السبت، يوليو 19، 2008

تاج عن النفس

عشان خاطر العزيزة بنورة مدونةهمس القلوب
مقدرش ارد طلبها عن اجابتى للتاج مع انه صعب جدا يمكن اصعب تاج اعمله
و هو سؤال واحد أن أذكر 16 صفة في نفسي

الهدوء فأنا كسكون الكتاب لا يتحدث الا اذا فتحته لتقرأ

التردد فمعظم احوالى و قراراتى اتردد كثيرا في اخذها و عندما افعل افكر من جديد هل كان من الافضل قرار اخر

الطيبة فلا اقابل الشر بالشر ربما بالخير حتى

ازرق حيث صفاء السماء و عطاء البحر و اثور مثله عند الغضب

قليل الثقة ليس فى غيري لكن فى نفسى

منير حيث افيض حبا و تعبيرا عن نفسى من خلال اغانيه

اصرار و صبر لا بأس به لعمل شئ او تعلمه او حتى تحمله

صدوق فاصادق كل من يريد صداقتى و احب الجميع

يملكنى خوف من ردود الافعال عموما و من الدنيا

تائه احيانا حيث لا ادرى كيف استقر و اقرر ما اريد حتى لو لم يرض احد و لكن ما زلت حالم

مواجه بالحقيقة فقط ان وجدت من امامى يريدنى اواجهه صدقا

كثير التعلم حيث محبتى لتعلم كثير من الاشياء فى مجالات متعددة

مسامح زى نبع الحب صافى

نفس تحتاج زيادة الايمان بالفعل

بتمنى حد وانا وحيد... مستنى حد يكون عيونى احضنها جامد اوى بجفونى

عصفور متدلع ... ولان محدش كلمنى انا بمشى على شاطئ حزنى و كأن العالم مش ملكى

------------
و فى النهاية بقول

لو هقدر اغير راح اغير لو مش قادر انا لازم اغير و اتغير

و انتو طبعا كتير منكم عارفنى كويس ممكن يعدل فى اللى قولته و يقول هو شايفنى ازاى

و التاج ده لكل من يحب تدبيس نفسه


هناك 11 تعليقًا:

enjy يقول...

يا ترى يا هل ترى انا اول تعليق وللا انت عامل مودريشن؟؟؟؟؟؟؟؟؟؟؟؟؟؟
اوك ما علينا المهم حلوة الاجابات واضح انك صادق مع نفسك يعنى ربنا يوفقك يا محمد يا ابو ياسر هابقى اسيب لك ال2.5 جنيه فى الحصالة بتاعة المدونة

enjy يقول...

طلعت اول تعليق ايه الحلاوة دى؟؟؟ ياترى اغلس واعلق تانى وللا اعتقك؟ هافكر واجى اقولك فى تعليق تانى

enjy يقول...

اوك انا قررت اغلس وارخم واجى اعلق تانى بس هاعلق اقول ايييييييييييه؟؟؟
ازيك يا باشمهندزززززز ... كفاية كدة رخامة عليك بقى غلبان

enjy يقول...

احم احم وحشتنى من 3 ثوانى قلت اجى اسلم

نهر الحب يقول...

حلو التاج
والاجابات كمان
دى اول مرة لى هنا فى مدونتك
وعجبتنى جاباتك
بالتوفيق يارب

محمد ياسر يقول...

انجى
ههههههههههه
ايه يا بنتى التعليقات دى كلها كده هتكلفك دى برضه

و اشكرك لردودك كلها و ربنا يخليكى و انا عايز الحصالة دى على اخر السنة تكون لمت كتيييييير يمكن اجيب شقة بيهم ولا حاجة

اه اول و تانى وتالت و رابع
بس منورانى و الله و التاج ده بقى مطلوب تعمليه و معليهوش اتنين ونص البوست ده ببلاش

نهر الحب
ربنا يخليكى يا رب و ما دام عجبك اعمليه
واتمنى دايما تزورينى

تحياتى

ساعد نسرين الايمن يقول...

ازيك يا باشمهندس

اخبارك ايه ؟
تاجك حلو زيك
بس 16 صفة ده كتير

beroo يقول...

مش هقول اكتر من جمب الحاجات دي انت تملك صفات احلي كتير
بيروو

من اجل عينيك يقول...

يا الهي انت رقيق كنسمات الهواء

تعبير دقيق عن النفس

لا يوجد صفتين متناقضتين ابدا

انت صادق تماما

محمد ياسر يقول...

ساعد نسرين الايمن
انا تمام يا جميل
انت ازيك
مش انا اللى قولت 16 دى اتفرضت عليا

بيروو
ربنا يخليكى بجد انتى اللى تملكى الصفات الاحلى

من اجل عينيك
مش عارف اقولك ايه ولا ارد عليكى ازاى
بجد اشكرك جدا و ربنا يخليكى و منورانى يا رب اشوفك دايما

غير معرف يقول...

~..........................................