الاثنين، مارس 03، 2008

عن قصيدة مفيش كوكو.. لعلي سلامة

قريت انهاردة قصيدة شاعرى المفضل و صديقى العزيز الفخور به دائما على سلامة و القصيدة بتقول
أخر كلام يا عم..
طعام..
يعني مم..
يعني علي سبيل المثال..
سندويتشات..
وأرجوكو..
ماحدش يجيب سيرة الكوكو..
قدام العيال..
وكوكو للي مش عارف..
يعني دجاج..
يعني شوربة..
يعني ظفر..
معقول ده محتاج..
عقد عمل..
وغربة..
وسفر..
عارف..
لسه شوارعنا بتخاف من المطر..
ومطر للي مش عارف..
يعني خير..
إزاي ف بلدنا الخير..
أصبح خطر..

اكتر ما عجبنى فى القصيدة ان فكرةالمطر اللى اصبح خطر فى بلدنا و مهواش خير الفكرة دى كانت فى دماغى جدا من قبل ما اقرا القصيدة انهاردة خاصة فى ايام المطر اللى فاتت و كنت بقول ان الارض مبقتش عايزة المطر و ان السما اللى كلها خير و بتنزل المطر الارض بقت رفضاها
الجميل بقى انى الاقى علي كتب الكلام من غير ما اقوله و لا حاجة يعنى على بيكتب شعور الناس من غير ما يقولوا و بيحس بكل حاجة ممكن يحسوها

بالمناسبة دى تابعوا على سلامة كل يوم قصيدة فى جريدة المصرى اليوم

هناك 5 تعليقات:

Davinci يقول...

المصري اليوم؟!
متأكد؟
هو مش كان بيكتب في الدستور ويطل عشان اشتغل في شركة بترول؟!
يمكن بقى يكتب في المصري اليوم.. هشوف..
مش باحب كل شعره.. لكن المقطع ده حلو..
تحياتي يا باشا :)

محمد ياسر يقول...

دافنشى

ايوه المصرى اليوم
هو اصلا شغال فى شركة بترول قبل كل حاجة وفعلا كان فى الدستور و وقف فترة ودلوقتى رجع للصحافة بس مع المصرى

تحياتى

غير معرف يقول...

فى حاجة غريبة فى مدونتك
كل ما انوى اكتب مشاركة النت يفصل

نفسى اعرف هو ليه ساب الدستور و انتقل للمصرى اليوم
بقيت احس ان المصرى اليوم ذى الاهلى بتخطف اى كاتب او شاعر لامع
هو خسارة كبيرة للدستور
لكن على اى حال مش هتفرق معانا اهم حاجة انه يكتب و خلاص

shubra

قصيدة يقول...

قصيدة اكثر من رائعة يعطيك العافية

غير معرف يقول...

~..........................................