الأحد، يونيو 10، 2007

زوج من هذا العصر

فى البداية تقدم العريس لعروسته بعد قصة حب و اتفق مع اهلها على مهر محدد ثم بعدها بفترة قام بتخفيض هذا المهر و لم يفعل الاهل سوى الرضا بما اراده و لم يكن فقيرا او لا يعمل بل هو فى عمل ثابت و جيد و مؤهل عالى و له مستقبل يجعله اكبر بكثير مما فيه ثم تزوجها بعد ان دفع اهلها مقدم للشقة و اشتروا لهم اجهزة واشياء كثيرة اكثر مما يأتى به
و اثناء الزواج دائما يأتوا له باحدث اجهزة المحمول ( الموبايل) كل 6 اشهر تقريبا و اشتروا جهاز اللاب توب و جميع ملابسه يشترونها له و اى مستلزمات اخرى
و بعد عام من زواجهما رزقا حديثا باول طفل لهما و كالعادة اهل الزوجة هم من جاءوا بكل مستلزمات هذا الطفل من اصغرها لاكبرها و طلب الزوج منهم ان يكون له سبوعا كبيرا و يحضره العائلة كلها و يتكلف عملها اهل الزوجة طبعا ثم عمل عقيقة ايضا و اخيرا كان هذا الحديث بينه و بين ام الزوجة

الزوج: انا بعتب عليكى انك جبتى كل الحاجات دى و نسيتى الكرسى بتاع الاطفال اللى بيتحط فى العربية
ام الزوجة: و هى فين العربية دى؟؟!!
الزوج : ااه طب خلاص هاتو العربية


هذه حقائق لا يوجد بها اى هزار

هناك 19 تعليقًا:

SaSo يقول...

ده يبقى جوز لامؤخذه كل وظيفته انه....
وممكن تلاقيه مبعرفش يعملها كمان واهلها بردو بيجبوه واحد يتولى المهمه دى
الموضوع ده بيحصل فعلا,موش انهم يجيبوا واحد يعمل كدهزلا موضوع "الاستنطاع" ف الجواز ده,سورى ف اللفظ وسورى ف التعليق كده
المهم بيحصل لو البنت بتحبه,او لو اهلها بيدور على عريس يشيل وخلاص

A.SAMIR يقول...

عارف.....دة ماينطبقش عليه الا مثل شعبي قديم
سكتنا له.....دخل بحماره
ههههههه
بوست رائع
تحياتي ليك

ادم المصري يقول...

بصراحه التعليق الاواني صحكني جدا
.
.
هههههه
تحياتي والسلام

مش فاهم حاجة يقول...

مش هاقول غير كلمة واحدة


اللى بنشترية رخيص

اكيد هانبيعة رخيص

SaSo يقول...
أزال المؤلف هذا التعليق.
sokoothansawat يقول...

الله الله على جواز الايام دي...هي البلد معدش فيها رجالة ولا ايه..
هو فاكر نفسة داخل بمجهودة...بجد حاجة تفقع..لا ولسة عايز يتحكم و يؤمر..بلا خيبة

بنى أدم مع وقف التنفيذ يقول...

عيب ان الراجل يرضي يبقي كدة

hana يقول...

جواز بالشكل دة دمااارههههههه
يارب بس يكون فى حاجة بيعملها هوة

علشان ما
يتحسدش ههه
لا بجد الراجل اللى يكون بالشكل دة لغى روجولته وكيانه أنا مش فاهمة هوة واحد ذى دة أذاااى عايش دة يروح يموت احسن

اخر من الاخرين يقول...

ايه يا عم حرقة الدم اللي علي الصبح دي .. و يبقي لزمة امه ايه ان شاء الله
و بعدين انا لو كنت مكان ام الزوجة كنت رديت بلفظ بذي جدا .. لا بعدة الفاظ متالية الحقيقة
انا كنت هقول ان دة مش هزاردة استعباط ابن كلب بس لفظة ساسو اوقع دة استنطاع بزيادة
اظاهر فعلا الرجالة ماتت في الحرب

MAKSOFA يقول...

وايه اللي جبرهم علي العريس الغتت أبن -------- ده

Sampateek يقول...

و اية اللي عليهم بكده؟؟؟
ماسك عليهم ذلة و لا ابن بارم ديله؟
حاجة تفرس

تحياتي

محمد ياسر يقول...

اشكر الجميع على ردودهم
و بالنسبة لسؤال ايه اللى جابرهم لانهم كانوا عايزين واحد بشهادة حلوة وشغال بيها وخلاص فمش هيرفضوا حد بشهادته و مؤهله الجامعى غير انهم متعودوش يقولوا لا فى الفلوس و هما اللى مدلعينه من الاول و هو بيستغل الدلع ده و اكتر

و ايا كان لو وصلوا انهم يزهقوا منه عمرهم ما يفكروا فى طلاق ولا فراق عشان المجتمع و عشان بقى فى ولد
و انتو عارفين الكلام بتاع المجتمع ده بص هما موصلوش لكده و لا هيشتكوا منه فى يوم و يفكروا !!!

اشكركم جميعا

متغيرة شوية يقول...

هم مش الرجالة ماتوا في الحرب ولا ايه؟

Noran يقول...

أكيد بتهرج ؟!؟

هى قصة حقيقية ...ولا ؟
مش ممكن يكونوا أهلها خيبين أوى كده !!
هى متجوزاه ليه ؟
متقوليش دفعين فلوس للعريس عشان يتجوزها كمان

بلال حسنى يقول...

مش عارف اقولك ايه
انت اكيد يتمدب
انت بتسيء لسمعة الرجال
انت اكيد حد مسلطتك
مفيش رااااااجل يعمل ال زى ال كان مكتوب ده
انا اسف مضطر مكملش التعليق
اصل صاحبتى مستنيانلا عشان تدينى فلوس وتحلوى رصيد
!!!!
ايه ده قصدى
لالالا
انت فهمت غلط

محمد ياسر يقول...

متغيرة شوية
اه غالبا بس طبعا لسه فى رجالة مخلصوش يعنى

نوران
لا هى قصة حقيقية للاسف بس الحمد لله مدفعوش فلوس عشان يتجوزها بعد الجواز بس!!

بلال حسنى
لا انا بسيئ لسمعة الرجالة ولا حد مسلطنى بس ده واحد كده حقيقى وهو اكيد مش قاعدة

ناردين يقول...

مش عارفة ليه كلكم ضد الزوج المحترم..
طيب دا حتى محددش نوع العربية يبقى ايه؟
قال هاتوا العربية والسلام..
يعني الراجل ذوق ذوق ذوق ذوق الصراحة
...

محمد ياسر يقول...

ناردين
ههههههههههههههههه
لا عندك حق امال يعنى لو كان حدد نوع عربية و جامد شوية كنا هنعمل ايه

تحياتى

غير معرف يقول...

~..........................................