الأربعاء، يوليو 11، 2007

دول مطربين مصر




ده مطرب العصر وصاحب اكبر جمهور و مش المطرب بالصوت بس لا هو بالعضلات كمان شايفين بيجدد شبابه حتى المرة دى معرفش يعمل جديد فى خلقته راح قالع عشان تتفرجوا بقى على الجسم الجامد و كمان اغانيه بقى لا هايل عنده اختلاف وبيتكلم عن الناس ويعبر عنهم بشكل ده مطرب الرومانسية يا جدعان و الحانه كمان غربى معظمها اصل الغرب هو الاحسن طبعا منتو عارفين و كمان قدوة هايلة هو يطلع يعمل حاجة فى خلقته ولا يلبس حاجة و كل الشباب وراه ما شاء الله حاجة تفرح اهو ده القدوة !!!!!!!!




ده بقى خليفة الملاعب اللى مجنن البنات طبعا مش شايفينه قمر ازاى لا و حساس جدا بحس انه راجل راجل يعنى و طبعا معندناش اختلاف ان اغانيه متنوعة جدا زى عمرو كده


لا وايه بقى وطنيته القوية جدا خلت الناس تحبه اكتر اوى بعد ما عمل الدور الوطنى الكبير وهو الهرووووووووب اه و البنات بتموت عليه وبيرموا نفسهم على عربيته و بيطلعوا على المسرح نفسهم يتباسوا منه اصله بركة وقدوة اوى يعنى حتى الشباب كمان يعزه اوى و يغنيله عنده حق مش كده برضه ؟؟؟


طبعا ده هو و الجامد جدا التانى هيثم شاكر الجيش بقى واحلى خدمة منهم معلش تعبوكوا يا نجوم بس متقلقوش على النجومية اصل اللى بيدخل السجن يشتهر اكتر ويتحب اكتر مهو ده الجديد

طبعا فى غيرهم بس كفاية دول عشان بتعب
-----------------------
اما بقى اللى بعدهم دول بقى اللى جمهورهم مبيفهمش ولا هو دماغ ولا بيقدر او يعرف معنى الفن الحقيقي اه اصل دول مطربين هلس اوى بيقولوا اى كلام و مكررين

حاولت اقول بطريقة التريقة او باراء من اختلف معهم عليه لكن مينفعش

ده حبيبييييييييييييييييي ده ابويا و اخويا و صاحبى فى كل وقت وده اول الجيل الموجود و ده اللى يتقال عليه مطرب مصر و مطرب الرومانسية ومطرب الاحساس وكل حاجة

ده مدرسى فى الدنيا يا جدعان كمية الاغانى والمواضيع والكلام اللى قاله رهيييب و الالحان اللى من الشرق و من النوبة مننا مش من برة و ده النجاح اللى بجد هنا وفى الخارج




انت مفيش احسن منك على السااااااااااحة



اما ده فهو برضه جميل جدا صوت نادر و قوى جدا بس مين يقدر



و ده برضه ينطبق نفس الكلام من صوت و قوة و تعبير

هناك 18 تعليقًا:

إيما يقول...

عارف يا محمد تامر حسني وهيثم شاكر أصوات مش وحشة بالعكس تامر(رغم كل القرف اللي بيعمله في نفسه)صوت جميل ..لكن انهم يبقوا قدوة دي المهزلة..هما الحقيقة محتاجين علاج سلوكي أو بمعني أصح عايزين شوية تربية-عفوا يعني-علشان الناس تقدر تحترمهم
منير ومدحت وعلي الحجار أصوات رائعة طبعا ومش محتاجين كلام
تحياتي يا فندم

shady يقول...

معاك في كل كلامك .. بس البوست ناقص .. اسامي كتير المفروض تتقال .. سواء بالخير أو بالشر ..

ابن فطومة يقول...

ههه...حلوة الملحوظة بتاعة القلع دي. والله عندك حق

تحياتي

bos bos يقول...

فعلا شريط عمرو دياب ماعجبنيش بسبب الموسيقى الغربية هو ناسى هو منين ولا ايه
وبالنسبة لتامر حسنى وهيثم شاكر هما أصواتهم مش وحشة بس لو يظبطوا نفسهم هايبقوا كويسين
تحياتى لك

mohamed gado يقول...

كلام عن تامر حسنى ومحمد منير وحماده هلال والحجار هوده الصح وميه ميه
اما بالنسبه لعمرو دياب فانا مختلف معاك
بغض النظر عن النيولوك بتاعه اللى مش داخل دماغك لكنه فعلا فنان واغانيه هايله واغانيه القديمه محفوظه لغاية الان
لكن باقى كلامك ميه ميه وخصوصا عن الواد تامر ده

محمد ياسر يقول...

ايما
يعنى هما اصوات كويسة لكنها مش زى القدام و انا معاكى هما محتاجين تربية

شادى
الاسامى كتير و منها الجيد و السئ بس انا قولت الاشهر من هنا وهنا

ابن فطومة
مش كده برضه؟
منورنى يا باشا

بوس بوس
فعلا تحسى ان الالحان مسروقة من الغرب كمان مش بس انها معمولة غربى
اكيد لو اتظبطوا هيبقى موضوع تانى

محمد جادو
انا مجبتش سيرة حمادة هلال!! بس ولا يهمك
اغانى عمرو القديمة حلوة و كان ليه حاجات كتير كويسة بس هو مطرب مظهرى و كمان مبقاش مجدد و لا بيطلع بحاجات بقيمة
تحياتى ليك و منورنى

اه يا دماغى يقول...

بصراحة كلهم بالنسبة مؤرفين
ما عدا محمد منير

خالص تحياتى

محمد ياسر يقول...

اه يا دماغى
رأيك برضه و ما دام قلتى عدا منير فانا معاكى لانه حبى الاكبر
و مفيش زيه ولا يقارن هو الافضل

شقاوة شعب يقول...

الناس اخدت امثال تامر حسنى قدوة لان قيم المجتمع كلها ضربت والناس بقت بتفكر بالمشقلب
والحاجة الشاذة والغريبة هى المطلوبة والحاجة المرتبطة باصلنا وعادتنا وقيمنا بقيت منسية
عشان كدة البنات بتموت فى تامر رغم انه دخل السجن
ومنير والحجار بقوا موضة قديمة مش لان صوتهم وحش

لأ لانهم ببساطة ...محترمين ومستقيمين

الكنبة الحمرا يقول...
أزال المؤلف هذا التعليق.
محمد ياسر يقول...

شقاوة شعب
فعلا كلامك كله تمام واتمنى تنورنى دايما

الكنبة الحمرا
انا كنت هناك يا باشا و كتبت عنها فى مدونة منير
و فعلا شعبنا لسه معندوش ذوق

تحياتى

beroo يقول...

ايوه كده اديهم بلاش قلة حيا بس كان نفسي تقول مع الناس الحلوة دي ايمان البحر درويش معلش كان نفسي ابقي اول واحدة اعلق

غمض عينيك يقول...

رغم اعتراضي على بوستر عمرو دياب الا ان دا لايمنع انه بجد مطرب له تقلة وله فنه
خد وقت طويل عشان يكون عمرو دياب...ولو كان عنده اغاني اختلف عليه الناس الا ان عنده اعغاني تانيه تحفة

تامر حسني وهيثم مش محتاجين تعليق

ولا اختلاف طبعا على عبقرية منير

تحياتي ليك ياباشا
محمد سمير

محمد ياسر يقول...

بيروو
ربنا يخليكى و ايمان البحر فنان جميل و قدم حاجات حلوة برضه

غمض عنيك
هو عمرو دياب ليه اغانى كويسة اوك و انا اصلا بحب جدا رصيف نمرة 5 و ايس كريم فى جليم لكن فى اغانى كتير بالالحان مش بتاعتنا وكلام عادى جدا غير التقاليع كتير بتاعته
و لكل رأيه مش مشكلة اختلافنا عليه و جميل اتفاقنا فى الباقى

غير معرف يقول...

كمان فى صوت جميل جدا

اسمه وجيه عزيز

دا لحن اغانى كتير لمنير منها من اول بمسه وممكن وهيه هيه

كمان هو لى البومين روعة

والتالت بعنوان ( ناقص حتة ) حينزل فى شهر 11 ان شاء الله

أنصحكم تسمعوه ومش حتندموا بجد

محبتى

غير معرف يقول...

عمرو دياب حيفضل طول عمره نجم اما تامر شخصية

غير معرف يقول...

~..........................................

غير معرف يقول...

~..........................................