول صراحة إن البلد (مصر) في بلوى قد عجب جمال مبارك 42 عاما). أتمنى أن أن يفهم (جمال) المقصود وينسحب (من الحياة السياسية) ويترك الناس تختار بحرية."

ويعد الاسواني في مقالاته بصحف معارضة من أبرز المنتقدين لنظام الرئيس المصري حسني مبارك (78 عاما) الذي يحكم البلاد منذ عام 1981 بعد مصرع سلفه أنور السادات على يد إسلاميين في احتفال عسكري.

ايــــــــــــــــــوب يقول...

فعلا زمن المسخ