الأربعاء، يناير 03، 2007

احساس السنة الجديدة 2007

فى وقت عدى سنة كاملة عدت مش فاكر حاجات كتير فيها حصلت اكيد لما ارجع لبوستاتى بفتكر حاجات كتير لكن دلوقتى كل اللى فى دماغى ان اللى فرق انى بقيت من سنة تانية لتالتة عمارة بس مش فارق لسه طالب برضه يعنى
(يا رب اخلص بقى)
شايف الدنيا زى ما هى مش عارف ايه اللى تغير احنا زى ما احنا و الناس هى الناس و مصر هى مصر متغيرتش و لا اتحسن فيها حاجة يمكن ساءت كمان
سنة جديدة دخلنا فيها متوقعش فيها تغيير كبير او بسيط حتى
على المستوى الشخصى هكون لسه طالب زى ما انا
بكبر وبقرب اخلص (ده الحلو) لكن مش هيحصل حاجة تانى
مش عارف يعنى هو المفروض ايه اللى يحصل يعنى؟؟ شئ غريب
على مستوى الدنيا بقى لا اتوقع لمصر شئ لكن لسه امل برضه لان ربنااااااااا كبييييييير
طبيعتى مش متشائم لكنى بحالات ساعات اكون محبط و ساعات اكون مبسوط بتغير دايما

كل سنة واحنا زى ما احنا ما دام لسه محصلش مننا اللى يغيرنا ويغير الدنيا

هناك 3 تعليقات:

smraa alnil يقول...

احساس السنة دي
احساس غريب
احساس باغربة والحزن
غربة حتي جوايا
حسة اني مش اعرفني
حسة اني مجهولة
حسة اني قادرة اقاوم
بس انا مش جاية هنا عشان اكئبك
اكيد في خير واكيد بكرة احلي
بس اكيد لو قلنا يارب من جوانا اوي
وان شاء الله تخلص السنة دي علي خير

غير معرف يقول...

معظمنا عندنا الاحساس ده خصوصا ان مستقبل مصر شديد الابهام و الغموض و مش عارفين له اول من آخر بس فيه ناس لسه عندها امل فى مستقبل احسن
السياسى الصغير
littlepolitician@hotmail.com
احد مدونو مدونة الفرسان
forsan21.blogspot.com

مُزمُز يقول...

سيبك إنت بس الجملة اللي ف الآخر دي عبقرية وبتلخص كل حاجة

كل سنة واحنا زى ما احنا ما دام لسه محصلش مننا اللى يغيرنا ويغير الدنيا

برافو عليك بجد هو ده الكلام إذا كنا احنا معملناش أي حاجة عشان يحصل تغيير ليه بنتمنى يحصل تغيير

أشكرك على اللينك
وكل سنة وانت طيب
تحياتي