الثلاثاء، ديسمبر 05، 2006

قصة شخص

شخص حياته كلها طول ما بيصادف بنات بيبص عليهم كشكل وجسم بيتعامل معاهم على كده و بس مش كبنى ادمين و كل ما يشوف واحدة لازم يتكلم عليها ويكونله تعليق و ساعات وانت ماشى معاه ممكن تعليقه الى يقولهولك يكون دخل فى ادق التفاصيل و لو لومته او فهمته غلطه ده يا اما يحس و يسكت لكن بيرجع تانى يا اما يعمل زعلان لكنه بيرجع تانى برضه و دايما يحب يتعرف على اى بنت خصوصا لو حلوة وجامدة و غرض معرفته ده بيوصل لشيطانية بقى و طبعا للاسف بيلاقى كتيييير ممكن يتعرفوا عليه و يكلمهم و يحاول يطور العلاقة و فى اول العلاقات اللى عرفتها منه بنت محجبة اتعرف عليها و اتصاحبو و بدأ يطلب منها تجيله البيت و مع الحاحه البنت وافقت و بعدين جتله و بدأ الشيطان لعبته و عملوا كل حاجة المهم انها تفضل زى ما هى عذراء مفيهاش حاجة و المشكلة كمان بقى انهم حبوا يتصوروا وهما ملط كده و فعلا صوروا بعض و الالعن و الاكبر مصيبة انه يورى الصور بتاعتها لاصحابه و يتكلم فى الموضوع وهو مبسوط طب مش كفاية بتغلط غلطة زى دى كمان بتنشرها و كل اصحابه اللى يعرفوه عارفينه انه كده و بعدين بقى بقت البنت هى اللى بتجرى وراه و هو مطنشها خلاص بقى كفاية عليها اوى و هى زهقت ولقت غيره فخلاص و هو طبعا اكيد شاف غيرها وغيرها وغيرها و بقى مع كل واحدة يحب يستحمى معاها و كتير بعد كده بيجروا وراه و برضه مبيخبيش حاجة زى دى عن صحابه و يقولها وهو مبسوط جدا بالاستحمام مع اى واحدة
------
المشكلة هنا الولد ده هو كل واحد فيه مميزات وعيوب بس دى كوارث فيه مش عيوب والمشكلة يا ترى فى كام زيه كده و المشكلة التانية فى كام بنت بتكون مستسهلاها كده و اهم حاجة انها بتفضل عذراء بس وخلاص والمشكلة التالتة لو حد اتقدم لواحدة من دول و هو مش عارف بقى ولا عمره هيعرف تتعرف ازاى دى ؟؟ و المشكلة الرابعة ان الواحد يكون شايف الموضوع عادى انه يتقال كده مع انه المفروض ميتكلمش فى خالص ولا لاى حد لان فى حديث شريف بيقول (كل امتى معافى الا المجاهرون) و اتقالتله بس مبيتعلمش غير طبعا انه لازم يتووووب عن شئ زى ده

مشاكل و مصايب كتير....
ربنا يتوب علينا كلنا و يرحمنا

هناك 7 تعليقات:

غير معرف يقول...

كتير و كتير أوي .. كل واحد حر في حياته ان شالله يرمي نفسه من الدور ال30 هو حر و سيبه يتصور
يوما ما سيندم بشده علي ما فعل

غير معرف يقول...

لأ ..مش كل الشباب كده ..
أنا نفسى أشوفه عشان أموته..يمكن
يصحى ....ـ
يعيش الدنيا زى ما هو عايز بس مش يلعب بالناس كده

الدنيا مش هتسيبوا مبسوط كده كتير ..و هتخلى يندم ..
أكيد هيندم

محمد ياسر يقول...

اه يا كراكيب عندك حق و فى يوم هيندم اشد ندم

و يا نوران لا طبعا مش كل الشباب كده بس فى و ربنا يتوب عليهم لكن متعمميش النظرة على الشباب كلها ولا انا بعممها دى محدودة والحمد لله

غير معرف يقول...

انت جميل قوى يا ياسر والله
عارف ليه جميل؟
عشان مندهش
مع ان اللى انت بتقوله ده عادى جدا
انا بقا اللى مندهش عشان انت مندهش من حاجات مابقتش مثيرة للدهشة
يعنى كده كلنا اتدهشنا
زى الدهاشنه بتوع الصعيد

غير معرف يقول...

والله يا محمد ربنا يتوب علينا فعلا

هما بصراحة الاتنين عايزين يولعوا بجاز!!! أقول ايه بس؟.. ربنا يهدى الجميع!!

طب واحنا يا جماعة بقى دورنا ايه من ده كله؟... نقف نتفرج؟

manal

Taher يقول...

لا تعليق

لو تسمح وكان عندك وقت
ياريت تبعتلى اغانى وجيه عزيز

محمد ياسر يقول...

عادل سلامة
لا ده مش عادى ولا جدا ولا المفروض ناخده او نسمعه ونتقبله عادى كدا
وانت دمك خفيف و تحفة

منال
طب اقترحى لو عندك حلول انا قلت النصيحة اذا كانت بتنفع

طاهر
هبعتهملك باذن الله معلش على التأخير مكنش عندى نت