الاثنين، أكتوبر 16، 2006

لازم اكون احسن منها!!! لييه؟؟

فى البوستات القادمة سيكون عن موضوعات و احداث اراها بعينى وهناك ما اعلق عليه وهناك ما اتمنى معرفة اراء بها طبعا ساتحدث بتعميم فلن اذكر اشخاصا
----------------------------------------

دايما بشوف المشكلة دى اذا حصلت لان فى كتير بيهربوا منها اصلا وفى ناس متجرؤش تفكر فى الموضوع اصلا المشكلة هى لو واحد بيحب واحدة وهى فى كلية احسن منه قمة يعنى
مثلا لما يكون واحد تجارة او خدمة اجتماعية و يحب واحدة دخلت طب او هندسة او حاسبات حتى (بتحصل وشفتها محدش يقولى ان محدش بيفكر فى واحدة اعلى منه صحيح فيه مبيفكروش بس كمان فى بيفكروا) تلاقى الدنيا كلها وقفت ادامهم و لو اتقدم اهلها طبعا يرفضوا ويقولوا ازاى و لا يمكن حتى لو البنت موافقة برضه لا و الناس كمان هتلاقيها تتكلم ازاى هى توافق على واحد فى كلية اقل و هو نفسه ممكن يعيش طول حياته وهو بيقول دى احسن منى

بس فى حاجات تانية بقى زى لو الواد كان غنى فخلاص بقى ممكن يقبلوه و ممكن لا برضه اذا كانت الشهادة عندهم اهم من كل شئ
و فى لو الولد اشتغل اى شغلانة سواء ليها علاقةة بدراسته دى ولا لا و كانت معيشاه كويس فده ممكن برضه يخلي اهلها يوافقوا بس لو فى منافس تانى مثلا ومهندس ولا حاجة فهو اكيد احسن و اولى ليهم

لاحظوا انى لما اتكلمت قلت على الاتنين كليات انما بقى لو خدنا التفكير مثلا لواحد صنايع نجار مثلا او كهربائى ولو فكر فى واحدة خريجة تجارة او تربية او اى شئ شوفوا هيتعامل ازاى

يا ترى بقى الموضوع ايه اللى فيه صح و ايه اللى ممكن وايه اللى مش ممكن ؟؟ ولو واحد حب واحدة كانت فى كلية احسن وهى كمان بتحبوا بس فى معارضة من اهلها مثلا يبقى مين عنده حق والواد و البنت يعملوا ايه؟؟

------------------
ملحوظة انا مش فى المشكلة محدش يفتكر ان عندى انا المشكلة دى انا بتكلم عن غيرى

هناك 5 تعليقات:

*~Daisy~* يقول...

howa e7na lamma doctor beyna22asna fel emte7an we howwa mesh 3aref ennena megawbeen fe a7'er el wara2a bene3mel eih ?
ya beneskot we nsebna le nasebna (salbeyya)
ya benroo7 we netfahem we neqne3, le7add ma el ragel yerda yefta7 el wara2a...

lazem yetkallemo we yetfamo ma3 el ahl.... le2ann el manteqy enn el ahl yerfodo 3ashan 7'ayfeen men 7aga mel etnein :
1-en el walad maye2darsh ye3ayyesh-ha fe mostawa kwayes (yesufo 7all)
2-en el walad ye7es enno a2all mel bent fa yetlakkek 3ala masakel yethbet beea solteto (fa akeed law el walad 3a2el teb2a el moshkela montaheya)
lazem yetkallemo...

Hafsa يقول...

المشكلة دي موجودة لان احنا لسه اقطاعيين في منطقة اللا وعي و بنقيس الانسان بقد ايه هو درس و عمل و خلافة مش قد ايه في تكافئ اجتماعي و ثقافي و توجهي

المقياس عندنا مختل
تحياتي

sahar يقول...

انا عندي في عيلتي واحدة بتعمل دكتوراه في الجامعة واتجوزت واحد معاه دبلوم انا شايفة ان حياتهم انتهت عندما بدأت وهي كمان بتقول انها مش مبسوطة مع جوزها وحاسة انها اعلي منه في المستوي وإنها اتكرمت عليه لما اتجوزته طب كان ليه من الاول ؟

محمد ياسر يقول...

اديكى قلتيها بنفسك كان ليه من الاول بقى حب ولا ايه؟

انا اعرف حد برضه افتكرته دلوقتى انتى فكرتينى هو معاه اعدادية واتجوز خريجة تربية و هى ماكنتش عارفة خدعها معرفش ازاى حصلت دى بس هما دلوقتى عايشين عادى وممشيين حالهم و ولادهم كبروا كمان

غير معرف يقول...

هى مشكلة شعب مصرى عامة .. يعنى لو حد حتى هيتجوز جواز صالونات بيكون شرط أساسى انها ماتكونش معاها مؤهل اعلى منه ... عامة الرجل الشرقى مش بيحب مراته تكون متفوقة عليه .. يعنى أعرف مثل 2 دكاترة أسنان كانوا متجوزين و هم الاتنين ذاكروا مع بعض جامد علشان الدكتوراة و فى الآخر ساعة الامتحان و لا مش عارفة إيه قالها ليه خليكى انتى قاعدة يعنى هتعملى بيها إيه ... لو حصل بقى ان واحد أساسا هو اللى حبها و هو عارف انها أعلى منه اجتماعيا حتى لو بنسبة بسيطة .. يبقى أكيد بيحاربوا الدنيا كلها و بيكون نادر أوى لو كملوا مع بعض ... لان زى ما حفصة قالت ده بقى شئ فى اللاوعى عندنا .. ان الولد لازم دائما و أبدا مؤهله الدراسى يكون أعلى من البنت ... و مش عارفة الكلام ده على أى أساس يعنى