السبت، أكتوبر 21، 2006

فطار المدونين اللى فات

هو محدش اتكلم عن الفطار ليه انا شوفت ملاقيتش حد ااتكلم و بعدين كان فى كمان صور فين ده كله؟؟

اتكلم انا بقى انا رحت متأخر عن الفطار يعنى وصلت ستة ومشيت قبل 8 للاسف عشان ظروف كده حصلت

المهم اول ما رحت وكنت انا ومايسة( مدونة برضه) و داخلين واحنا مقلقين منعرفش اى حد وشايفين كله قاعد حول طرابيزة كبيرة و احنا لسه على الباب وبنقول (قومى بينا نمشى) و بعدين وصلنا عندهم وبقول سلام عليكم و بدور على اى حد يمكن اقدر اعرفه فشفت مالك وانا عارفه من الصور رحت رايحله ومسلم عليه رحب بيه وقاللى روح الحق بقى الاكل وهما كانوا خلاص خلصوا فرحنا خدنا الاكل
و بعدين وزعوا ورق كل واحد يكتب اسم مدونته واسمه والايميل والتليفون كتبتهم واعتقد هيبقى فى تواصل بينا دايما بقى
و بعدين خلصنا رحنا سايبين الطرابيزة ولافين دايرة بالكراسى و الاول خلينا مجموعة عمل سوق الاسرة المكان اللى استضافنا يتكلموا عن تجربتهم وكان كلامهم حلو فعلا وسمعت فى الاخر سيرة ابراهيم ابو العيش وقريته و كنت هفتح فى الموضوع ده واسأل لكن كنت ماشى بقى خلاص لما جابوا سيرته بس مسيرى هسأل برضه نورا يونس بما انها بتشتغل فى السوق ده و بعدين قعدنا نتكلم شوية برضه ومالك كان دمه خفيف و ضحكنى

مبسوط انى عرفت الناس خصوصا اللى اتكلمت معاهم ولو كلمات بسيطة زى مالك و شرقاوى ورامى( ايوب المصرى) و صاحب مدونة صوت
و اللى متكلمتش معاهم نورا يونس و صاحب مدونة اى كلام و عمرو عزت وهكذا رضوى و ضاع عقلى ومش فاكر الباقى بقى الصراحة

اوحش حاجة انى ملحقتش اقعد فعلا ومشيت ملحقتش اكلم الناس وهما كمان كانوا بيقولولى عايزين نقعد معاك بس ظروف فعلا
معلش يا رامى ومالك وشرقاوى وكلكم تتعوض باذن الله

ااه كنا حوالى حاجة و 30 بمجموعة العمل اللى فى السوق كنت متصور العدد هيكون اكتر من كده !!

هناك 6 تعليقات:

sahar يقول...

يابختك ياعم انا ماشفتش غير خمسة بس منهم في حفلة لهيثم بس جايز لو كنت قلتلي كنت جيت انا بحب جو المدونين ده بحس اني لما بقرأ لحد كأني خلاص شفته وعرفته ولما بشوفه فعلاً بحس بألفة غريبة ربنا يديم الود

Noran يقول...

هو فعلا كان فطار أكتر من رائع ...و حكايه الصور الكتير أصبر يومين كده وأنت
تلاقيها على البلوجات

MAKSOFA يقول...

كل سنه وانت طيب
وبصحه وخير
ومصرنا الحبيبه بالف خير

محمد ياسر يقول...

خلاص يا سحر المرة الجاية لازم تيجى بقى
فعلا بكون سعيد انى شفت حد من المدونيين،
----------
نوران ادينى مستنى و نورتى
----------
و انتى طيبة يا مكسوفة وبالف خير

shoowbash يقول...

ياريتني كنت معاكم
ياريتني كنت معاكم
إهيء إهيء

تتعوض ان شاء الله

7arnkash يقول...

أذيك
عامل ايه
يارب تكون بخير
وانا والله كان نفسي نقعد اكتر ونتعرف اكتر

وده السبب من الفطار

لكن اكيد
هتتعوض
يلا
سي يو