الاثنين، سبتمبر 24، 2007

الموت ب50 جنيه

من الحقائق العلمية فى بلدنا المصون ان لو حد راكب عربية وماشى بيها وخبط واحد ماشى فى الطريق لو اللى اتخبط ده مات يبقى يا دوب هيروح القسم يدفع 50 جنيه غرامة و تتكتب انها قتل غير متعمد و خلصت مات الراجل بقى فى داهية اما المشكلة بقى لو مامتش و اتصاب بس ساعتها يحصل بهدلة فى القسم و دفع فلوس لعلاج اللى اتخبط و دفع تعويض كمان لانه غالبا المصاب بيتنازل عن المحضر عشان ياخدله كام الف او يمكن طيبته خليته يعفو عنه !!
الاهم من كده بقى كمان ان اللى بيكون سايق وخبط ده مبيحسش بالذنب اوى يعنى الراجل جه ادامه فمات يعمل ايه يعنى نصيبه او انه مصاب و برضه مش هيهتم بيه اوى غير بس لانه عايز يفلت فيقوم مكلم كل وسايطه و يكلم المصاب عشان يتنازل و هو برضه لا يعانى من اى عذاب ضمير فى انه خبط واحد سواء مات ولا مصاب !!!
عشان كده بقى احب اقول فى النهاية لكل واحد جه خبط واحد بعربيته يا ريت يكمل عليه و يموت احسن ما يبقى مصاب لان ده طبعا اللى هيوفرله يا دوب هى 50 جنيه و تكتب قتل غير متعمد يا بلاش

هناك 7 تعليقات:

غمض عينيك يقول...

ايوه صح
لازم كل واحد يعمل شغله بذمة وضمير
هتخبطة..اخبطه بس تموته انما دراع مكسور ورجل ملوحه ومش عارف ايه ماينفعش
هتخبط موت علطول
هي السواقه ايه غير اللي يفوت يموت

تحياتي ياباشا
محمد سمير

Desert cat يقول...

يعنى يسيب الراجل يتألم من الاصابات اللى حصلت له
لاء هو يموت اريح له
الدلة همها مصلحنا يا ناس
مش عايزه اللى خبطه بالعربية يتبهدل هو قتل خطأ وخمسين جنيه وخلاص
ولا اللى اتخبط يتألم من جراء اصاباته
هى دى الام وحنيتها
ما يحرمناش منك ابدا يا ييييييييمه

ياسر مدني ...دينامو الإخوان يقول...

لصاحب المدونه وكل زواره
أدعوكم لإبداء الرأي والمشاركه في فوازير رمضان الإسلاميه بعنوان خلق وصحابي

mthlykaweyy يقول...

هاى
ازيك عامل ايه
انا مثلى قوى قرات مقالك وعجبنى بجد
انت ذو عقليه وتفكير جميل

اسمحلى اعرفك بنفسى انا من المثليين العربولدت فى مجتمع ينبذ المثليين ويعاديهم ويكرهم على شىء ليس باديهم

فى جين ان كل العالم المتحضر اعترف بالمثليه

اكبر صريحين علميين فى العالم كله اعترفوا بعد الدرسات العلميه ان المثليه امر طبيعى والذى بهم معظم اطباء وعلماء العالم وذلك بعد الدرسات

بجانب الدرسات العلميه الحديثه التى اجريت على الحيونات والحشرات ايضا
ووجدت ان المثليه امر طبيعى وعادى

ولكن كما تعلم فى بلادنا الشيوخ هم علماء ويفسروا القرءان حسب ما هم مقتنعون به فاخلطوا بين اللواط والمثليه

والعلم اثبت اختلاف الهيوبلاتومس وهى المنطقه الموجوده للدماغ للمثليين عن المغايرين

العيب فى الشيوخ وليس فى الدين
كما سبق وان فسروا سابقا ايه فى القرءان على ان الارض بيضاويه وظلوا نصف قرن يعتقدون هذا وكل الناس تناضل من اجل رايهم الى ان اتى العلم واثبت انها كرويه

وبعدها ادركوا انهم اخطاوا

علاوه عن المجتمع الذى يمارس الكراهيه والنبذ ومعاده المثليين

انا فاكر كويس كل يوم
كنت بقعد بليل وافتكر اى حد قلى كلمه جرحتنى فى المدونه
وابكى طول الليل وكنت اشعر بالحزن جدا
بجد نفسنا كلنا نحب بعض بدون كراهبه او ضغينه

ما اردت ان اقوله لك اننا نمد ايدينا اليك بكل الحب والصداقه
واريد ان نكون اصدقائكم

انا هعطيك اميلى
h_h6497@yahoo.com

ممكن تضفنى وتكلمنى
هنتظرك

وعلى فكره بجد انت مدونتك حلوه وعجبانى
مووووووت جدا بجد انت تفكيرك جميل اوى جدا
سانتظرك تاتى مدونتى
وتضيف اميلى

هتوحشنى جدا
باى باى

28 سبتمبر, 2007 12:47 م

ملحوظه انتم كلكم مدعوون الى مدونتى لمن يريد ان يعرف ما هى المثليه

ومن يريد صداقتى فالاميل تركته فى الاعلى فليضيفه وبكلمنى على المسنجر
بس هستناك انت بالخصوص
باىباى

ahmedzakaria يقول...

علي فكرة يا محمد كلامك غير منطقي

1- مين قال إنه (( بيروح القسم يدفع 50 جنيه ويمشي ؟ ))
لأ يا باشا الحجات دي بتبقي فيها تحقيقات وبلاوي سوده

2- يعني انت شايف إني لو ماشي في السليم وواحد حمار عدا من قدامي والغلطه غلطته 100 % المفروض يتعمل فيا إيه , اتخزوق انا عشان واحد حمار موت نفسه , وعلي فكرة المفروض مدفعش ولا مليلم بل المفلروض آخد فلوس من الورثه لأنه افزعني وعطلني عن مصالحي وعلي فكرة انا مش بهرج

أحمد

A.SAMIR يقول...

على فكرة
وخد دي بقى من واحد طالع عينه في شوارع مصر
الناس اللي ماشية في الشارع اوقات كتير قوي هي اللي بتكون ماشية غلط وتلاقيها بتعدي الشارع فجأة ومن اماكن غلط
مش كدة وبس دة ممكن تلاقي ام طالقة عيالها الصغيرين ع الطريق ولا حياة لمن تنادي ومش بعيد تكون نفسها الواد يتخبط يمكن يموت فتخلص منه او يتعور فتلهف قرشين تعويض
ياريت بلاش نحمل اللي راكبين عربيات كل المشكلة
تحياتي

غير معرف يقول...

~..........................................