الاثنين، أبريل 30، 2007

ابداع وجيه عزيز (بالمرة حد يعرف التفكير الابداعى)فيدونا

امبارح كان يوم جميييييييييل حفلة للفنان الرائع وجيه عزيز فى متحف احمد شوقى و المكان للحفلة على الرغم من جماله بانه برجولة حواليها من التلات جهات جنينة و شجر و خضرة الا ان المكان كان صغير اوى على حفلة و ان اللى كانوا قاعدين اكتر منهم بكتير كانوا واقفين فى الحفلة و البرجولة صغيرة انك تشوف وجيه بسهولة كمان و حتى امكانيات الهندسة الصوتية والحاجات اللى كان طلبها منهم وجيه مجتش فاعتمدوا على حاجات بسيطة و وجيه اعتذر عن الموضوع ده لكن بقى اما بدأ نسانى اى مشكلة ولو صغيرة حتى بجد وجيه ابدع ابدااااااااااااااع مش ممكن كان رااااااائع غير كل مرة يعنى قعد غنى كل حاجة و عزف حلو كالعادة جامد لكن صوت مكنش دقيق اوى عشان مكان مفتوح و مفيش المعدات القوية لكن وجيه كان معوض كل ده غنى يجى 29 او 30 اغنية يعنى كل حاجة و كل حد كان بيطلب منه اغنية كان بيغنيها و حتى الاغنية اللى كنت مستنيها انا وعبد الهادى غناها من غير ما نطلبها و هى اغنية (هو الفرح غالى) اغنية رائعة طبعا و اى اغنية كنت مستنيها منه قالها و اتطلبت و بجد تدخل الحفلة لو كنت حزين او عادى هتطلع منها فرحاااان
اللى افتقدته فى الحفلة على سلامة الشاعر الجميل طبعا يعنى لا اسمع شعره ولا اشوفه حتى
من الحاجات اللى محبتهاش فى الحفلة التعليقات خاصة واحد بالذات كان غلس بشكل بيعلق و بصوت عالى بعد كل اغنية و يقول الله يا وجيه برافو يا وجيه غنى كذا يا وجيه قله اغانى كتير و دايما صوته عالى جدا طبعا من قلبى بتطلع برافو وهايل و جميل كل حاجة لوجيه لكن مش كده يعنى و الصوت ده و لا التعليقات دى و يعنى لو مش طايق و عايز يقول كل ده وجيه الحمد لله موجود بعد الحفلة بيستقبل الناس و يسمعهم يقوله كل اللى عاوزه بقى براحته

-------------------------------
بعيدا عن ابداع وجيه تعرفوا الابداع الفكرى بقى؟؟؟؟؟؟؟
اى حد يعرف اى حاجة عن التفكير الابداعى يقول ولو امثلة بقى كده يبقى هايل
بجد عندى بحث عن التفكير الابداعى
و ليكو عندى لو طلعت بحاجات جميلة عن الموضوع هكتبها فى بوست لان الموضوع عاجبنى اصلا و ان شاء الله الاقى عنه كتير

------------------------------
اخر حاجة بقى حبايبنا و اصحابى فى منهم كذا واحد دخل عالم التدوين و عايزكم تزوروهم بقى وتشوفوهم شجعوا الجداد كده يعنى
مدونة البتاع
صبرى(حاسب على كل ضحكة)
عبد الهادى

هناك 7 تعليقات:

Davinci يقول...

خسارة!
كان نفسي أحضر الحفل ده..
يابختك!

وجيه رائع طبعا.. كنت متردد أنزل الأغاني بتاعته على مدونتي ولا مفيش داعي..
(حطيت لينكاتها على المنتدى)بس كده أكيد هنزلها..

مدونتك جميلة يامحمد.. متابعك من فترة لكن كسلان في الردود..
معلش بقى..
:)

Davinci يقول...

التفكير الإبداعي؟
ده إنت كسلان كسل!
خد اللينك ده
http://search.yahoo.com/search?p=%D8%A7%D9%84%D8%AA%D9%81%D9%83%D9%8A%D8%B1+%D8%A7%D9%84%D8%A5%D8%A8%D8%AF%D8%A7%D8%B9%D9%8A&ei=UTF-8&fr=flo&rls=FlockInc.:en-US:official
وده
http://www.google.com/search?q=%D8%A7%D9%84%D8%AA%D9%81%D9%83%D9%8A%D8%B1+%D8%A7%D9%84%D8%A5%D8%A8%D8%AF%D8%A7%D8%B9%D9%8A&start=0&start=0&ie=utf-8&oe=utf-8&client=flock&rls=FlockInc.:en-US:official

أي خدعة!

محمد ياسر يقول...

دافنشى باشا
ااه نزلها ده جميل

ولا يهمك فى الردود بس ابقى طل كل شوية برد برضه

يا عم انا جبت عن التفكير الابداعى كتييير

ملكة يقول...

كان نفسي أبقى معاهم
عملوها ال..
ايه ده؟
لأ ده مش ده
أيوة أيوة خلاص
صوباع الخير أولا :D
بجد كان نفسي أروح بس الظروف بقى
راحت عليا نومة وصحيت تاني يوم:S
تتعووووض ان شاء الله
وجيه يستاهل الواحد يحضر له كل حفلاته مش واحدة ولا اتنين بس
معلش بقى ياباشمهندز معرفش حاجة عن المدعو تفكير ابداعي ده
وطبيعي لأننا في مصر لغينا الكلمة دي اساسا
لغينا الكلمتين تحديدا
بس ربنا معاك وتلاقي حاجة عنهم تفيدك

sokoothansawat يقول...

يااااة انا كنت حاضرة الحفلة دي...وكنت قاعدة ورا الراجل الي كان معجب قوي بوجية هو و مراتة...على فكرة مراتة كانت جايبة لوجية ورد احمر و كانت هرياة رمي...بس الشهادة لله ..الراجل كان كل شوية يتاخر و يزق الكرسي عشان يضمن ان انا وصحبتي شايفين كويس....وجيه فنان حقيقي...بس ناقصة انه يتعرف بشكل احلى...كمان بتيهيالي ان لو اغانية غناها ناس زي مدحت صالح و على الحجار...هتنتشر اسرع بكتير...و هيبقى ليها طابع خاص...تحياتي

غير معرف يقول...

~..........................................

غير معرف يقول...

Well I started my blog in the beginning of March, We have 21 different entries
already. How soon do you think the internet crawler will pickup my blog and index it into the search engines?

.

Also visit my weblog - Transvaginal Mesh