الجمعة، أبريل 13، 2007

الحب ايه؟

خلينا نتكلم جد شوية عن الحب و اذا كنت بتشوفه حواليك هو ده فعلا الحب ولا مش هو ؟ انا بتكلم عن حب حبيب لحبيبة مش لاصدقاء او وطن او غيره ،الحب ده بتعرفه ازاى وبيكون فعلا موجود ازاى و تصدقه ازاى ؟
انا اللى بشوفه هو مجرد تعلق بان الواحد يشوف (اللى المفروض) حبيبته دى كتير و يقابلها دايما و يقضوها خروجات و فى الاوقات اللى ميتقابلوش فيها يبقى فى تليفونات كتييير و مش عارف الكلام بيكون فى ايه عشان يفضلوا كتير كده فى الكلام
هل هو فعلا كده الحب انى اتعلق بواحدة وتتعلق بيا ونفضل كل يوم نكلم بعض و نتقابل و هل برضه الحب ان حياتنا تبقى واحدة بحيث ان كل طرف يعرف التانى راح فين وجاى منين وبيقابل مين و هكذا؟؟
ولا الحب حاجة تانية انا مش عارفها ؟
اللى عارف يفيد بقى اتكلموووووو

--------------
للاعلان حفلة وجيه عزيز يوم18\4 الاربعاء الساعة 8 ونص فى وكالة الغورى بالحسين شارع المعز لدين الله
http://www.wagihaziz.com/
للى ميعرفش وجيه يدخل موقعه و فى بعض الاغانى

هناك 12 تعليقًا:

ALEXANDER يقول...

حد يسأل عن الحب فى زمن المنلوجات و الاوهام تفتكر حد فاضى اليمين دول ولو حتى حصل فين تلاقى الحب بمعناه القديم مش هقلق مفيش بس بجد نادرا ميحصل و أن حصل لازم يتخنق ويموت لانه ببساطه الدنيا أتملت ملوثات خلاص العقبات كترت والكبايه أتملت لأخرها
بس لو بدور على معناه الحقيقى.......
يبقى هو الحب الاول ده الحب بمعناه بلوعته بفراقه بمرارت غياب الحبيب مختصر الكلام معنى الحب فى التجديد مش تجديد الحبيب لا تجديد الحياه بالحب
مش تليفونات وكزينهات وشكرا............

shabfa2re يقول...

معظم تجارب الحب اللى بنشوفها دى واسامة منير والكلام ده
حب فضول حب وليس حب حقيقى

احمد عبد الهادي يقول...

ياسيدي
الحاجه اللي تفرحك في الايام دي حبها
ويبقي هوه ده الحب الحقيقي
اهم حاجه انك تحسها اوي
لو اتولد عندم احساس حلو اتجاه اي حاجه يبقي هوه ده الحب
حاكم احني الايام دي مبقناش نحس
لا مؤاخذه ياعني
ومتعوئش في الرد والنبي
ههههههههههه

أخف دم يقول...

ازيك يا محمد
الحب لو كان له تعريف مكنش بقى له طعم ولا روح لأنه ساعتها هيفقد أحلى ما فيه وانه مالوش هوية ولا ملامح ولا مبادئ
يكفى انك تحس ان حياتك كلها متعلقة بهذا الشخص ومش شرط الموبايلات والمقابلات .. دى حاجة من عند ربنا .. والناس كانوا بيحبوا قبل موبينيل وفودافون اساسا..
ربنا يملا قلوبنا بالحب يارب
تحياتى وبالتوفيق

sara يقول...

الحب وفاء واخلاص متبادل

إيما يقول...

الحب هو أعلي مراحل الاستعمار العاطفي!! لأنك حين تحب تستعمرك حبيبتك..وتحتل قلبك وأراضيك وتلغي استقلالك الشخصي.. وتمحو نشيدك الوطني، ونحرمك من حق التمثيل الدبلوماسي المنفرد لدي الأشخاص، والأسر، والأصدقاء..
والفارق الوحيد بين استعمار الشعوب واستعمار القلوب هو أن الأخير هو الاستعمار الوحيد الذي لا يكافح أحد لطرده وتحرير"التراب" منه.. بل علي العكس يكون الجهاد"الوطني" فيه لإطالته ومد أجله إلي أقسي حد ممكن..

ده جزء من بوست كنت نقلته من خواطر للمبدع عبد الوهاب مطاوع..من خواطر اسمها الحب أعلي مراحل الاستعمار..
يا تري ده ينفع إجابة لسؤالك

غير معرف يقول...

الحب الحقيقي اللي بتتكلمه عنه لو عاوزين فعلا تعرفه ايه هو يبقي بجد اسمعو كلامي وابقو ردو عليه الحب الحقيقي مش معناه انك تقول كلمه بحبك لا معناه انك تحس كلمه بحبك واللي بيحب بجد ممكن يضحي بحبه في سبيل اسعاد اللي بتحبه وكمان مش كده بس ده كمان انك تخاف عليه وتخاف من الهوا كمان يعني تخاف عليه من اقل حاجة وانك تحس بيه لما يكون زعلان وهو كمان لازم يبادلك نفس الاحساس او الشعور وكمان لو بيحبك بجد هيخاف عليك وعلي مستقبلك وهيخاف عليك من عقاب يوم الدين هيحسك علي طاعه ربك اي كانت ديانتك وكمان الحب الحقيقي ملهوش ميعاد مش بتكون انت مخططله ولا عارف معاده بس هو بيكون قدر انك تحب الانسان ده ومش شرط انو يكون شريك حياتك بس اسمه حبي الحقيقي ويا ريت تردو علي كلامي مستنيه ردودكم و بجد انا فرحانه اني شاركت معاكم ويا رب يعجبكم كلامي

البسمه الحزين يقول...

الحب هو ان تجد انسان يشعر بك وتشعر به حتي لا ياتي اليوم الذي تظلمه او يظلمك نفسي في حد يحس بي وباحزلني وافراحي ويشزكني كل لحظه من عمري لان يشعر بالحب الا من احب كل الناس وليس شخص واحد فالحب يبدء من حب كل الناس حتي يجتمع في انسان واحد وان تعطي كل الناس حب حتي تستطيع ان تعطي من احببت

غير معرف يقول...

الحب معناه كبير بس ما بقاش حد بيقدر الحب ما بقاش في امان ممكن تعطي الثقه لحبيبك وفي الاخر يطلع مش ادها بس مهما كان الحب احساس حلو اوي بس اللي بيعيش الحب الاول والحب الاول احلي حاجه بجد القلب يحس بيها بس الحب ما هو الا اخلاص ووفاء وفي نفس الوقت التزام وتملك
دينا

ملكة الاحزان يقول...

الحب تسالية ما فيش حب وا ال يعرف منعني يبقي اهو مش فاهم معني الحب اصلا عمر ما شفت الحب الحقيقي

غير معرف يقول...

ما فيش حب ول عرف معني الحب يبقي اهو اكتر واحد ما يعرفش معني الحب انا عمر ما شفت معني الحب خلاص ما فيش حب حقيقي انا ؟ملكة الاحزان

غير معرف يقول...

ما فيش حب