السبت، نوفمبر 11، 2006

جريدة اخبار مبارك

جريدة اخبار اليوم عاملة انهاردة ملحق خاص و كاتبين اسمه مصر التى فى خاطرى و طبعا المقصود مصر مبارك و الملحق انهاردة مجانى و هو عبارة عن 12 صفحة للرئيس العظيم افضل رئيس فى الدنيا حسنى مبارك و حرمه احسن زوجة رئيس فى الدنيا برضه و كل الملحق صور ليهم هما الاتنين و جولتهم للصين و روسيا وغيرها و كلام بقى عن مجهودات الرئيس وحرمه اللى احنا مش مقدرنهم و حبة كلام بقى من ممتاز الكلب او القط كفاية عليه ينونو اللىسيادته دايما بياخده معاه و الحقيقة الكلب بيعمل الواجب وزيادة يروح ويرجع يمجد و يقول كل مجهودات الرئيس و كما يعمله ملحق لوحده و مظبطه صور
معنديش كلام تانى ومش عايز اغلط

هناك 9 تعليقات:

غير معرف يقول...

هو أنت لسه خايف تغلط؟! كده يا ابنى البوكس هايجى يلمنا دلوقتى
:)

manal

bluestone يقول...

ايه ده ملحق ببلاش .. طيب كويس خالص و12 صفحة كمان .. دي حاجة جميلة .. انا لازم اروح اشتريه .. الواحد برضه بيحتاج الورق في المطبخ واللي بيفضل بيتباع بالكيلو عند بتوع الروبابيكيا وانت عارف الجرايد القومية بتوزن

ابن مصر يقول...

انا عايز اعرف بس بيصورو سيادته ازاي ده شكله بقي يخوف قوي

غير معرف يقول...

حتى فى الجرايد جايب ملحق مش عارف ينج من اول دور
رئيس فاشل صحيح

كراكيب نـهـى مـحمود يقول...

يعني امرك غريب عايزهم يعملوا جريدة اخبار مين
مصر لا سمح الله

علاء الدين يقول...

اذا كان فيه قط فى الأخبار بينونو فده طبيعى لكن اللى مش محتمل الحمار الحصاوى والمنافق أبو وشين (بدون قفا) اللى أسمه عبد الله كمال والبغل التانى كرم جبر وهم جميعا لايعرفون الفرق بين الصحفى والمخبر.

Taher يقول...

هههههههههههههههههههههههههههههههه

اكيد طبعا بس انا ححاكم الناس دى فى ميدان عام 12 صفحة بس


اسمحلى ادعوك الى نبذ النكد يوم 17/11يوم بس فى السنة من غير نكد

محمد ياسر يقول...

مش فاهم اشمعنى يوم 17\11 فى ايه؟؟

غير معرف يقول...

دي صاحفه حره ياباشا ......ماينفعش الكلام ده ......يمكن لو الأستاذ ابراهيم عيسى عمله ملحق في الدستور يفرجوا عنه ويمسكوه الأهرام .......ياعيني على القلم اللي اتوسخ.......الا لو الألأخوين أمين لو شافوا الموضوع ده ممكن يحصلهم ايه