الأحد، أبريل 27، 2008

مش عارف

الحمد لله خلصت امتحانات و مش همتحن تانى ان شاء الله قولوا يا رب و مش ناقص غير مشروع التخرج ادعولى
و بماان دى فترة فراغ فبحاول اعمل حاجة او عايز اعمل بس مش عارف
ليه مش عارف؟
مش عارف
عايز اقرا و نفسى فعلا بس اجى اقرا الاقينى مش عارف الكتاب بيمشى بطئ كده و مش عيب فيه اعتقد
عايز انشر ديوان فيه كتاباتى اللى فى مدونتى التانية و غيرها بس مش عارف
حتى لو حد هيقول انه مش شعر انه خواطر او اى حاجة مش مهم
المهم انى مؤمن بكتاباتى دى و عشان كده حاسس انها تستحق تتنشر بس مش عارف
عايز اعمل اى حاجة فى الوقت ده و حاجة تبسطنى بس مش عارف
عايز اخرج و اقابل ناس بس معرفش فين و مع مين
عايز احب و اتحب بس مش عارف لان مفيش حد

اعمل ايه بقى دلوقتى
مش عاااارف

هناك 8 تعليقات:

نوبية جدا يقول...

أولا : السلام عليكم و رحمة الله

مدونتك لذيذة جدااااااا
قريت بعض الموضوعات , بجد جميلة قوى

اكتشفت المدونة لما كنت بادور على اغانى بلاك تيما
عجبنى قوى موضوع الماكيت ده زى اللى بيحصل معايا لأنى فى عمارة كمان
و ربنا معاك فى مشروع التخرج

بما انك مش عارف تعمل ايه !!! ايه رأيك تاخد مشروع من التلاتة اللى عليا
طبعا باهزر

محمد ياسر يقول...

ايه العقاب الفظيع ده
هههههههههه
انا ناقص مشاريع يا بنتى
الواحد ما صدق خلص اللى عنده

و انتى منورانى و اتمنى زيارتك دايما
انتى نوبية بقى حقيقي ولا قلبا بس يعنى ؟

نوبية جدا يقول...
أزال المؤلف هذا التعليق.
نوبية جدا يقول...

فعلا أنا نوبية بحق وحقيق , نوبية جدا كمان
بس تحفة قوى البنت ريم( تامر تيمو ), كل ما افتكر حواركم اضحك مع نفسى زى العاقلين
سؤال:
هى الباشمهندزة صاحبة مدونة شئ من بعيد مش بتكتب ليه , مدونتها جميلة بتتكلم بلسان حالى

محمد ياسر يقول...

منورانى يا نوبية و اهلا بالنوبة كلهم
يكفى انها طلعت منير

مش عارف ليه هى بطلت تكتب الحقيقة !! بس انتى كمان مش عاملة مدونة ليه

تحياتى

نوبية جدا يقول...

انا من 4 أو 5 أيام اكتشفت عالم المدونات
طبعا سمعت عنها قبل كده , لكنى اول مرة الاقى اللى يشدنى فيها
من يومها مش عارفة انام ولا اركز فى المشاريع
بافكر اعمل مدونة لكن مترددة و مشغولة

محمد ياسر يقول...

ربنا معاكى طبعا انا عارف كويس عمارة بتعمل ايه

بس اعملى مدونة برضه و اكتبى فى اى وقت يعنى

غير معرف يقول...

~..........................................