الخميس، مارس 06، 2008

تدخل للاهم

عندما تموت بنت مصرية لمجرد انها خرجت من بيتها فوجدها عسكرى اسرائيلى و اطلق الرصاص فماتت..
عندما يموت اربعة اشخاص فى طابور للعيش مجرد طلب للعيش يصبح ازمة و مأساه بل و الموت فى سبيله ..

فلا تجد سوى تدخل للرئيس لحل مشكلة الحضرى !!!!!!!!!!!!!

هناك 13 تعليقًا:

L.G. يقول...

عندك حق مش بالذمة مسخرة والله مسخرة
حسبنا الله حسبنا الله حسبنا الله ونعم الوكيل نعم المولى ونعم النصير

Yasser يقول...

طبيعي يابني
ركز كدة
الحضري جاب لنا بطولة افريقيا مرتين
رغيف العيش جايب لنا وجع الدماغ
والبنت اللي خرجت جابت لنا بلاوي
يبقى انت عاوزه يسيب الحضري بذات نفسه ويبص للصغائر دي

معترض على ايه
الدنيا زي الحلاوة واخر ميت فل وعشرة

واحد مش فاهم حاجة يقول...

ارقص يا حضرى

قد اية الكلام بقى بيوجع

momken يقول...

عندما يكون الناس هم اخر الاهتمامات

وتكون المشكلات فى خيالى المريض وخيالك الواسع
يهتم الوالى بتلك التفاهات

تحياتى

إيما يقول...

لا تعليق حقيقة يا محمد
حسبي الله ونعم الوكيل فعلا!!

semsem يقول...

فعلا جدا خالص

لا املك الا \

حسبى الله ونعم الوكيل

بيقولوا سايكو يقول...

يعنى اللى ماتوا دول ما فى زيهم ملايين فى مصر .. و رصاصة إسرائيل دى نيران صديقة... لكن مفيش غير حضرى واحد بس بيعرف يرقص .. شغلوا مخكوا شوية يا عالم و بطلوا حقد ع الفاضى

oceaneyes يقول...

:D

المفروض ان دى حاجة تبكى وتخلينا مكسوفين من نفسنا ومطاطين رؤوسنا

بس الغريب ان ده اصبح يدعو للضحك ..مش جايز ينفث عن شوية من اللى جوانا من هموم ؟؟؟


تحياتى


:)

mohamed sabry يقول...

شوف يا عم زيزو انت عارف انا اد ايه اكتر واحد مصمم اني اغور من البلد دي و اسيبها لانها خلاص بتقفل و بتجيب ضرفها الرغيف ابو شلن ده تنساه انا انهارده جبت رغيف عيش اقسم بالله بي 50 قرش !!!!! جبت 6 ارغفه بي 3 جنيه
المشكله مش فينا احنا المشكله في العمال مثلا
الناس الغلابه هتاكل ايه طيب
وزي ماقال اخويا ياسر الحضري جابلنا بطولتين العيش جابلنا ايه بقي وجع الدماغ و بجد لا تعليق يعني و هنتكلم في ايه ولا في ايه البلد خلاااص كانك كنت قاعد في كافييه كده و جم بيقولولك
هررررررررررررررر برررررره يلا جبرت كده شطبنا
سلام يا زيزيو اشوفك في نكاتو

نيران يقول...

اهو الراجل عمل اللي عليه عشان ما تزعلوش يا جماعة، و قال للحكومة.. انا مش هاقبل بحجج

الجيش و الشرطة هايحلوا لنا المشكلة

هايقبضوا على كل اللي في طوابير العيش :)


و الحكومة حرمت تعمل كدا تاني، عشان الريس ما يزعلش منهم و يضربهم على ايدهم و يقول لهم كخ كدا، الناس بتتعور واوا في الطوابير

و ينزل النشيد الوطني، للمطربة الوطنية ، تغني في الطوابير للمصابين المتعورين

بوس الواوا


آآه يا بلد

sonia يقول...

يعنى جمال عبد الناصر لما كان مصرى واحد يتسجن فى اى بلد عربى كان بيقوم الدنيا ويقعدها ويلم كل العرب اللى فى مصر ويرهنهم وكان بيقول للرؤساء العرب (ولادى يرجعو)دول اللى هما المصريين اللى فى السجون بره..ودلوأتى المصريين مرميين فى السجون بره والمعتقلات وبينفز عليهم الاعدام كمان وعادى يعنى .......مفيش حمايه..مش عارفه احنا مستنيين ايه يحصل اكتر من كدا عشان نقتنع ان الحكومه عماله تبيع وتشترى فينا واحنا بنستقبل كل قلم والتانى بصدر رحب .الله يرحمك ياعبد الناصر

barb michelen يقول...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

غير معرف يقول...

~..........................................