الخميس، فبراير 01، 2007

فيروز كراوية جميييلة بجد

لاول مرة اروح حفلة لفيروز كراوية كان انهاردة فى الساقية كنت بسمع عنها بس لكنى تحمست انهاردة ورحت والحمد لله انى رحت كانت رااائعة
فيروز صوتها رائع اوى اول ما سمعته مصدقتوش بجد مفيش اجمل من ده صوت حسيت انه مش طالع منها مش قصدى اقلل منها لكن من جماله اوى كأنه متسجل مثلا و فى حركات تعديل الصوت دى لكنه طلع طبيعى و جمييل والاداء كان جميل وعندها قدرات طبقات صوت متعددة اعلى واقل و هادى
فيروز عندها فرقة حلوة اوى بقيادة عمرو جاهين (عود)اجمد واحد فيهم ومحمد عبد الله (بيانو)جامد و محمد درويش (اليكتريك جيتار)و محمد يوسف (كى بورد) مكنش باين و احمد عادل (كمان)جاامد و مايكل عاطف (بيز جيتار) و شريف كمال و هانى سيكا(بركشن) واحمد هشام (درامز)
فيروز دخلت باغنية (القهوة) والاغنية حلوة اوى كلمات احمد حداد والحان شريف الوسيمى
وبعدها غنت (لوحدك)تأليف فيروز كراوية والحان عمر الرخاوى
التالتة كانت (مقدرش انسى البشر)كلام صلاح جاهين والحان سولى
بعدها اغنية (باعدى الشارع) لعمر طاهر والحان عمرو جاهين
الخامسة (باقى ايه) اياد ابو بكر ومحمد عبد الله
السادسة (تسابيح) احمد الفخرانى
السابعة(على بالك) احمد الفخرانى وعمرو جاهين
الثامنة (انت ما بتضحكش ليه) محمود عزت والحان فيروز كراوية
التاسعة (دمك تقيل) احمد حداد ومحمد رمزى
دمك تقيل كلامك قليل وفى حبك بخيل دايما مطنش بصراحة دمك تقيل تعالى بالضحكة نضيع وقت ممل تعزمنى على السيما نقضى وقت جميل اصل الكلام راحة بصراحة دمك تقيلكلمنى فى التليفون قلى كلام فاضى انا عايزة حب جنون ليه انت مش راضى ...
العاشرة (جربت) تامر فتحى وعمر الرخاوى
جربت تصحى لوحدك تمشى لوحدك فى قلب الشارع ناس كتير .....
ال11 (عاشق قليل البخت) لاحمد الفخرانى وعمرو جاهين
بتقول عاشق قليل البخت فى ايده ورد و فى جسمه رعشة برد وفى قلبه قلب وحيد وحلم طاير بعيد ....
الاخيرة كانت (بنات يا بنات) كلمات كوثر مصطفى والحان اكرم مراد
وبتقول بنات بنات يا بنات هو احنا ليه بحالات فينا حاجات تتحب وحاجات تجن ساعات ... من غير ما تحصل حاجة يدق دايما قلبى من غير ما بعمل حاجة بلاقينى عايزة اخبى بخبى ليه و بدارى ايه.. ايه السبب.. قلة ادب ....بسرح كتير و اكدب كتير ........معرفش ليه بعمل كده
الحقيقة حاولت اكتب الكلام اللى افتكرته من الاغانى او اللى سجلتها مقاطع صغيرة نظرا لموبايلى المتواضع
كلمات الاغانى تحسها كلها قريبة منك و تحسها اوى كلام تحبه اول ما تسمعه
الالحان كلها جميلة بجد مش عارف اقول غير كده
كان نفسى لو اقدر اسجل الحفلة كلها فعلا
عجبنى فيروز كل اغنية بعد ما تقولها بتقول اللى كاتب و اللى ملحن مع ان كان فى ورقة بتتوزع علينا مكتوب فيها بس هى برضه كانت بتقول فى الورقة كان مكتوب الموقع بتاعها
و لما روحت دخلته على طول هو مفيهوش اغانى لكن فيه شوية حاجات تخليك تعرف قد ايه فيروز دى جميلة بجد ومتعددة المواهب لانك هتدخل تقرا ليها بتكتب مقالات وحاجات تانية غير تأليفها لاغانى او الحان غير الغنا طبعا
و فى اول كتابتها بعنوان منولوجات رجولية
اللى كانت بتتكلم فيها عن 8 مونولوجات عن الرجال بالطبع
و بعدها مقال اسمه رسالة
ثم مقال رسالة 2 واسمه هل اختار الغياب؟
بعده مقال اسمه ايمن نور .. تامر حسنى ...المجرم والنجم
مقال جميل يا فيروز
ثم مقال نحو بطل بلا بطولة
واخيرا سيناريو فيلم صباح الفل
اللى كان مشروع تخرج شريف البندارى وتمثيل هند صبرى بجد كل مقالاتك وكتابتك وصوتك وادائك تحفة
موقع فيروز كراوية واللى فيه كتاباتها

http://fayrouzkarawya.com/?language=english

هناك 15 تعليقًا:

Hamed Ibrahim يقول...

نفسي أحضرلها حفلة
بس دايما ما بعرفش إنها عملت حفلة !

Noran يقول...

هى حلوه جدا .....زى ما وصفتها تماما .....بس محدش عنده أغانيها ...ولا حد يعرف ههى نزلت سى دى ولا لأ ؟؟..أنا دورت على النت ملقاتش أغانى ليها ....عنك ؟

أصلى كل ما أحب أسمع لها ...بغنيلها بس

محمد ياسر يقول...

حامد ابراهيم
ان شاء الله تعرف و تروح
وانا لو عرفت هبقى اقولك على مدونتك

نوراان
اه فعلا انا سألتها قالت مفيش

محمد ياسر يقول...

حفلة فيروز فى مسرح الهناجر فى الاوبرا يوم26 فبراير

غير معرف يقول...

هنا أغنية القهوة

http://mabadali.blogspot.com/2007/02/blog-post_23.html

ALiaa يقول...

بصراحة ماحسيتش ان صوتها بالجمال دا كله..... و كانت بتنشز كتير.... بس عجبني اهتمامها بتقديم فن مختلف و محترم

محمد ياسر يقول...

علياء
معرفش بس صوتها عجبنى اوى وشدنى وانا شايفه جميل حكاية بتنشز دى مخدتش بالى منها يمكن لانى مفهمش كتير فى الاداء والنشاز بس اللى متأكد منه انه كان ادائها حلو وعاجبنى وملاحظتش فى حتة خرجت من الاغنية
اه الاخيرة دى متفقين عليها

إبـراهيم ... معـايــا يقول...

بتنشز ؟؟؟ ، :) كبيرة دي شويتين ، ، بـــس هيا حلوة ،مع إنها مش رائعة ، يمكن أكيد يعني عجبني أكثر إنها بتغني للناس دي ،،،، ممممممممم ، ليه بقى ، لأني مثلاً لو قارنتها بفاطمة ثابت (بنت الحياة) هيبقى حراام !!!
ــــــــــــــــــ

شكرًا يا محمد ، وعلى فكرة أنا بقالي فترة عاوز أكتب عنها !


قول يا هادي


تحياااااااتي

بالنسبة لنوران ، أنا إن شاااااء الله يعني هبقى أنزل حاجات عندي ع المدونة من أغنيها

بعد إذنها طبعًا

Amr Ahmed يقول...

انا حضرت الحفلة
صوتها فعلا روعة

وكلمات الاغاني تحفة

علي فكرة دي تاني مرة نكون مع بعض انا وانت في مكان بالصدفة
المرة الاولي في ازهر بارك ساعة حفلة الفلانتين
والتانية يوم فيروز

تحياتي

محمد ياسر يقول...

ابراهيم معايا
اه انا معاك شايف انها حلوة وبتغنى اغانى جميلة وان شاء الله تكتب عنها

عمرو احمد
يبقى لازم المرة التالتة باذن الله نتعرف يا عمرو

ALiaa يقول...

أنا رحت الحفلة دي
بصراحة معجبنيش صوتها أوي.... بس حبيت الجيتاريست و الكمنجي.... و اللي اتمزجت بألحانها بقي هي عاشق قليل البخت

محمد ياسر يقول...

اووك يا علياء اختلاف الاراء لا يفسد للود قضية

تحياتى وزورينى دايما

lonlysmily يقول...

فيروز كراويه من اسمها هتحسسك بفيروز لبنان
وفيروز كراويه...هى فيروز مصر
صوتها طبيعى جدا طالع منها اوى تحسسك ان فى حد لسه صوته مصرى مش صوت متغرب جوه بلده
للاسف محضرتش الحفله بس عندى الحفله متسجله كلها
بفرح اوى اما الاقى فى ناس لسه بتسمع كويس وعندها زوق فى الاختيار:)

t3ban يقول...

انا بعشق البني ادمة دي
القهوة
يا ريت لما يكونلها حفلة في الأسكندرية تقولو

غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室