الجمعة، يونيو 29، 2007

عشان اكمل سلسلة التاجات

لما بتشوف واحدة جميلة قوي بتشيل عينك بعد قد إيه؟
يعنى لو هى معدية كده يبقى خلاص مجرد ما عدت لكن لو قدامى برضه هشوفها وخلاص على طول مش هفضل يعنى عليها كده
لو لك 3 أمنيات هيتحققوا.. هيكونوا إيه؟ (بس حاجة خاصة بك أنت)
واانا اعرف منين هيتحققوا دى ده فى علم الله
والامنيات كتير منها القريب والبعيد و الصعب بس كله ممكن يتحقق بارادة الله ثم عزيمتى
انى اكون معمارى شهير عملت تصميمات ناجحة او مسابقة تفوقت فيها
انى اعمل ديوان شعر و ربنا يلهمنى و اكتب كتير و فى مستوى راقى
انى ارتبط ببنت حلال تحبنى
تلاتة اهم كفاية عليكم و قريبين مش مستحيل بس قولوا يا رب
آخر مرة بكيت؟
اممم بمعنى البكا اوى يبقى الترم الاول من السنة دى فى عزاء صديق و زميل دراسة الله يرحمه مع انه مكنش صديق اوى لكنى بكيت اوى يومها
هو ده اللى فاكره لكن احتمال يكون حصل بعده بس بنسى ومحصلش من قريب بكا
إيه أكتر حاجة بتحبها في نفسك؟
الطيبة والهدوء بس مش دايما بحبها و الاصرار على تعلم ما لا اعرفه
أكتر حاجة بقى بتكرهها في نفسك؟
الكسل شئ سئ جدا خاصة لو مع فراغ او احباط بيضيعنى
ساعات بحس انى مش مفيد ولا بعرف اقدم شئ فى الحياه ولا افكار
أسوأ حاجة عملتها !
المعاصى والاخطاء كتير لا داعى لذكرها و الاجهار بها
بس ممكن اقولكوا الكدب على الاهل نظرا لظروف عدم التفهم او تكبير الدماغ من حوارتهم
مبادئك.. ثابت عليها؟
فى ثوابت معروفة لكن المتغيرات كتير والمؤثرات على الانسان بتغير لكن المهم تكون فى اطار ما انا فيه وراضى عنه مش تقلب تماما
لو رجع الزمن بيك مين الشخص اللي تختاره أنك متقابلوش؟
لا مفيش كل واحد بقابله بطلع منه بحاجة حتى لو محبتوش او حصل حاجة
لأي مدى ممكن تضحي ؟
لا كتير بس المهم يكون لحد يستاهل و بحبه
بتبكي من غير سبب؟
اممم مش بمعنى البكا اوى برضه لكن كتير ممكن تلاقى بكا داخلى
أنت قوي؟ (في تصنيفك لنفسك)
داخليا عندى تردد و حالات بحس بقوتى وحالات ممكن احس بضعف و ده بينعكس خارجيا طبعا لكن محبش اظهر اى ضعف ابدا لو حصل يبقى غصب عنى

طبعا التمرير نفس موضوع البوست اللى قبله

و فى النهاية اشكر الصديق فنان فقير اللى مررلى التاج ده

هناك 7 تعليقات:

Davinci يقول...

تصدق بقى يا عمونا دي أول مرة أعرف عنك موضوع المعماري دي!
هههههههههه
ربنان يوفقك إن شاء الله..ب
بس الأغرب موضوع الشعر.. أنا أعرف انك بتكتب قصة تقريبا.. لكن شعر.. طيب فين يا عم؟
وبعدين بطلت تيجي المنتدى ليه؟
ده سؤال على جنب!

محمد ياسر يقول...

يا راجل اديك عرفت ربنا يسهلى فيها بقى

بس ايه موضوع القصة ده ههههههههههه مين بيطلع الاشاعات دى انا مبكتبش قصص حاليا اما الشعر فهو هوايتى وبكتبه فى مدونتى خواطر نفس ممكن تشوف فيها

على جنب انا نسيت المنتدى و اعتقد ان مبقاش حد فيه عارفنى اصلا الناس اتغيرت وكله بيتغير بس انا مع الاحداث برضه لو فى حدث كده قولى

تحياتى ليك

غمض عينيك يقول...

محمد باشا
اول زيارة لمدونتك الجميلة
ربنا يوفقك انشاءالله ويحققكلك اللي تتمناه

تحياتي ليك
محمد سمير

علي الألفي يقول...

صباحو قشطة يا برنس
انا قولت انك من الناس الكويسة اللي بتسمع صح و متحمسة للمزيكا اللي بجد
قولت اعزمك تيجي تنورني في حفلتي ان شاء الله يوم الخميس الجاي
5/7/2007
في ساقية الصاوي
مع فرقة step by step
و ان شاء الله مجموعة حلوة و كبيرة جدا من البلوجرز هايكونوا موجودين

saso يقول...

:)
اولنا تاجات
اروح اقرا الباقي


البقاء لله في زميلك طبعا
وعقبال ديوان الشعر

بمناسبة الشعر كتير خواطرك بتيجي علي بالي .. افتح البلوج مخصوص اقراها واقفل
بجد بحبها جدا

محمد ياسر يقول...

غمض عنيك
اتمنى متكونش الاخيرة وتزورنى دايما
و ربنا يخليك

على الالفى
انت صوت جميل جدا و ان شاء الله ربنا يوفقك و ربنا يسهل و اجيلك

ساسو
اعمل فى التاجات اللى بتيجى يلا اهى كويسة برضه
و يا رب انشر ديوان ده حلم

انا مش عارف انتى قصدانى بجد اصل يا نهارى على كلامك ده عمرى ما انساه ولا كنت اتصور حاجة زى دى

منورانى ومتغبيش تانى

غير معرف يقول...

~..........................................