الأربعاء، مايو 09، 2007

هو الحب بالمسافات ولا النظر ولا اييييييه؟؟؟

هو المثل بتاع البعيد عن العين بعيد عن القلب
ده صحيح ؟؟؟
طيب هو لو حد من اسكندرية بيحب حد من القاهرة و بقاله 3 سنين يعرفه بس مكنش بيشوفوه غير اسبوعين فى السنة ممكن يبقى بيحبه فعلا ؟؟
طيب هو الحب ده امتى ممكن يتكشف انه مزيف او وهمى و مكنش حب ؟؟؟

هناك 12 تعليقًا:

إبـراهيم ... معـايــا يقول...

يا محمد يا ياسر ... من قرن تقريبًا وأنا بقول لك كبر فنط الخنط عند سيااااادتـك ....

.
.
الحب ب ــ إيه ؟؟؟

ممكن بالشطة واللمون :)

الحب ـ حاليًا ـ حالة ... ممكني يبقى للبعيد حتى يقترب ، وحتى هنا تفيد انتهاء الغاية ...........

تحياااااااتي ، وبالتوفيق ياااارب

The Alien يقول...

بتبوظ العلاقات
سواء حب أو صداقات
مفيش حاجة تقدر ع المسافات

تحياتي

محمد ياسر يقول...

ابراهيم معايا
هو كده صغير خلاص نكبره يا باشا انت تأمر

ولسه مستنى ردود البقية جايز اعرف

shams يقول...

هو ساعات بيبقى صحيح لما تكون العلاقة بسيطة ومش قوية أوي
لكن لو حب بيتهيألي -وبقول بيتهيألي عشان انا مش جربت قبل كده- ممكن يستمر بس بشرط يكون في تواصل أكتر من كده يعني مش معقول أسبوعين في السنة يعني 6 أسابيع في التلات سنين يعني 42 يوم في التلات سنين !!!!!!!! بس؟؟؟؟؟؟؟؟؟؟

ده لو قرايب ينسوا بعض
صعب اوي تستمر بنفس الدرجة يعني ممكن تستمر بس تبهت اوي على كده

معلش انا بس بتكلم من ناحية المنطق والاستنتاج لأني زي ما قولتلك قبل كده مش جربته قبل كده بس شفته في قصص كتييييير خيالية وواقعية لغاية ما كونت فكرة معقولة عنه

عايزين آراء خبرا بقى

البتاع يقول...

بص يامحمد
الحب يعنى.....احتواء
انك تبقى كلك عند اللى تبحبه
لو طلعلك فسفوسة فى وشك يكون هو اول حد يعرف
البعد سلاح ذو حدين بمعنى انه ممكن يقتل حب يكون مقدر له انه يكون اجمل قصه حب
وفى نفس الوقت ممكن يعمل قصة حب بين اتنين لو اتعاشرو حيولعو فى بعض
البعد بيلغى الحميمية
ضدها
بيطردها
ودى اخر حاجة اى حد بيحب مستعد بيضحى بيها
مش كده واللا ايه؟

احمد عبد الهادي يقول...

عارف امتي تعرف ان اللي انت كنت عايشه ده وهم ولا لا ؟

اول ماتفكر تسال السؤال ده يبقي تاكد والله ان ده مكنش ولا هيبقي حب

اذا احببت شيئا بشده فاطلق صراحه فاذا عاد اليك فهو ملك لك الي الابد واذا لم يعد فتاكد انه لم يكن لك من البداية

حاول تعمل كده
بس مش لدرجة 3 سنين شوفتها 3 اسابيع
صعب دي ؟؟؟؟؟

نقيب يقول...

للأسف يا محمد كتير اوي المسافات بتسحقنا ..

أخف دم يقول...

ازيك يا محمد
الحب طبعا بيواجه كل حاجة يا محمد .. بس برضه مفيش شك ان قرب المسافات او كتر المقابلات وشدة العلاقة بتاثر فى انها بتقرب اكتر ..
ربنا يقرب المسافات يا ريس

محمد ياسر يقول...

the alien
تقريبا ده الصح اللى بتقوله
اشكرك

شمس
لا تقريبا انا متفق معاكى برضه

البتاع
جميل اوى كلامك

احمد عبد الهادى
يا كلامك الجامد انت ماشى يا عم
هى فعلا صعب

نقيب
بتسحقنا هى كده فعلا

اخف دم
سعيد لردودك و متابعتك
و فعلا المسافات مهمة

hana يقول...

الحب احساس مالوش دعوة بقى بقرب ولا بعد الحب قوى روحية بتشدك وتجذبك وتوديك للى بتحبه باحساسك تاخد روحك ليه البعد والقرب مش مقياس لاحساس الحب ممكن يبقى للبعيد لانه يحتويك و القريب لا ما تحسوش
تحياتى لك
هنااااااا

محمد ياسر يقول...

اشكرك يا هنا و الحب زى ما قلتى كده لكنه محتاج رعاية ومتابعة حتى لو بعد بس لازم ميطولش ولازم المتابعة و المسافات بتنسينا
تحياتى لكى

غير معرف يقول...

~..........................................