الثلاثاء، سبتمبر 02، 2008

تاج من تانى فى سؤال لاسراري

التاج من صديقى العزيز فنان فقير
http://fannanfakir.blogspot.com/

السؤال بيقول
اذكر ستة أسرار قد لا يكتشفها من يحدثك لأول مرة

هو من الصعوبة مش عارف ارد

بس هحاول يعنى

ممكن اقول انه هيكتشف انى هادى اوى لكن مش هيعرف انى مجنون من اول مرة

انى اشول بكتب و باكل بشمالى و دى قليل اللى بياخد باله من اول مرة

بالتالى بلبس الساعة فى اليمين و محدش بياخد باله برضه كتير

من الحاجات اللى بكرهها فعلا الحلاقة عشان كده بسيب شعرى شهرين تلاتة لو اكتر ميهمنيش لحد ما الاقى البيت بيطالبنى احلق و
كذلك دقنى هى مرة واحدة فى الاسبوع بحلقها و مرضاش اكتر من مرة فى الاسبوع ابدا

انى على قناعات بحاجات و اراء ممكن تخالف العامة يعنى بكون مخالف فيها اهلى نفسهم

انى خجول بجد و عندى كده زى صعوبة اما اكلم ناس خاصة لاول مرة الا لو اتعودنا على بعض على طول و لو بنت اللى اتعرفت عليها ببقى فعلا اللى هو خجل على الاخر بقى بس بعد كده لو فى صداقة يبقى الكلام بينا عادى بقى


كان فى تاج تانى قديم مكملتوش محطوط درافت انزله بقى معاه هتلاقوه تحت

كعادتى امرر لمن يريده
فليعتبر الكل



هناك 8 تعليقات:

enjy يقول...

ازيييييييييييك هو انت مش بترد على التعليقات ليه؟؟؟؟
ما علييييييييينا مش مهم المهم حلو اجاباتك بس ازاى بتعرف تبص فى الساعة وهى فى اليمين؟؟؟؟؟
يا عييييييييينى على الناس اللى بيضطروا يشوفوك وانت مش حالق لمدة 3 شهور حرام عليك دة كدة يبقى تعذيب نازى ما علينا المهم كل سنة وانت طيب

إيما يقول...

قبل ما أعلق علي التدوينة عايزة أقولك كل سنة وأنت طيب يا محمد عقبال 100 سنة :) ..يا رب تكون سنة جميلة ومفرحة بالذات إن عيد ميلادك في رمضان يعني بداية جميلة للسنة :)
الاجابات بقي علي التاج ...طبعا أغلبها متناسب مع شخصيتك الجميلة يا محمد لدرجة إني حسيت إنها مش أسرار :)

كل سنة وأنت طيب مرة كمان :)

محمد ياسر يقول...

انجى
الحمد لله تمام
الحقيقة انا بمزاج كده او حسب لو فى داعي ارد على التعليقات او لا
زى اللى بيبص و هى فى الشمال بالظبط !!
هو مبيبقاش شعرى طويل للدرجة يعنى بيبقى كويس برضه
بالنسبة ليا يعنى

و انتى طيبة وبخير

اختى العزيزة ايما مقتنع انك اختى زى ما اخت اوسو

و انتى طيبة و بخير و ان شاء الله تكون سنة مفرحة فعلا فى كل حاجة
حلو موضوع انها متناسبة مع شخصيتى الحمد لله بس لو حسيتى انها مش اسرار اجيبلك منين اسرار بقى هههههه

و انتى طيبة و بخير و دايما فى نجاح و سعادة

أم المريلة كحلى يقول...

ah ana balbes el sa3a fel yemeeen brdo

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

شقاوة بنوتة يقول...

مدونتك جامدة جدا ودماغك حلوة ومستنياك تزور مدونتي

محمد ياسر يقول...

ام المريلة الكحلى
شول زى بعض بقى يا نهال
منورانى

شقاوة بنوتة
اشكرك جدا و هزورها حاضر
و منورة المدونة

غير معرف يقول...

~..........................................