الاثنين، سبتمبر 18، 2006

ادميتنا

رجعت الدراسة و الشغل والتعب وبقى فى مشروع و وركينج وابحاث من اولها ابتدى الشغل طيب دى ومتعودين عليها انما الجديد السنة دى بقى المواصلات حاجة تقرف زحاااام رهيب والناس تحس انها كترت اوى و المواصلات قلت وبقيت كل يوم اصحى من بدرى واطلع على الشارع الاقى كمية من الزحام الرهيب ومقدرش اركب حاجة فاقرر امشى وافضل امشى بالمسافات عشان اعرف اوصل مكان فاضى الاقى فيه مواصلات فاضية واركب و اوصل الكلية بالعافية كل يوم ولما اجى اروح يحصل نفس االحكاية و الاتوبيسات بيركبها ناس بالمئات و الناس تتزنق على السلم و ناس تبقى واقفة فى الهوا ماسكة فى حد بس وخلاص و المينى باصات نفس الموال و الميكروبصات الناس بتدخلها من الشبابيك عشان تركب من كتر الضغط اللى على الباب ومع كل ده كمان تلاقى السواقين بقى بيستغلوا الزحام ده وبيكبروا دماغهم عن الناس و يقصروا فى الطرق بدل ما تروح مكان على مرة يخلوها على مرتين وتدفع اجرتين فرص بقى واستغلال
نفسى اعرف بقى ازاى الناس ساكتة كده وكل يوم بيزيد زحام عن اللى بعده وادميتنا فقدت من زماان و بنتعامل ولا حتى زى الحيوانات ازاى الناس ساكتة ومستحملة و ازاى بتعيش جوه صفايح السالمون اللى بتنقلهم دى يا ناس اتكلمو مرة بقى اعترضو اعملو حاجة دوروا على حل لمشاكلنا دوروا على ادميتنا خلينا نرجع تانى بنى ادمين بقى

---------------------------------
كلام ملوش علاقة باللى فات
جرنان اخبار انهاردة قريت فيه ان السفير الافغانستانى بيقول ان مبارك افضل زعيم اسلامى فى العالم الاسلامى
ياااااااه هو العالم الاسلامى مفيهوش زعماء خالص كده ولا احنا عمى ومبنقدرش النعمة

هناك 3 تعليقات:

*~Daisy~* يقول...

:S ana ba2ool le nafsy beyet-hayya2ly :S
agda3 nas fel baladdy, sawwa2een el metro, yome ma te7sal ayy 7aga wa2fa bass fe zorhom shwayya, ye3melo edrab 3an el 3amal,
we fe3lan beywa22afo 7al el balad we kalamhom beyetseme3,
7atta sa3et el bent elly etsa7abet we et7'abatet bel metro, 3amalo edrab 3ashan zemelhom mayet2ezeesh...
el moshkela mesh fel not2, fel egtema3 wel ettefa2 3ala 7aga...

Geronimo يقول...

السفير الافغانستاني هو اللى عبيط
نياه نياه نيااااااهـ

الباشمهندزة يقول...

احنا بتوع عمارة خدنا ع كده اصلا البهدلة في كل حتة يعني جت ع المواصلات.... وعايزة اقولك اني بقف استني عربية فاضية بالايام قصدي بالساعات ويوم ما تيجي فاضية الاقي الغارة اشتغلت وتلاقي الناس هجوووووووووووووووووم واللي يغيظ بقي تلاقي ااولد اللي مع السواق بيقول فاضية والسواق نفسه مش لاقي مكان يقعد