الأحد، يونيو 01، 2008

صحوبية

اكتر الحاجات اللى مبحبهاش لما يرتبط واحد بواحدة ان يسميها صاحبتى او اصحابه يسموها صاحبته ... افتكر انا ساعتها ان صاحبته دى يعنى صديقة مش اكتر عادى يعنى انما صاحبة يعنى حبيبة دى محبهاش ... حبيبة دى يعنى ارتباط يعنى خطوبة اى علاقة مش صحوبية ... و كمان بقى اما تلاقى بقى كل واحد و صاحبته يدوا بعض الباسورد للايميل و للفيس بوك كمان مثلا و قال ايه بقى عشان كل واحد يشوف مين بيبعتله ايه و عنده مين... ليه بقى يعنى ده ايه لازمته كل واحد بيعمل حاجة المفروض اصلا مراعى فيها التانى و بعدين فى ثقة مش اخد باسورد والكلام ده

هناك 11 تعليقًا:

Om LMriala Ko7ly.. يقول...

leh 7assa, ennak mesharrad le nas :D

عطشان يقول...

و البوق اللى يغيظك مدام تحس إنه قاعد فى بيتهم و هى خارجة من المطبخ بحلة المحشى :s

A.SAMIR يقول...

دايما عندي رأي في الموضوع دة
لما يقولوا فلانة صاحبة فلان او ان الاتنين مرتبطين اتخيل ارد فورا يعني ماشي معاها
دة رأيي...مفيش حاجة اسمها ارتباط الا الناس المخطوبة او المتزوجة
غير كدة اسمه ماشيين مع بعض
تحياتي

محمد ياسر يقول...

ام المريلة الكحلى
يا دى النيلة على الاتهامات ليه كده يا بنتى انا عملتلك حاجة!!
لا مشرد ولا غيره و الا ابقى مشرد لتلت اربع شباب مصر انا بتكلم عن شئ بيحصل مبيعجبنش و لا احب اكون بعمله ابدا
ده على فرض انى ارتبطت اصلا
منورانى

عطشان
بعد ما استدركت الرد و فهمت ان مدام دى يعنى صاحبته برضه و دى فعلا برضه تغيظ و تلخبط
يعنى اسمع انا كلمة مدام دى افتكر انها مدام بجد يعنى مراته خطيبته حتى مش مدام يعنى صاحبته !!!
منورنى يا ريس

ا سمير
هو ده بقى الكلام ارتباط يعنى مباشرة كده خطوبة مش صحوبية والكلام ده
هى فعلا اسمها ماشيين مع بعض
منورنى دايما

واحد مش فاهم حاجة يقول...

هو دى رومانسية التيك اوى

وانت حتة وانا حتة

بصراحة وبكل وضوح

انا بتقرف من المواقف دى

enjy يقول...

ايوة حضرتك صاحبته يعنى ماشى معاها مالهاش معنى تانى وماشى معاها معناها انه ماشى وشوية وهيروح بيته مش هيفضل ماشى معاها على طول دى حوارات كلها واللى يغيظ ان الطرفين بيبقوا عارفين انها حوارات بس مطنشين.. صباح الصحوبية البريئة

ساسوا يقول...

انته بتتكلم فى انه يقول صاحبتى ما بالك انته بقى الى يقولك دى البت الى انا ماشى معاها او تسمع مثلا مشين مع بعض الافاظ صعبه اوى مش فاهمه ليه البنت بتسمح انها يتقال عليها كده
اما بقى على الباس ورد ده فا دى قله ثقه وكمان ساعات بيبقى مش واثق فى نفسه فده مستحيل انه هيثق فى غيره اصلا

وكله لعب عيال

The Alien يقول...

إحنا عندنا لخبطة ف كل حاجة .. ودي واحدة منهم

هو فيه حفلة لمنير قريب؟
تحياتي

محمد ياسر يقول...

واحد مش فاهم حاجة
فعلا تيك اواى وانا كمان مبحبش الحاجات دى

انجى
يعنى هو بيبقى من احساسهم بالفراغ برضه
يمكن !

ساسوا
هى فعلا قلة ثقة يبقى ازاى بقى بيحبوا بعض و هما مش واثقين

الين
بيشوووو ازيك يا باشا؟
منير فى شهر 7

غير معرف يقول...

~..........................................

غير معرف يقول...

بصراحه الحب صرت اكرهو حرام الواحد يحب نفسي اقوم من الكبوس كان نفسي يكون حلم تمنياتي لجميع بتوفيق والنجاح اخوكم حموووود (المص_________ري)