الأحد، سبتمبر 09، 2007

حمادة .. شعار مش هنسافر مش هنسيب .. اراء عن السفر ولا البلد

حمادة واحد مصرى معرفوش شاف فى مدونتى الشعار بتاع مش هنسافر و علق عليه فى الشات بوكس اللى على جنبك اليمين ده و كانت رسالته هى

فى شعار محطوت فى اخر ص الصفه فى الموقع يارت تشفه الى مكتبوب هوا (( بنحب مصر مش هنبطل مش هنسافر مش هنسيب ) يارت اعرف مين الى عتبه عشان اقله انت حمار عشان كلانا كد بنتمنا نسارف او نسيب
هو احنا لينا ايه هنا ممكن وحد بس مش شباب مصر يقلى هو ليه ايه هنا هنا بنخد على قفانه بس بنسرق ادم عنينا عوزين ايه تانى من هنا لزم نسيب هنا
يارت يكون فى حد يقرا الرساله دى يكلمنى على الاميل ويقلا احنا لينا ايه هنا

دى كانت رسالته و كان ممكن اقراها و مقولش اكتر من انهم حمير اللى بيسيبوا البلد مش اللى عايز يقعد زى ما بيقول عليا بما انى واحد من اللى حاطين الشعار ده
لكن اللى خلانى اكتب بقى انه طلب حد يرد عليه و يقوله لينا ايه هنا يعنى كويس اهو عايز يتعلم و يعرف و انا بقى هقوله و بما انه سايبها مفتوحة للرد و سايب ايميله فانا ادعو كل الناس انهم يردوا عليه هنا فى البوست او لو عايز يراسله ايميله اللى هو سابه
hmada1-love_2010@yahoo.com

ردى بقى
اولا انت جمعت و قلت كلنا بنتمنى نسافر وانا من حقى اقولك برضه ان فى كتييير مش عايزين يسافروا
ثانيا بقى سؤالك احنا لينا ايه هنا و احنا بنتسرق وبيتعمل فينا حاجات وحشة وكل الكلام ده ماشى يا عم بس قبل ما اقولك ردى فى لينا ايه احب اقولك اولا و اخيرا
اذا كنت انت مش محتاجها و ملكش حاجة فيها فهى كمان مش محتاجاك ولا مستنياك فاتفضل بالسلامة لاهى باظت ولا خربت لما انت تسيبها فى اللى عايزين يقعدوا يعملوا فيها حاجة حتى لو معرفوش يكفيهم محاولتهم شئ كبير قدموه
اما بقى ليك ايه فى البلد دى مش هقولك اهلك و ابوك و امك و المجتمع ماشى سيبهم بس شوف البلد اللى انت هتروحها دى لما تروح و يمسكوك فى اى حاجة ولا لما تحتاج حاجة هترجع هنا ولا لا هتلاقى مين هناك يساعدك و هما محدش يعرفك ولا مسئول عنك
شوف كمان الشغل اللى هتلاقيه برة والحياه اللى هتعيشها وسط مجتمع كله غريب عنك و هتربى ولادك معاهم اكيد هيكونوا اتربوا زيهم معرفش يمكن تكون راضى بحاجة زى دى
انت ليك هنا كل حاجة حتى لو بيتاخد من حقك كتير بس انت لسه ليك ولما حد يكلمك انت فى بلدك ليك مليون صرفة اما برة بقى قلى حاجة واحدة ليك هناك الحاجة الوحيدة يمكن يعنى الفلوس و مش بالساهل طبعا و لو انت شايفها كل حاجة يبقى موضوع تانى و مع ذلك انت هنا لو اتعينت فوظيفة محترمة هتعيش كويس والوظايف موجودة
و بعدين لما كله هيسيب البلد مين بقى اللى هيقعد فيها ولا هى تبقى باظت مننا و احنا سكتنا وسيبناها و فى الاخر نقول اصل لينا ايه

اكيد ده مش كل كلامى بس ده اللى فى بالى دلوقتى و كل واحد ليه تعليق انا مستنيه و هبعت لحمادة بكلامى و تعليقات اى حد و فى الاخر متنساش ان البلد مش مستنياك ولا واقفة عليك بس انت اللى هتكسب او تخسر

و احب اختم بالعبقرى منير وهو بيقول
قلب الوطن مجروح لا يحتمل اكتر نهرب و فين هنروح لما الهموم تكتر ...... لو قلبى عاد ضميه اديه حنان و داديه ده الصمت مش لينا فين الولد ما يروح لازم يعود اسمر................ اسمعوها بقى كلها

هناك 8 تعليقات:

حسن ارابيسك يقول...

ايه ياعم محمد ضرب النار ده
ده انت افحمت الراجل
مشكلة الراجل هي الخلط بين النظام وبين البلد اللي اتربينا فيها واحنا حته منها وهي حته مننا بكل مافيها من تناقضات
ولازم تعذره لان التجربة بتعلم حاجات كتير
فبكره هايتعلم
وارحم شويه الراجل واعذره

Daisy يقول...

enta 3aref ya mohamed kan dayman feeh 7aga bafakkar feeha heyya el 2ayah elly bet2ool feema ma3nah enn ard Allah was3a w ennena momken nebtedy men gedeed f makan tany zay ayyam hegret el rasool (3aleh elsalat w elsalam)
e7na ben7awel, 3ashan mabda2 el ensan 7'ala2o men e7teyago leeh... mabda2 el entema2...
w motamassekeen beeh 3ashan e7na elly 3alleina ma2amo w 7arebna 3ashano..
e7na mnein w benentemy le eh..

fa bel 3a2l kda, law 7ad 7abb yehager w yseeb el balad, lazem yekun waqe3 3aleh zolm kbeer awi ma2dersh y7arbo.. zay el ta3zeeb wel 2abd 3la el nas beshakl motawasel yehadded amnohom..
laken madam lessa ma7asalsh keda yeb2a men wagebna nefdal w n7awel yemken e7na nezra3 el amal fe geel aqwa w bardo y3'ayyar feeha...

غمض عينيك يقول...

كلامك تمام يا باشا
الواحد مهما اتبهدل هنا فهو في بلده وسط اهله
اي نعم متبهدل وطلعان عينه وعين اهله بس بردو هيجي وقت ويحس بالدفا
انما الغربة مخيفة..ويوله اللي يتوه فيه

تحياتي ليك
وكل سنة وانت طيب
محمد سمير

Rania يقول...

مع احترامى الشديـــــد لوجه نظرك
بس انا اكيد عذرة الاخ الى عايز يسافر و يسيب بلدة

ايوة اكيد عزارة اكيد الى شافه اكتر من الى انت شفاته
احتمال مش لاقى شغل
احتمال اتبهدل من ظابط
احتمال يكون حد من اهله راح ورا الشمس
شعب مصر و شاباها معتش عارف يعمل ايه
و عارف يا محمد
لو فكرت او تخيلت انك تجيلك فرصة للسفر بره بدخل كبير قوى
اعتقد انك هتفكر تسيبها ايوة هتفكر تسيب مصر
و هتقولى نفس الكلام الى قالوه اخونا
هى مصر بقت لينا
ما احنا فى غربة فى بلدناااااا
لك كل الحق فى انك تقول مش هنسيبها و هنسافر
بس اعتقد لو اتعرضت لاى ازمة هتفكر تسيبها و تسافر بردة
مع اعلم انى بردة مش عايزة اسيبها و بحبها و بمووت فيها
بس خايفة يجى اليوم الى بردة اقول هى ادتنا ايه
؟
تحياتى
و رمضان كريم

محمد ياسر يقول...

حسن ارابيسك
لا ضرب نار ولا حاجة و انا بتكلم فى الموضوع من غير ضرب نار و فعلا هو خلط بين النظام و البلد
و مش قصدى اكلم الراجل وحش ولا بضرب نار
تحياتى

ديزى
يا بنتى صعب عليا اوى اقرا و استوعب كل الكلام ده مرة واحدة عشان فرانكو بس انا قريته طبعا
بس احنا مش مستنيين تعذيب يحصل لينا عشان نقرر نمشى

غمض عنيك
اشكرك وفعلا فين الولد ما يروح لازم يعود اسمر

رانيا
و انا كمان عذره بس مكونش طايق للدرجة دى و انا كنت فى فترة زيه كده بفكر السفر احسن
و انتى بتقولى لو جت فرصة للسفر بدخل كبير مش هقولك انى مش هروح لكن اكيد بجد مش هستمر شوية كده و هرجع مقدرش يعنى
بس عارفة بقى عمرى ما هقول ادتنا ايه ؟ و لا همشى عشان طفشان و مش طايق

و تحياتى للكل

wa7dania يقول...

الله عليك يا محمد
اتكلمت في موضوع جامد جدا
أنا فعلا بحييك عليه
وعلى غنوة منير الهايلة
الهايلة
تحياتي عزيزي
منى

غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

غير معرف يقول...

~..........................................