الأربعاء، أغسطس 30، 2006

عم الكتكوت

مش ترحمنا وتهدى بقى يا عم الكتكوت محمد سعد انت!!
دخلت فيلم محمد سعد و احب ان اوضح غرض دخولى اولا وهو انى عامة احب دخول السينما نفسها حتى انى احيانا ادخلها ليس للفيلم الذى اريده فهذا اليوم ما وجدته كتكوت فدخلته مع بعض الاصدقاء المهم نعود لسعد انا مقتنع انه ممثل جيد ويستطيع عمل اشياء كثيرة لكن يجب عليه التغيير و يكفى تكرارا
الفيلم بدايته حوالى ربع ساعة عم الكتكوت عمال يتنطط ويرقص ويعمل حاجاته الغريبة دى لحد ما تمل و طول بقى ما انت شايف الفيلم مش هتشوف غير كتكوت اما الباقى مش مهم و شوية تلاقيه قاعد مع واحد عمال يصفر وينغم ببقه و شويه مرة تانية تلاقيه عمال يخبط
برجله على الارض و يمشى الفيلم كله تقريبا فى استعراضات مللنا منها صحيح هتضحك شويه فى الفيلم عشان بس محدش يقول انى مقلتش ان فى ضحك و على نهاية الفيلم بقى هتلاقى عم الكتكوت بقى وطنى وهيحمى المترو انه ينفجر وياخد القنابل ويرمى نفسه بيها فى النيل بعدها يطلع هو زى الجن و يخلص الفيلم على كده
ايه فى حاجة
اه باقى الممثلين اه هو كان فى غيره ممثلين اه ده هو كان عامل دور تانى والحمد لله كان يمكن يثبت برضه انه يقدر يعمل ادوار بعيد عن اللى بيكرره بس مفيش فايدة
اما بقى حسن حسنى فتقريبا كان ليه كلمتين هما اللى قالهم فى الفيلم غير كده مفيش اما هبة السيسى فالكلمتين حتى وفرتهم ومقالتش حاجة اعتبرها طيف عابر محستش بيه اصلا اما ادوار الاشرار فى الفيلم فمش فاكرهم اساسا بصراحة

ومع ذلك اعلى ايرادات طبعا محمد سعد و ما زال ينطلق!!!!!!!!!!!!!

هناك 3 تعليقات:

بحب مصر يقول...

عملت مدونة جديدة اسمها التغيير و ياريت تشرفنى بالزيارة و كل الموجدين عندك
http://taghier.blogspot.com/

محمد ياسر يقول...

حاضر انت تأمر يا سلام
هو حد قالك يا ابنى انى مندوب اعلانات و لا فاتحها عشان الناس تكتب اعلانات عن مدوناتها لو حد حب يدخلك هيدخل بنفسه من غير اعلانات سعادتك ده حتى لو كنت قلت تعليق بعدين اعلنت كان ماشى انما انت داخل تعلن بس!!وكمان الموجدين عندى هو شوال يا ابنى ادلق عندى وعايزنى اشيل منه وارمى عليك حبة
حسبى ربى

مـحـمـد مـفـيـد يقول...

الكتكوت مش هيسكت لحد ما تجيلوا انفلونزا الطيور وتشيلوا