الأحد، أبريل 22، 2007

مستر زفت ايجيبت

اولا البوست ده انا بكتبه و وصلتله كده من غيرماوس لانه مش راضى يشتغل معرفش غضب عليا ولا ايه بس انا برضه شغال بالكيبورد لحد ما اجيب ماوس تانى مع ان الحياه صعبة من غيره لكن اقدر اعيشها برضه بالعند فيه ههههههههههه
للاسف بقلب كده فى التلفزيون جت قناه مزيكا او ميلودى تقريبا فلقيت مستر ايجيبت مسابقة متخلفة كعادة المسابقات دى و كل واحد من المتسابقين عامل جسمه بقى بدى بلدينج و عامل فيها الرياضى عشان يكون الشاب الجامد و معظمهم طلبة جامعات وشغل سياحة بس معظمهم فاشلين و عايدين بالسنين بقى وحاجات كده مع ان شكلهم بوابين او صنايعية ملبسينهم كويس بس، على الاقل البوابين والصنايعية رجالة عن دول، و المذيعة تخلى كل واحد ادامه بنت جامدة ياخد منها ورقة فيها سؤال من انواع الدافع انك تكون مستر ايجيبت او قول مثال للظلم حاليا او حدث اثر فى العالم قريب و هكذا و بتيجى الاجابات السطحية والعامة اللى متاخدش منها بحاجة ولا تحس ان واحد فيهم بيفكر هو هبل و خلاص
و فى الاخر فاز مش عارف مين و هو بقى مستر مصر ابو شعر طويل و هايف زيهم كلهم
يااا سلااااااام هو ده بقى مستر مصر و رجل مصر و نعم المثل و القدوة و اللى هيشرفنا اكيد معرفش بايه بس هيشرف مصر اكيد
اذا كان دول رجالة مصر فيا خسارة على الرجالة و اكيد اكيد انا متأكد ان مفيش راجل بمعنى راجل فعلا هيفكر انه يخش مسابقة زى دى

هناك 17 تعليقًا:

The Alien يقول...

مستر إيجبت
إلا هو ده إختراع مصري ولا مستورد؟

الشباب بقوا حاجة تفرح
والهيافة والترتر هما السمة المميزة لشباب البلد
بس إنت الغلطان
إيه يخليك تتفرج علي القنوات دي
هاتلك ماوس وأقعد ع الكمبيوتر وبلاش كلام فارغ

أتمني نتقابل قريب
تحياتي

ملكة يقول...

ماتوا في الحرب

بقولها من زمان ومحدش مصدقني
طب ناقص ايه تاني؟؟

احمد عبد الهادي يقول...

ياعم ياعني اللي مزعلك انهم دخلو ولا ان الاخ ده كسب
وبعدين انت بتسال علي الرجاله في زمن بقت الرجاله فيها كلها سعد الصغير

الله طب احنا كرجاله ممكن نتفرج علي مس ايجيبت ومش ممكن نتفرج ع المستر ..... صح
طب راي البنات ايه بقي ..... ممكن يتفرجوا علي المستر ولا ايه .... ؟

sara يقول...

بصراحه هما مطلعوش من مصر لا مس ايجيبت عدله ولا مستر ايجيبت عدل لحد الوقتى ومش عارفه سر ده ايه .. بيطلعوا ازاى اممكن بقى كووووسه . فجل . فقوس متفهمش البلد خالص
والغريبه انهم يقولوا هما دول رجالة مصر ده لو صحيح كلامهم يبقى اقرى الفاتحه بقى عليهم

إيما يقول...

عادي..متخدش في بالك..عمر ما مستر ايجيبت بمقياسهم هيعبر عن الرجل الحقيقي زي ما عمر ما ميس ايجيبت عبرت عن البنت أو الست المصرية بجد..دي حاجات للاستهلاك والهيافة وبس
تحياتي

mohamed يقول...

يا عم زيزو هو انت مش من البلد دي ولا ايه دي عالم تافهه و عالم بتستعبط يعني مستر ايجيبت و السؤال
هل كان ليهم عرض مايوهات هما كمان ولا لا
اتكسفوا يا عيني اصل عيب راجل يطلع بمايوه بلا وحع قلب و بعدين مستر ايجيبت ايه اللي بيدوروا عليه والنبي شكلي ايه وانا طالع اعرض سحنتي علي الناس ياراجل بلا مسخره

مش فاهم حاجة يقول...

هما دول رجالة الترتر

وحزمنى يا معلم

واللة فى كلمة بحبها اوى


معدتش تفرق سينا من سونيا
طيب يعملوا تكريم للاوائل فى الكليات
ويحفزوهم بالعمل للبلد
بدل ما بيهربوا برة
وهما بيلعنوا فى البلد واللى فيها

"*~Daisy~*" يقول...

lessa 7anshuf hayafa aktar...

Yosif يقول...

تحياتي يا محمد
عديت عليك قبل كده لو تفتكر..لا مش دول شباب مصر يا محمد .. و ماشفتش البرنامج.. لكنه طبعا صنعة من صناعات الزمن المنيل .. زمن الفضاء والتكنولوجيا و الرسايل والفلوس والهلس.. واحنا بنشارك في صنعه بالمشاركة او التجاوب معه او الرفض السلبي..لكن كل السخافات دي مش مفروض تلفت انتباهك او تعصبك ابدا .. لان اللي عمل الحاجات دي هو غياب شباب مصر ورجالها اللي بتسال عنهم..الناس دي لسه موجودة لكن زيهم زي حاجات كويسة كتير محتاجين تنفيض وصحصحة و فوقان و مسح لاطنان من تراب العدم والركود و الفتور و الموت .. ازاي وامتي الله اعلم .. لكن صدقني كل سخافات الفضاء ماتستاهلش ذرة من الغضب لان زي ما قلت احنا البداية .. دور علينا يا محمد و ماتزعلش من مسلسلات الهلس التي لا تنتهي ولن تنتهي.. لك خالص تحياتي

عطشان يقول...

انت ازاى جالك قلب تتفرج على المسابقه ... انا كنت بشوف الإعلان ببقى عايز اكسر الشاشه كفايه منظرهم عاملين زى ما احمد ادم بيقول بابى و مامى و اخواتى بيأكلوا مربى يوماتى :)

محمد ياسر يقول...

the alien
طبعا مستورد
عندك حق اعمل ايه بقى الصدف اللى بتجيببنى للحاجات دى
اكيد هاعد على الجهاز افضل
منورنى

ملكة
لا لسه ناقص شوية رجالة بجد

عبد الهادى
مش عارف متهيألى ان لا ده ولا ده طبعا حلو ولازم نخلص من الرجالة اللى بقوا كلهم سعد الصغير دول

سارة
اهو اى حد بيطلعوه وخلاص بس اصلا الفكرة للمسابقات اصلا دى هل مقبولة؟؟
منورانى و زورينى دايما

ايما
صح كلامك تمام
منورة

محمد ياسر يقول...

محمد
طب وبعدين ما لازم نخلص من العالم التافهة وبتستعبط دى

مش فاهم حاجة
اه فعلا اى حاجة مفيدة يعنى مش الهبل ده

daisy
اه مهو ده اللى ماشى فى البلد
الاتجاه نحو هيافة اكتر

يوسف
اه فاكر انك عديت و يا رب دايما
فعلا هما ميستحقوش انى اغضب
واللى محتاجين فوقان دول يا رب يحصل بقى
منورنى

عطشان
اهو بقلب لقيتهم بالصدفة فقلت اشوف ايه اللى بيحصل
بس خلاص اول واخر مرة مش ناقصة قرف

تحياتى

البتاع يقول...

يادودو ياحبيبى هما دول رجالة مصر
ده واقعنا
عاوزهم يستوردولك رجاله من المانيا يعنى؟؟؟
ثم ان كان ممكن مستوى المسابقة يرتفع لو كان المطلوب اكبر ضريبة حشيش ونفخ عضلات فى مصر
كده تبقى اوقع وحتلاقى المسابقة احلوت والجو سخن

هههههههههه
ثم ان انت مشفتش عار ميس ايجيبت؟؟
هو ده العار اللى بجد
نصهم خارج من شقق دعارة والنص التانى داخلها قريب
...
وسلم لى على مصر المحروسة



الا صحيح اخبار الماوس ايه؟؟
قام بالسلامة؟

أخف دم يقول...

يا عم محمد ما انت اخترت القناة الغلط اساسا .. يعنى قنوات ميلودى ومزيكا هتجيب إيه غير دول ؟؟ هما دول واجهة مصر ياعم الحاج .. وارمى المثقفين والملتزمين واللى شايلين هم البلد دى تحت التراب ..
سيبها لله وما ترفعش ضغطك واتفرج على قناة عدلة.. ممكن سبيس تون

محمد ياسر يقول...

البتاع
ومين قالك انهم مش نافخين العضلات عشان يدخلوا المسابقة اما الحشيش فسهل اكيد متوفرلهم
وميس ايجيبت ده المتوقع لها برضه
لا الماوس جبت غيره والحمد لله تمام
منورة يا جميل

اخف دم
صح عندك حق انا جبت القناه الغلط و هى دى الواجهة
اساسا من الغلط ان اشوف ما يسمى بالتلفزيون ده
تحياتى

غير معرف يقول...

~..........................................

غير معرف يقول...

~..........................................