الجمعة، أغسطس 24، 2007

كلام غريب

الحياه لا تأتى بجديد
ادى الدنيا و ادينا عايشينها الاسبوع ده تقريبا كان كله فى البيت و هو ما يعطى لى احساس العذااااااااااااااب لا خروج ولا اصحاب اختفوا او اتلهوا فى الدنيا راحوا فين بقى الله اعلم ولا اماكن للخروج و مليت من الخروج وحدى و الاماكن مبقاش لها طعم ولا جديد

حاجتين هما كانوا الونس فى كل الملل ده اولا صوت منير السحرى لا يتسع اى كلام عليه و تانى شئ الروايات و قريت
روايات تلاتة كانوا كلهم حلوين اووى من حظى هما لحظات غرق جزيرة الحوت للمخزنجى و القرين لسليمان فياض و ترانيم فى ظل تمارا لمحمد عفيفي دول 3 عوالم مختلفة جدا و ده من حظى برضه

و مع ذلك شعور الملل مراحش طبعا لان ما زال اوقات كتير جدا فاضية و فرااااغ و مع انى كان جالى تدريب و كنت بروحه الا انى زهقت منه و محستش بيه فهجيت منه و محدش يقول انه احسن من فراغ دلوقتى لانه مش كده

احساس القيمة و السعادة ده شئ برضه شاغلنى جدااا و امتى حد بيحس بقيمة حاجة بجد يعنى الشغل بيحسس بقيمة بيطلع بحاجة يعنى غير انه بيتعمل عشان فلوس تتقبض وخلاص .. يعنى هل فى نتاج فعلا عن الشغل ؟
او الناس اللى برضه كل فكرها وهدفها انها تشتغل و تجوز وتخلف و بس كده تبقى عاشت احلى عيشة وعملت اللى عليها ... هو فعلا كده هى دى الدنيا؟؟ ... يعنى بنتعلم عشان نشتغل نجيب فلوس عشان نتجوز و نخلف و نربى و نشوف مستقبل الاولاد و خلاص هى دى المهمة؟؟

كلام كتير لسه جوايا بس دلوقتى ده اللى طلع يمكن يطلع كمان او غيره بعدين!!!!

هناك 9 تعليقات:

حسن ارابيسك يقول...

من سنن الحياة
ان الواحد لازم يتعب ويشتغل ويكد
ونتاج كفاحه يلاقيه بين ايديه و يغير حياته للأفضل
بس بيبقى الموضوع جميل جدا لما بتلاقي نفسك في عمل انت بتحبه فعلا
الشطر التاني من حياتك وانت بتحقق ذاتك أو حتى في عمل روتيني
تلاقي نفسك جه عليك الدور وبتكون اسرة صغيرة وتلاقي نفسك مهموم بالاسرة الصغيرة دي اكتر ما انت مهموم بنفسك
وتلاقي كل طموحك اتحول من الاهتمام الكلي بنفسك لاهتمامك وطموحك بنشأة هذه الأسرة والوصول بها لبر الأمان

المهم من غير فذلكه مني أسال نفسك انت موهوب في ايه ونميه واتعب فيه واشغل نفسك فيه
يكون ناتج ده استمتاعك المستمر وانت كفائتك وقدرتك في ذلك الشئ بتزيد
علاوه على كده السي في بتاعتك تلاقيها بتزيد وبتكبر زي العود الأخضر ما بيكبر وبالتالي فرص عملك تزيد
ربنا يوفقك

محمد ياسر يقول...

بجد اشكرك على كلامك و يا رب اكون لاقى نفسى صح و انا بحاول اكون و نفسى ربنا يعينا

تحياتى
بشدة

Daisy يقول...

enta elly betdeef qeema le el 7agat...
wenta elly betqarrar te3mel 7aga leeha qeema gowwaha...

el nas 3ashan maba2etsh tedawwar 3al qeema, maba2tsh leeha hadaf 3'eir eshba3 el needs (gawaz..3eyal..money...etc)
just keep planning

محمد العدوي يقول...

ايه يا عم كوم الكآبة دا ..

كل دا من اسبوع في البيت ..
آه الشغل علشان الفلوس . دي لوحدها كفاية مبدئيا علشان تبقى مستقر وتفكر وانت مش بتلهث من العطش ..

هو عموما هي معضلة عاملة زي معضلة هاملت كدة يعني صعب تلاقيلها جواب نظري .. الجواب هتلاقيه وانت ماشي في الحياة دي .. وانت بتشتغل .. لما تتجوز حتى لو بمنطق العوام علشان تجيب عيال ويبقى لك بيت وتخلص من نت الناس هو مبيتجوزش ليه ..


طبعا اذا كان يهمك انكم تلاقي حل المعضلة هتلاقيه ..

SaSo يقول...

مكنتش أعرف انى وحشتك للدرجه دى
كل سنه وانت طيب يامحمد
حد يكتئب كده ف اسبوع عيد ميلاده
انت مكتئب امال لو مكانى بقا كنت انتحرت؟

اخر يقول...

مقلتلك تعالي نلعب شطرنج :)
دة احسن حاجة هتحافظلك علي مستوي ذكائك و هتفتح مداركك لحاجات كتير في الدنيا

محمد ياسر يقول...

ديزى
حلوة اوى حكاية ان انا اللى بضيف القيمة جملة حسستنى بانى ممكن اعمل حاجات كده فعلا

محمد العدوى
معلش بقى هو دور الكاّّّبة ده بيجيلى كده
و اشكرك على الرد عن الدنيا و انا ماشى اهو بشوف الجواب

ساسو
وحشتك!!
طب ما انتى وحشانى على طول
و انتى طيبة يا جميل و معلش هى اللى جت كده فى اسبوع عيد ميلادى

اخر
و الله يا ابنى اتزنقت زنقة جديدة اصلا ربنا العالم
هبقى احكيلك

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

غير معرف يقول...

~..........................................