الأحد، أكتوبر 07، 2007

تاج عليه القيمة

تانى مرة اكتبه الله يخرب بيت النت
لو قالولك اختار عصر من عصور مصرعلشان تعيش فيه تختار اى ‏عصر و فى عهد اى حاكم .. واشمعنى؟

هختار من قريب مش بعيد الستينات والسبعينات كده
اعيش ايام الحروب النكسة والنصر و عبد الناصر وحليم
او ايام الفتح الاسلامى لمصر
اول ‏اولويه فى حياتك عيلتك ولا شغلك ولا اصحابك؟

الطبيعى يتقال عيلتى بس اصحابى يعتبروا عيلتى برضه
ايه اكتر ‏حاجه بتحبها فى رمضان؟

اكيد العبادة والقرب من ربنا دى احسن حاجة و اللى بنحاول نعملها يا رب نتوفق
بحب القطايف بستناها من رمضان لرمضان
اوصف ليا ‏اجمل فطار ممكن تفطره ؟

اجمل فطار مش فى الاكل فى الناس اللى بتفطر معاهم لما يبقوا حبايبك واصحابك اوى
اما لو الاكل فانا بعشق الملوخية
لو انت ‏حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم ‏عادل؟
مش ببالغ لكن هكون مبعرفش النوم طول ما فى واحد مظلوم

الحكم العادل على الناس ده اصعب حاجة و كل يوم هشك فى نفسى عدلت ولا لا و عشان اتأكد الناس كمان تحاكمى و تقومنى
اللى بيبوظ الحكام .. نفسهم؟ ولا الشعب؟ ‏ولا الحاشيه المقربه؟
التلاتة

نفسهم اللى شيطان بيغويها و هما بيضعفوا ليه
و الشعب اللى بيسكت ويرضى باى حاجة فبيزود قوة الحكام كظلم
و الحاشية طبعا لمصلحتهم فبيسمع كل كلامهم و ينطرش عن الشعب اللى المفروض يسمعهم
مين ‏أكتر اعلامي مصري بتحترمه؟

منى الشاذلى و محمود سعد
قريت ديوان عمر مصطفى صاحب بلوج تجربه " اسباب وجيهه للفرح" ‏عن دار ملامح و لا لسه ؟؟

لا ليه؟!!
لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ‏ايه؟

كان بيجيلى احاسيس وتمنى ان اشتغل صحفى او كاتب وساعات محامى
بس انا سعيد اكتر انى معمارى الحمد لله
ايه تانى بلد تتمنى تعيش فيها بعد ‏مصر؟

الموضوع ده مبيجيش فى بالى لانى مبخططش انى اعيش برة بس ممكن اقول المانيا
اوصف ليا ‏ترتيبات اجمل فرح ممكن تحضره؟
اجمل فرح لما يكون بسيط اوى و يكون كده راقى فى كل شئ مش مليان باغانى العنب و اخواتها لا اغانى راقية و اما يكون مفيش اكل انا مش هجيب الناس تاكل و يحصل زروطة ده مش فرح و ميكونش فى تصوير برضه كتير وكل المعازيم عايزة تصور مع العرسان و تسلم عليهم لا يعنى يعتبر الفرح كده كأنه حفلة
بتراعي ‏كلام الناس والقيل والقال؟ لو اه او لو لا قول لى ‏ليه؟
بسمعهم بس لو مش معاهم يبقى طز فى كلامهم ما دام شايفنى صح او راضى

المشكلة ان لسه بنخاف كلام الناس و بنحاول منعملش حاجة تثير كلامهم حتى لو حاجة شايفينها مفيهاش مشاكل
صحيت من النوم ما لقيتش الموبايل ولا الكمبيوتر ولا ‏الكاميرا الديجيتال ولقيتنا ‏رجعنا لعصر الحمام الزاجل والحصنه هتكون سعيد؟
لا هتضايق جدا يعنى بعد كل التكنولوجيا دى ارجع كده مرة واحدة!!
السعاده ‏هى؟
الرضا والقناعة

القيمة للحياه
عندك أمل ‏؟؟ أسبابك ؟

اه عندى و ده لان مفيش حياه من غير امل
و ربك لما يريد احلامنا و امالنا هتتحقق ما دام عايشين
لما تحب ‏تهرب من كل شئ بتروح فين؟

السرير طبعا النوم احسن و اقوى هروب
رائع
امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟

انا لحقت يا عم !
اول ما تميت ال21 من شهر خلاص بقى كبرنا
هييييييييه دنيا مسئوليات بقى
لما ‏بتعمل عمل خيرى بيكون ايه هو دافعك الاول؟
رضا ربى و راحة نفسية
بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه ‏؟
لا و متفرقش معايا ولد من بنت هى هياها باضرارها و كرهى ليها سواء فى ايد ولد ولا بنت

هى مجرد فعل احمق من كل انسان يفعله
بتعرف ‏ايدك اليمين من الشمال ازاي؟
الشمال باكل و بكتب بيها طبعا
ايه اكتر ‏اله موسيقيه بتحبها ؟ ؟
العود و الجيتار والدرامز

احتمال اقول كل الالات !!
فى رأيك ليه الذوق والنخوه ‏اتعدموا؟

لان الناس اتغيرت و مبقاش فيها صبر ولا تحمل لبعض كله فى نفسه و بس مبقيناش جماعة كل واحد عايز يبقى لوحده ولان مفيش تسامح
ايه ‏الحاجه اللى لو حصلتلك تبقى سعيد قوى؟؟
مش عارف طول عمرى بدور عليها !! يمكن لما احب مثلا اصلى معملتهاش قبل كده

او لما اتخرج و اعمل عمل يكون فخر ليا و اشوف رد فعل سعيد للناس فى ايه احسن من كده
تختار ‏يبقى عندك...ارض زراعيه ولا اجنس عربيات و لا كام عماره و لا فلوس فى ‏البنك؟؟؟

اختار فلوس فى البنك هعمل بيها احسن من ال3 اختيارات دول
البحر و ‏لا النيل؟؟

اللسان اللى بيجمعهم
مركب و ‏لا طياره؟؟

بما انى فى مشروع تخرجى وهو مطار يبقى اكيد الطيارة
مجنون و لا ‏عاقل؟؟

مجنون و جناني ده عين العقل
تقرأ ‏كتاب و لا تتفرج عليه فيلم؟
هقرا الكتاب فهيعملى احسن فيلم ليه و بعدين هشوف الفيلم اتعمل ازاى
بتمرر ‏التاج لمين؟؟؟

لكل الناس وكل واحد عايز يتفضله اكون سعيد


و فى النهاية اشكر محمد سمير غمض عنيك اللى خدت منه التاج ده

هناك 14 تعليقًا:

wa7dania يقول...

بسم الله
عزيزي محمد
دايما متميز في كل حاجة
على فكرة
إجاباتك قريبة من اللي في بالي
لدرجة إني دهشت
تحياتي ليك
يا شاعر يا جميل النفس
والروح
منى

sa'7so'7te يقول...

الاسئلة جميله جدا
و اجاباتك اجمل بجد

تحياتى

hana يقول...

بجد اجاباتك جميلة اوى
شخصية كثير متميزة
واسلوبها راقى
مستنيين تاجاات تانية

كثيييير
تحياتى لك

محمد ياسر يقول...

منى الوحدانية
ربنا يخليكى و سعيد للتشابه الجامد ده لانك انسانة جميلة

sa'7so'7te
اشكرك جدا و اتمنى تزورينى تانى و دايما

هنا
اشكرك جدا يا هنا و ربنا يخليكى وتزورينى دايما

Banota يقول...

اجاباتك حلوة
:D

إيما يقول...

كل سنة وأنت طيب يا محمد
:)
عيد سعيد عليك وعلي أسرتك وعلي كل المسلمين يا رب

ملكة يقول...

تصدق يا محمد؟
التاج ده عاجبني أوي برضو لدرجة بفكر أشحته منك لفة وأجاوب عليه:)
اجاباتك جميلة ومبدعة قوي

كل سنة وانت طيب:)

محمد ياسر يقول...

بنوتة
ربنا يخليكى وزورينى دايما

ايما
و انتى طيبة وبخير و عيد سعيد عليكى برضه

ملكة
اتفضلى يا ملكة هو فعلا تاج جميل و هستناكى تعمليه و اقراه
و كل سنة وانتى طيبة
ومنورانى

simple girl.. ..simple dream يقول...

would u plz visit my blog and participate in my poll
i really need ur opinion


with my best regards

ياسر شمس الدين يقول...

فل يا محمد يا ياسر

سكوت هنصوت يقول...

إجابات لطيفة قوي

خصوصا الكتاب الي هيبقى فيلم

بس يا أخي بالذمة هو عصر الستينات والسبعينات ده يستاهل يتعاش فيه

ده كان عصر منيل...

محمد ياسر يقول...

سوبر جيرل
حصل يا فندم
منورانى

ياسر شمس الدين
فل عليك يا باشا
منورنى

سكوت هنصوت
اشكرك
و معلش بقى بس كنت عايز اعيش ايام الحرب النكسة والهزيمة و الدنيا دى
منورانى

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

غير معرف يقول...

~..........................................