الاثنين، سبتمبر 03، 2007

كل سنة وانا طيب

كتبت البوست بتاريخ بكرة اللى هو عيد ميلادى
المفروض انه عيد ميلاد بقى وكله سعادة واحتفالات و بتاع بقى بس اللى بيحصل و حصل زودلى احساس اغنية على حسين حزين جدا سعيد و كم التناقض فى الاغنية و الاحساسيس المعكوسة اللى بنحسها مع بعض فعلا و بنعيشها مع بعض
ما احنا بنطلع نبكى على الاموات فى عز ما احنا فرحانين بالعيد ... والدم لونه زى لون الورد
يااه كتير بنشوف الورد والدم بس عمرى ما ربطت بينهم كده انهم لون واحد بجد الاغنية دى تستحق الكتير
اللى خلى الاحساس ده يجى بقى انى انهاردة راكب ميكروباص وابص على الطريق التانى الاقى ميكروباص واقف و ادامه ست كبيرة واقعة على الارض انتهت حياتها منظر لا ينسى و الناس بتردد عبارات الرحمة بس فى النهاية كله بينسى ويروح لحاله و مش بلومهم بس كان شاغل بالى نهاية الست دى و حياه السواق ده هيعيش متعذب ولا هينسى زى كل الناس و حاجات كده كتير مش قادر انسى فعلا

شوفتوا بقى ادينى دخلت فى مود حزن غصب عنى و بشيلكم انتو كمان الهم خلاص انسووووووووا

منا قلت بقى حزين جدا سعيد هى فعلا كده بس خلاص يلا نحتفل

خاصة كمان المفروض ان السن اللى وصلتله ده هو سن الرشد مما يجعله او يجعلنى باهمية ومسئولية اكبر اعتقد كده صح ولا ايه؟

يلا بقى حد هيحتفل معايا بعيد ميلادى ؟؟

هناك 21 تعليقًا:

مش فاهم حاجة يقول...

كل سنة وانت طيب

ياورد ابيض جميل

ملوش دعوة بلون الدم خالص

ومفبهاش حاجة اننا نفتكر الاموات فى عو ما احنا فرحانيين

إيما يقول...

كل سنة وأنت طيب وبألف خير يا رب
وإن شاء الله تكون سنة جميلة وتحقق كل أمنياتك وأحلامك اللي عايزها فيها إن شاء الله
:)
عايزين نعمل حفلة كبيرة أوي هنا يا محمد يلا مستعد للدوشة بتاعتنا ولا لأ:)؟؟
كل سنة وأنت طيب

شقلوطة يقول...

أولا..كل سنة و أنت طيب يا محمد
بقولها لك بالنيابة عن نورماندى كمان ..
لإنى ريناد اللى فى المنتدى ..
:)
.....
ثانيا ..الأغنية فعلا تستحق الإشادة ..أغنية من طراز خاص ..بحبها جدا..
..
مش مستغربة انك ممكن تكون حزين فى عيد ميلادك لإنى دايما بحس ان يوم عيد ميلادى ده أرخم يوم فى السنة تقريبا و بببقى مخنوقة جدا
....
كل سنة و أنت بألف خير ..
كل سنة و أنت قلبك أبيض
كل سنة و أنت أحسن و أحسن
:)

ملكة يقول...

كل سنة وانت طيب يا محمد وعقبال 100 سنة
ان شاء الله كل سنة تكون احسن من اللي قبلها
ومتبقاش حزين خالص

manora يقول...

يا محمد كل سنة و انت طيب
و يارب بجد تكون سنة احلى مليون الف الف مرة من الى قبلها يا سيدى.. و معلش مأثره فى حقك و مفيش احتفال بس باذن الله عن قريب نعمل احتفال بعيد ميلادك..

غمض عينيك يقول...

كل سنة وانت طيب ياباشا
وربنا يوفقك في سنة جديدة جميلة ناجحة جاية ان شاء الله
محمد سمير

عطشان يقول...
أزال المؤلف هذا التعليق.
عطشان يقول...

فى حد يعمل بوست عن نفسه... لا و كمان مسميه كل سنة و انا طيب ده انت متحيز اوى لنفسك .

عارف بقى بدل الأغنيه اللى انت كاتبهاا دى كنت ممكن تحط حاجة احلى للملك ... الحقيقة و الميلاد اشد من دى اخر حاجة ...
على العموم يا محمد انا مانستش
الساعة و نص انتظار بس انا حبقى احسن منك :p

كل سنة وانت طيب يا ابو ياسر
اوعى تنسى الحادق لأن كل حاجه و ليها تمنها :d

محمد ياسر يقول...

مش فاهم حاجة
وانت طيب يا جميل ويخليك لينا

ايما
و انتى طيبة و بخير
و اعملى الدوشة اللى تعجبك ده وجودك يسعدنى

شقلوطة
و انتى طيبة ونورماندى بخير
و فعلا اغنية تستاهل
و انا سعيد برضه

ملكة
و انتى طيبة و بخير و محدش يبقى حزين خالص

منورة
يا منار ربنا يخليكى و تكون كل سنينك انتى كمان سعيدة جدا و مش مأثرة ولا حاجة و منورانى جدااا بجد فرحان

غمض عنيك
و انت طيب يا باشا

عطشان
مدونتى و اعمل اللى يعجبنى يا ريس ولا ايه؟؟
اه بس برضه حزين جدا سعيد جامدة
و كفاية بقى على موضوع التأخير ده انت عارف الظروف ساعتها

سكوت هنصوت يقول...

بصرف النظر عن الاغنية

فحكاية الست العجوزة دي مستني قوي

يمكن عشان انا خبطت مرة واحد بالعربية

وكان هيموت

بس ربنا سترها معايا

احساس بشع يا صديقي العزيز

لا اظن ان حد ممكن يعيش بيه بقية عمرة

انك تعيش و في رقبتك بني ادم..يا عالم هتحاسب عليه يوم القيامة ولا لأ

انك تفضل تحاسب نفسك مليون مرة في اليوم

يا ترى انا كنت ماشي بسرعة..هو انا كنت سرحان؟؟!!

و تنام و انت بتحس بالعربية بتخبطك انت

تتصور شكل مراتة لابسة اسود في اسود و بتدعي على الي حرمها من حبيبها

او تتخيل بنتة في فرحها و عنيها بتدمع ان حد قتل ابوها و حرمها من فرحتها يوم كتب كتابها

احساس بشع...حقيقي بشع

ربنا ما يكتبة على حد ابدا

يا مصر اكتب إليكي رسائلي يقول...

يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير

يا مصر اكتب إليكي رسائلي يقول...

��� ��� ��� �� ������� �� ������

حسن ارابيسك يقول...

دخلت انت كده
على شغل سريالي
عيد ميلاد على ميكروباص على ورد علىاموات علىناس بتموت على الأسفلت على احساس على لون الدم على بكرة
كل سنة وعقبال الف سنة بعيده عن اي معاناة

محمد ياسر يقول...

سكوت هنصوت
الحمد لله انها جت سليمة و احيانا الدنيا بتخلينا نعمل حاجات ممكن ميكونش لينا ذنب برضه بس الظروف

يا مصر اكتب اليكى رسائلى
شكرا يا فندم
رمضان كريم

حسن ارابيسك
ههههههه سريالى مين انا معرفوش ايه التهمة دى ؟!!بس اعمل ايه هو البوست طلع كده مع انى مكنتش عايزه كده
وانت طيب و بخير جدا

بحب السيما يقول...

كل سنة وانت طيب يامحمد وعقبال مليون سنة والحزن حيفضل معانا طول مشوار حياتنا بس المهم اننا نكون لسه قادرين اننا فى الحزن نضحك

hana يقول...

كل سنه و انت طيب

ودايما سعيد وكل حاجة فى عنيك تبقى أحلى

frozen love يقول...

كل سنة وانت طيب

حفلة الصحبجيةالرابعة وعيد ميلادها يوم الاتنين الجاي 10 \9 \2007
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة
...
ebst elso7bageya klha ht7tfl m3ak..lool..cu there isa

محمد ياسر يقول...

بحب السيما
و انت طيب يا باشا و اكيد انا لسه قادر فى الحزن افرح

هنا
و انتى طيبة و بخير اشكرك و متنسيناش

فروزن لوف
و انا نفسى اقابل كل المدونين قول يا رب اجى فى الظروف اللى انا فيها دى

wa7dania يقول...

كل سنة وإنت طيب يا طيب
وكل سنة وإحنا طيبين بوجودك معانا و وسطينا
أنا قررت أسمع الغنوة دي مادام عاجباك كده
كل سنة وإنت طيب و يا رب العمر كله سعادة وهنا
اللهم آمين
منى

محمد ياسر يقول...

و انتى طيبة يا منى يا جميلة
ربنا يخليكى

غير معرف يقول...

~..........................................