الأربعاء، يوليو 26، 2006

ولسه هنعيش وهنشوف

سعر البنزين 90 غلى وبقى ب130 قرش
و تذكرة المترو بقت بجنيه بدل 75 قرش
و الميكروبصات غليت
و تذاكر دخول طريق مصر اسكندرية كمان
وايه يعنى كله بيغلى واحنا زى ما احنا ايه يعنى كل واحد هيقول كلمتين وهيزعق وكأنه بيكلم نفسه ولا حد سامعه غير اللى زيه و هيمشى زى ما كل مرة الدنيا بتمشى
-------------------------------
كنت بتفرج على العاشرة مساءا انهاردة ولاقيتها جايبة محمد انور عصمت السادات والاخ بيعرض حله العبقرى بان احنا نكلم الكنيست ونطلب منهم يجوا جامعة الدول العربية ونتناقش فهما يقتنعوا وميضربوش ويكون مع حل السلام العادل الشامل بتاع كل مرة واللى ملوش فايدة وكله يعارض رأيه والناس تتكلم وتبعت ويقول اصلهم مش فاهمين قصدى ايه و مش واصلهم هدفه وبعدين تجيب معاه المحامى عصام الاسلامبولى ويقعد يفهمه برضه وعم السادات على رأيه برضه بس بصراحة عصام بهدله فى القعدة والسادات كان منظره وحش ومش عارف يتكلم و كمان قروا رد من مصطفى بكرى بعنوان دعوة مشبوهة على دعوة السادات طببعا للكنيست
اكيد السادات ده محتاج يكشف ويتعالج ولو ان احتمال كبير يكون حالة ميئوس منها


تقريبا انا اتجننت وسيطر على دماغى انه هيكون فى رد قوى وفعلى لما مصر هى اللى تتتضرب
ادعوا بقى يا اما انا اعقل يا اما.......... وسلام

هناك 5 تعليقات:

MAKSOFA يقول...

أنا لي تعليق أراة مختلفا كثيرا عما يراة غالبية المصريين ، فمقدمة البرنامج مني الشاذلي أسوأ مايكون في هذا البرناج لماذا ؟ اجيب يعتقد البعض انها محاورة جيدة والذي يتتبعها جيدا يعرف أنة لولا فريق الأعداد الضخم الذي يقف خلفها ما كانت ، وأرجو أن تقرأوا كم ملف يحتوية هذا البرنامج وعدد المعدين لتلك الملفات هناك ملف \أقتصادروأخر سياسي وأجتماعي وغيرها من الملفات والتقارير ، كذلك أذا لم تستمع جيدا لتعليمات المخرج والمعدين في أذنها فهي ترتبك وتخطأ وأدعوكم للتركيز قليلا فيما تفعلة ( تهرش كثيرا في كل جزء في وجهها ورقبتها وناقص حتت تانية من جسمها ، أيضا من دواعي الفهلوة تنظر كثيرا الي يدها وتقلبها يمينا ويسارا وهي تنظر لأظافرها ، لازم تبص تحت شوية وفوق شوية لحد مايسعفوها بالكلام الذي يجب أن تقولة في أذنها
ولكم بعض الأشياء علي سبيل المثال لا الحصر ذات مرة أستضافت حسب اللة الكفراوي فية حد في البلد دي مايعرفوش ، قالت بالحرف الواحد ومعنا وزير الأسكان الأسبق المهندس حسب اللة الكراوي ، وذات مرة تحدثت مع صاحب شركة سيراميك كليوا بترا علي أثر أرسال شحنةمن الفياجرا في كاراتين خاصة بشركتة من الأمارات وضبطها في المطار، هرت أمة تعليقات جنسية ( وعاملةنفسها بتختشي ) وقالت لة بالحرف الواحد سيراميك مخلوط بالفياجرا هاهاها طبعا حاتبلط بية اوضة النوم هاهاهاها وطبعا دا حاجة تبسط هاهاها
موش عارفة يعني الكلام دة
وتعالوا نري تمثلياتها أثناء تغطية أحداث العبارة خرجت علينا بكامل شياكتها وأناقتها وفول ميكب يمكن معمول عند علاء التونس بألوان مبهجة ، وبعدين فجأة هيء هيء هيء اقفل الكاميرا انا موش قادرة ، ياناس شوفوا مراسلات العربية الأن في لبنان وكيف يرتدون الأسود والألوان المحايدة وكيف هم شعورهن منكوشة ولايضعون المكياج علي خلقتهن رغم انهن يكن في الأيام العادية منتهي الجمال والشياكةوالأناقة
وأعرفوا أحنا لسة بدري علي الأعلام بتاعنا علشان يكون مقنع

Taher يقول...

محمد ياسر

أعتقد ان المنجى البطل الشهم الشجاع الذى سيأتى ومعه كل الخير (كما يريدوننا ان نعلم) جمال مبارك عندما يمسك الحكم ويقوم بزيادة المرتبات وتظبيط الدنيا اللى بتتخرب علشان يظبطها

بالنسبة لموضوع السادات هو عاوز يقلد عمه

هى فكرة كويسة بس الموضوع محتاج طريقة وصياغة معينة

Ahm@d M@her يقول...

والله لما يحصل ايه ....كله دلوقتي في نفسه ( أو الغالبية ) بيقول
أنا ومن بعدي الطوفان

لما يحصل حاجة كله هيبان علي حقيقته

أنا مش عارف ....هل في أمل فعلا ...ولا إحنا بس بنصبر بعض ؟؟؟


nice blog btw

karakib يقول...

ادعوكم لسماع مارسيل خليفه .....
كل العصافير التي لاحقت كفي علي باب المطار البعيد ... كل حقول القمح كل السجون كل القبور .. كل الحدود كل المناديل التي لوحت ... كل العيون ... كانت معي لكنهم ... قد اسقطوها من جواز السفر
اسقطوها من جواز السفر ...
(طبعا لازم تستمتعه بالمزيكا )
عار من اسمي من الانتماء في تربه ربيتها باليدين ايوب صاح اليوم ملء السماء ... لا تجعلوني عبره مرتين !!!
انتوك

غير معرف يقول...

Wonderful and informative web site. I used information from that site its great. Access bath chair hotel in wheel Adderall and xanax Dtk barcode reader sdk Facial steamer recipe laser acne treatments acne rosacea Online massage schools in sacramento pilates washing bras and panties Tgp tgp protonix smoker term life insurance quote kenwood car navigation system Accept online payments free