السبت، أغسطس 26، 2006

واحد من الناس وبلال فضل

على الرغم من انى دخلت الفيلم ده من فترة ومن ساعتها عايز اكتب عنه بس الظروف بقى المهم ادينى جيت
الفيلم كقصة واحد على قد حاله و حظه وقع مع الكبار وبقى فى موضوع انتقام منهم القصة تقريبا عادية ومش جديدة لكن السيناريو كان حلو و مشى من غير اخطاء و المهم ان القصة بتكلم عن زمنا ده واللى بيحصل فيه حتى لو كان مكرر بس جاى بطريقة حلوة و بالنسبة للممثلين فأنا شايف ان كريم يعتبر احسن ممثل حاليا فى مصر وكل مرة دوره حلو و منة شلبى بتتقدم فى ادوارها و محمود الجندى كنت مبسوط انه رجع يمثل تانى الراجل ده جميل و من خلال الفيلم بقى بما ان اللى كاتبه بلال فضل هتكلم عنه هو بقى الفيلم ده كان من افلامه الحلوة واللى هحبها ليه زى ما حبيت ابو على والباشا تلميذ و حرامية فى كى جى تو و مش فاكر بقى لكن فى افلام لبلال زى مثلا فيلم صايع بحر شوفته الفيلم ده كان عايز يقول فيه حاجة بس طلع ممل و معجبنيش الفيلم ده وفى افلام تانية غريبة بقى متعرفش بلال عملها ليه اصلا زى فيلم على سبايسى و حاحا وتفاحة وسيد العاطفى اللى ملقتش فيه قصة اساسا خالص وعلى الرغم من كتابته فى السينما اللى ساعات وساعات الا انه فى الدستور بقى حكاية كل كتباته جميلة و صفحته اكتر صفحة بحبها واقراها كلها و ربنا يوفقه فيها و بالنسبة لكتابه بنى بجم برضه كان عاجبنى معظمه اللى لسه مش عارف ليه بلال معملوش بقى انه زى ما بيكتب فى الدستور يكتب افلام جريئة كده و يبين اراء الشباب وحالتهم و يبين موقفه السياسى ويعمل افلام ليها قصة ومواضيع كده و يمشى برضه فى اللى بيمشى فيه فى افلامه ده و افلامه يمكن بيبقى فيها تلميح من بعيد زى واحد من الناس ناحية السياسة لكن انا اعرف انه مش خواف فيا ريت افلام واضحة بقى و موجهة

هناك 4 تعليقات:

NYC TAXI SHOTS يقول...

.

محمد ياسر يقول...

اول مرة ويمكن الاخيرة مجرد ما احط البوست الاقى رد انت بترد من قبلها؟؟ وبعدين ايه النقطة دى ناس تجيب الشلل صحيح

saso يقول...

احمد ربنا مرة باعمل بابلش وبابا حبيبي قاعد جنبي لقيت انونيموس عاوز قطع رقبتة داخل بيعمل اعلان عن سايت مؤدب ومحترم ويفرح كدةلا وبابا كان لابس نضارتة وشايف المصايب اللي مكتوبة
علي الاقل دة كاتب (.)سيبك نرجع لبلال فضل
اساسا من ساعة فيلم احمد حلمي وانا مش طايقاة
بس علشان بحب كريم دخلتة ما علينا من رايي فية .. كانوا ساعة ونص كويسين:)

*~Daisy~* يقول...

kan nefsy ashufo :(