الاثنين، يونيو 25، 2007

سينما ..عمر وسلمى ..احلام الفتى الطائش...و قريبا

موسم صيفى (حاااااااااار جدااااااااااا) و هو ما يستغل دائما فى الافلام والايرادات و التنافس و بداية الموسم جاءت مع الامتحانات فكانت مبكرة و جاء فى مقدمة الافلام قص ولصق الذى ربما يكون من افضل الافلام الا ان موعد عرضه سئ للغاية بسبب الامتحانات كما أن كثرة الافلام لم تجعله يستمر طويلا و يقارب من رفعه تماما مع نزول عمر و سلمى و علاقات خاصة الذى يمثله مجموعة من الشباب كما حدث فى اوقات فراغ و 45 يوم بطولة احمد الفيشاوى الذى لم يكسب جمهورا كبيرا بعد و احلام الفتى الطائش و تيمور وشفيقة بطولة السقا ومنى زكى عودة للثنائى فى قصة حب لا تخلو من بعض الاكشن و صباحه كدب لاحمد ادم الذى لم يصل بعد لحالة نضج فنى ولا ان يكسب جمهورا عريضا و قريبا سنجد افلام اخرى كركر عودة لسعد و تكرار للسابق وما زال الجمهور يتهافت عليه!! و هذه المرة يقوم باربع شخصيات كعادته يكبر مساحات ادواره و يقلل من ادوار الاخرين معه و عندليب الدقى لهنيدى فى محاولاته لاستعادة جماهريته التى يفقدها بالتدريج و مرجان احمد مرجان لعادل امام فى محاولاته التى تعد ناجحة فى ان يمثل بشخصيات من سنه ولكنها قريبة من الشباب و يمثل معه مجموعات من الشباب
ربما لا زال هناك افلام اخرى ستظهر قريبا فى هذا الموسم

فى ظل هذه الافلام الموجودة حاليا والتى تعد افلاما فقيرة فنيا لا نجد بدا من دخول السينما سوى للترفيه اكثر من التشوق او الارادة لرؤية الفيلم و لكثرة الخلافات على فيلم واحد للدخول
احلام الفتى الطائش
فى اول بطولة لرامز جلال الذى يتمتع بكوميديا جيدة و كنت اظنه سيقدم شيئا جيدا لكن الفيلم ليس اكثر من بعض الاسكتشات المضحكة دون قصة فهى عن شاب سئ الحظ دائما فى العمل و يتصادف بنيللى كريم و يحبها وهى فنانة ليس سوى هذا ولا تحس بازمة ولا مشكلة قوية فى الفيلم فلا شئ تقريبا
عمر و سلمى
لا احب تماما المسمى بتامر حسنى هذا لذا ربما ترونى فى تحيز ضده و لكنى احاول الا اكون
الفيلم يدور فى قصة عادية مكررة دون اى ابتكار عن شاب مستهتر وله علاقات كثيرة بالبنات و رغم ذلك تجد هناك من يحبها وهى ميس حمدان و عندما يرى خيانتها يتركهها و هو مجروح من ذلك !! و يقوم عزت ابو عوف بدور ابيه فى سخف تام و يكون ايضا كابنه ينظر لجسد كل بنت و هو فى غنى فاحش و ابنه طالب فى جامعة ال
cic
و التى ترى تامر بها يمد يده على كل بنت هناك بغمز فى وسطها فتصرخ ليقول هو ده فى محاولة للاضحاك ربما تكون فى اول مرة لكنها تكررت كثيرا فى سخف تام و حتى عملها خارج الجامعة لمن يسير بالشارع ( تجد بعدها انها انتشرت فى الشوارع و الشباب بدأ يفعلها التأثيرات السلبية الرائعة التى يكسبها الفيلم لشباب لا يحتاج هذه التأثيرات فبه ما يكفى و اكثر )
ثم يقابل سلمى (مى عز الدين) التى تظهر بانها البنت الوحيدة التى تقف امامه فى الجامعة ولا تقبل سخفه لكنها تحبه داخلها و تدريجيا يحبها و تحبه مع استمرار علاقاته النسائية والمعاكسات اليدوية !! و تجده يضربها قلما على وجهها لمجرد معرفته بمقابلتها بخطيبها السابق دون ان يعلم ما حدث بينهما بينما هى لا تبدى اى اعتراض على تامر فى شئ ثم تجده فى شقة ميس حمدان عندما طلبته فى مساعدة فراح و خانها و عندها تتركه سلمى لخيانته و هو يظهر بانه الشاب المعانى من بعد الحبيبة و لكنها تظهر فى شرب الخمر و علاقاته بميس حمدان وهو يقول انه يحب سلمى !! ثم يحاول ابيه الصلح و تامر يذهب لها عند شارعها ويطلب الزواج فتوافق و يحدث الزواج مع النهاية

لقطات
- ظهور محمد السبكى (المنتج) فى دور دكتور جامعى و فى جامعة مثل هذه سئ للغاية فهو لا يصلح تماما ولو حتى لمشهد واحد كهذا
- مشهد المعايرة بين الاب والابن عمر على سبيل الضحك فى فضح كل منهما الاخر ويهدد احدهما بقوله ما يفعله فى الحمام فيقول الاخر وانا هقول على المجلات السكس سئ للغاية ولا داعى له فمن المعروف عنهم لمن يشاهد الفيلم ولمن يعرفهم انهم كذلك و اكثر
- مشهد عمر لابيه عندما قال له مقولتليش مرة تعالى نصلى ودايما بنعمل الغلط لا يوجد لهذا المشهد اى اساس لا قبله ولا بعده فلم يحدث تغيير ولم تكن هى كلمة واحدة فى الحياه بينهم تجعل وجود تغيير اصلا كما انه من المفترض لا ينتظر اباه ما دام قد فهم شيئا وعرفه
- المنازعات الجامعية التى حدثت بالفيلم كانت تمثل لحقيقة بين الشباب عن النزاعات الكبيرة التى تحدث وتجدها دون سبب مجدى غالبا او بسبب تدخل لبنت لا داعى له
- مشهد تقليد تامر حسنى فى حركات مماثلة لما يفعله عادل امام لا داعى له ايضا مع بعض الحركات الاخرى التى حاول عملها فى المكتبة
- مشهد عرض الاب لفيلم امام بعض المشاهدين لرقصه هو وابنه و هم بملابس داخلية وبطبل مما جعل المشاهدين يقومون لخلع ملابسهم و الرقص !! شئ سخيف جدا لا افهمه
- شخصية عمر فى الفيلم مع تمثيل تامر لم يجعلنى اشعر بان هذا رجل بالمفاهيم الصحيحة والمعروفة للرجل ....... و كان فى استظراف زائد دائما
- ملحوظة عامة الفيلم يعكس اشياء من المجتمع لكنه يكسبها ايضا تأثيرات سيئة وسخيفة فى حق الرجل والمرأة فلم يكن عرضا لمشكلة ولا تحليل ولا لحل

تامر حسنى ما زال ممثلا سيئا لا يصلح للتمثيل ولا يراهن نجاح اى فيلم له سوى باسمه فى نجاحه الزائد كمطرب و لجنون الشباب عليه و الاغانى التى توضع ربما بالصاق دون سبب محكم فى الفيلم ولكنها للجمهور المجنون

مى عزالدين وجه جميل لم يتقن التمثيل بعد و احيانا يكون دمها ثقيلا ايضا (تعديل بسيط لكنها كانت جيدة فى هذا الفيلم الى حد ما)

المخرج اكرم فريد لا تظهر شخصيته كمخرج ولا ترى فى التصوير ولا الاداء ولا اى شئ يجذبك !! متى سيظهر كمخرج؟؟

---------------------------
ملحوظة اخيرة لا تسألونى عن دخول الفيلم فليس حبا فيه ولكن تجمع لشباب العائلة ومحبين لهذا التامر فلا يسعنى ان اعكر عليهم خروجة ما دمت وحيدا

هناك 17 تعليقًا:

hana يقول...

بوست هايل بجد
أنا ماشوفتش الفيلم لسه لكن
من خلال عرضك للموضوع فهمته
كمان من الاعلانات عن الفيلم
حقيقى ممكن تكون الاحداث فيها كثير من الحاجات اللى المفروض الجميع يستاء لوجودها
انا برضوا فكرت نفس تفكيرك لما شوفت
بعض مشاهد من الفيلم فيها سلوك بجد مش لائق
ودة بيخلى الشباب بيقلدوا لمجرد انه تامر عمل كدة فى الفيلم
بالنسبة لتامر مطرب جميل
لكن بصراحة مابحسش بيه كممثل
باحب اسمعه فى اغانية الناعمة الرومانسية
انما تمثيل لا
لكن انا مش معاك فى كلامك عن مى عز الدين
لانها مش بس وجة جميل على الشاشة
أنا باحسها ممثلة هايلة وكلها احساس
وبرعت فى تمثيل ادوار كثير واعتقد بنجاح
مش عارفة بس دة رايى فيها
تحياتى لك

إيما يقول...

بوست جميل يا محمد
يلا كل ما تشوف فيلم قولنا كدة أيه الأخبار علي طول
ههههه..فكرتني بصاحبك وأنت بتتكلم عن تامر حسني(:
تحياتي يا فندم

محمد ياسر يقول...

هنا
اشكرك جدا
فى حكاية مى لا هى لسه مظهرش لها الدور اللى تذكر به و مظهرتش بين بنات جيلها الاخرين
و انتى منورانى دايما

ايما
انهى صاحب قصدك اللى فى البوست قبل اللى فات؟؟
اذا كان هو فانا مش صاحبه ولا هكون
و انتى منورانى

تحياتى

خليك فى البيت يقول...

ندعوكم لزيارة منتدى خليك فى البيت والمشاركة فى الحملة

جبهة التهييس الشعبية يقول...

مش انا شفت عمر وسلمى ده وضحكت ضوحك

مش من خفة دمهم طبعا

من العبث

بالذمة الفلوس اللي اتصرفت على الفيلم ده مش حرام؟؟؟؟؟؟؟؟

مش اولى بيها ناس مش لاقية تاكل

وللا حتى ناس لاقية تاكل

ده لو كان السبكي اشترى بيها شيكولاتة وادهاني كان يبقى حلال اكتر

انت مش ملاحظ ان شعبية تامر حسني زادت بعد ما اتسجن

يعني احنا نتكل على الله ونشتغل نصابين بقى

إيما يقول...

لا يا فندم
صاحبك دا اللي اسمه أوسو اللي أنا ماعرفوش خالص خالص ..يرضيك كدة حاططني وسط تاج الكوارث بتاعه
وكل ما أقوله صحابك دول صحابي أنا من الأول واعرفهم من قبليك يقولي أنا الأصل

(:
هوا كمان منزل بوست عن تامر حسني والدوشة اللي حواليه..

محمد ياسر يقول...

جبهة التهييس الشعبية
المدونة نورت والله
عندك حق فى كلامك فعلا هو عبث
اما بالنسبة لشعبية تامر اللى زادت بعد سجنه فانا مستغرب الناس بقت بتنساها او تبررله او عادى بقى
حب تامر بقى فوق كل شئ
بلاش كلام عنه انا بحاول اتفادى لانه بيعصبنى و بيحسسنى بالجمهور التافه

بس بجد بجد انا فرحان جدا بردك و زيارتك

ايما
اوسو باشا اااه صحيح
ده لو مكنش حاطك مكنتش عرفت انه اخوكى
و احنا اصحاب فعلا من قبل ما اعرف و قلتله برضه كده
تحياتى

غير معرف يقول...

طيب من موقعي ومنصبي هنا احب اقول لأي شاب او شابه موجود اوعي تخش فيلم خمسة واربعين يوم لأنه فيلم خرا ولو هتدخله وهيدوك فلوس اوعي تدخله وهتندم واحسنلك تقف في الوقت ده قدام باب السينما تتفرج علي الناس وهي داخله وهي خارجه وتلاحظ الفرق لأن اغلبهم هيظهر عليهم علامات التخلف العقلي
ممكن تخش الفيلم لسبب واحد فقط وهو انك بعد كده لما حد يسألك عن اغبي فيلم دخلته في حياتك تقول بقلب جامد ..
45 يوم

أحمد

حسن ارابيسك يقول...

الأخ محمد
تشريحك للفيلم وتقييمه ممتع جداً وليس بعيد عن أن نقد ناقص متخصص
كما جاء تصنيفك للإفلام جيد أيضا

ولي خدمة عندك
أود منك إيملك
للإستفسار عن بعض الأمور الفنية
وأتمنى أجدها عندك إن شاء الله

محمد ياسر يقول...

احمد
ايه يا عم احمد خلاص بقى المهم ان حصل الحدث بدخولك اول مرة سينما


حسن ارابيسك
اشكرك ان كلامى عجبك
و ايميلى
m_yasser_86@hotmail.com

عطشان يقول...

عايز ايه من واحد منزل شريط اسمه يا بنت الأيه... يعمل دور عمر المختار يعنى !

محمد ياسر يقول...

عايز يقعد فى بيتهم يا عم و بلاش يقرفنا بقى

ibn nasser - ابن ناصر يقول...

موضوع جمل
تحياتي

محمد ياسر يقول...

اشكرك يا ابن ناصر ولك تحياتى

hana يقول...

يا محمد مى عملت أدوار كثير فى السينما وكمان التليفزيون
وجسدت فيها أكثر من شخصية وبجدارة

انت مش أخد بالك منها ولا ايه

أنما تامر بقى
ذى ما بتقووول
ماينفعش غير مطرب وبس
تحياتى لك

محمد ياسر يقول...

هنا
اوك مش هنختلف كتير لك رأيك ولى رأيي و فى النهاية هى ممثلة
و ارق التحيات لك

غير معرف يقول...

~..........................................