الأربعاء، فبراير 21، 2007

و بعدين فى الوقت ده

حاجة وحشة اوى الوقت ده عمره ما خلانى مرتاح دايما عندى نظام الدراسة كله مشاريع وابحاث اطلع من واحد ادخل فى التانى ودايما لازم اتزنق فيهم او فى لوحة اسلمها واقعد اسهر عليها عشان الوقت و الحق اخلص
او يوم احب اخرج فيه و اقابل اصحابى والاقى المعاد ضارب مع حاجة تانية فمقدرش او احب اروح حفلة و الوقت برضه يطلع مش نافع
حتى و انا قاعد فى البيت كده عندى كتب كتييير من المعرض اللى فات واللى قبله و لسه متقرتش نفسى اقراهم اوى بس فين الوقت
كمان الكتابة ساعات بكون محتاج ابقى رايق كده و رامى كل حاجة ورا ضهرى لكن يفضل برضه الوقت و حاجات كتير تشغل
الاهل كمان ساعات ممكن يكلمونى فى معاد رجوعى صحيح كتير بقيت بعودهم بس لسه برضه لازم يتكلمو
حتى الصلاه بتفوت كتير منها و امتى مفوتهاش بقى حجج فاضية انا فيها يا رب سااامح و اهدي
الوقت دايما بيجرى و بيضيع مش عارف بلحق منه ايه وفاتنى اد ايه

هناك 8 تعليقات:

"*~Daisy~*" يقول...

la el sala belzat lazem teftekerha...
sally koll 7aga f wa2taha w heyya matfotaksh

mano يقول...

المشكله فعلا
اننا مش بنظم وقتنا صح
انا ساعات بلاقى 100 حاجه ورايا
مع انى ساعات كتير برضه بكون فاضيه

متغيرة شوية يقول...

اللي بتقوله ده يخنق فعلا
بس تعالى نفكر فيها كده ، يعني انت فاضلك سنة ونص وتخلص من الكلية وتبقى مهخندس قد الدنيا يا عم
كل ما انت بتتعب كل ما هتلاقي مستقبل قدامك بعدين ، يستحيل هتعرف تعمل كل اللي نفسك فيه..حاول بس تبقى راضي

الوردة السوداء يقول...

ممممممممممم

انا برده كدة ببقى مقررة حاجات كتير
ومش بعملها

دور على حل لينا احنا الاتنين

محمد ياسر يقول...

ديزى
يا رب يا نهال احافظ عليها
شكرا

مانو
فعلا عندك حق وانا زيك كده

متغيرة شوية
الى حد ما بكون راضى والحمد لله بس لسه كتير برضه

الوردة السودة
يا رب نلاقى حل و انا لو لقيت هقولك
نورتينى واتمنى زيارتك دايما

fares يقول...

هي مشكله طبعا بس هنعمل ايه بس وعلي فكره انتا اسلوبك جامد اوي وعاجبني وياريت تبقي تكتبلي

albida يقول...

والله أنا مقدرش أديك نصيحة فى الموضوع ده لأن كلنا هذا الرجل
:)

أنا دايما الوقت بيضيع منى وبفشل فشل زريع فى عمل أى نوع من أنواع الجداول لأنها بتقيدنى وأنا مبحبش كده

أهم حاجة الوقت يمر عليك وأنت بتعمل حاجة, فاهمنى؟


manal

محمد ياسر يقول...

فارس
ربنا يخليك وان شاء الله ازورك ويا رب نلاقى حل

البيدا
ربنا يلهمنا بنصيحة وحل بقى وفاهمك طبعا
شكرا