الأحد، يوليو 02، 2006

الحقيقة ...اليوم السابع...مجريات الاحداث الاخيرة...

انهاردة صادف بجيب دريم لقيت برنامج الحقيقة للمذيع وائل الابراشى فقلت اشوف جايب ايه لقيت جايب الصحفى احمد صلاح و تم تعذيبه فى السجون والمظاهرات و الصحفية ندى القصاص المدافعة عن الصحفيين و من الناحية التانية العضوان الزفت بستين نيلة الاول يحيى وهدان و التانى شيرين عبد العزيز و نفس المتوقع بشوفه الصحفى بيتكلم عملوا فيه ايه وبهدلوه ازاى وحتى فى المستشفى القصر العينى كانوا متاجهلينه ومبيراعوش حد ازاى و الصحفية تدافع عن واحدة تم هتك عرضها فى القسم و ان جاولها ست وفهموها وقالولها تفتشها ازاى وتقلعها هدومها كلها و تبهدلها و الناحية التانية طبعا بقى كالعادة الاستنكار والعبط و التخلف اللى ممكن يخلينى اكسر التلفزيون وانا بتمنى انه يجى على دماغهم ودماغ اكبر كلب فيهم و يقعدوا يقولولها متكلميش عن الحزب الوطنى وانتى مش عارفة الحزب شغال ازاى عشان الناس و عم وهدان ده يقول يا ريت الواحد يرجع ايام ما كان ظابط شرطة و يقول ان الظابط والامن فى مصر مبيحصلش فى كده ابدا كان نفسى ساعتها يقولوا للوطنيين دول اننا كدابين بعد ما يحكوا كل ده وانهم بيلبسوا التهمة واى كلام على امن الدولة والظباط و ان الكلام ده طبعا من تأليفهم اصل خيال الشعب المصرى واسع انتو عارفين
خلص البرنامج وبقلب لقيت برنامج اليوم السابع لمحمود سعد ولقيت الفقرة اللى شغالة مستضيف فيها علاء سيف وقلت كويس ان حد من المدونين بقى بيطلع و كل البرامج بقت ليها عين على المدونين وانا انهاردة من قبل برنامج اليوم السابع ده قررت انى احط بلوجرى عند علاء لانى مهما اختلفت معاه فى فكر ليه او فى اى حاجة احنا الاتنين معارضين ولازم نكون كلنا مع بعض يمكن نعمل حاجة بجد وانا شاغلنى كتير ان الاعتراض يكون شئ ايجابى اكتر منه مظاهرة وخلاص مثلا بس ازاى دى لسه اللى محيرانى
و فى لفتة تانية من محمود سعد جاب تقرير عن فلسطين واللى بيحصل وضرب وخطف الوزراء هناك الوطن العربى كله بيتبهدل فلسطين عندها اسرائيل واحنا عندنا حكومة

هناك 6 تعليقات:

Mamdouh Dorrah يقول...

الكلاب تعوي و القافلة تسير
سيبهم يقوله زي ما هما عايزين

أُكتب بالرصاص يقول...

ممكن تحكي لنا أكثر عن الحلقة وما دار فيها
ويا ريت لو تقدر تجيب لينك لتحميل الحلقة
وشكرا جزيلا

Abdou Basha يقول...

الحلقة بتاعت وائل الإبراشي كان من حظي السيء اني شفتها .. حسيت بقهر رهيب بعدها خصوصا من العميد التافه اللي كان في الحلقة بيقولهم سيبوا البلد لو مش عاجباكم .

*~Daisy~* يقول...

amut wa3raf howwa eih elly me7'alleehom mota7'ayyeleen ennohom amma yegeebo seeret el 7ezb el watany el mafrood ne2ash3ar we neskot :S ????
eih ya3ny mabye3'latsh?????????????

غير معرف يقول...

Looking for information and found it at this great site... » »

غير معرف يقول...

Keep up the good work »