الخميس، أكتوبر 02، 2008

عيد سعيد ان شاء الله و يا رب نكون بلغنا رمضان

- على الرغم من ان رمضان مبقاش رمضان فى احساسى الداخلى و محستوش لكن يا رب نكون قدرنا نعمل فيه حاجة و ربنا يتوب علينا
- لما تكون فى مصلحة حكومية من اى المصالح و تلاقى 3 او 4 على الاقل واقفين و الموظف سايبهم و قاعد على مكتبه بيقرا فى القران و الناس تتذنب شوية عشان خاطره يبقى اكيد ان الموظف ده مش هياخد ثواب القران اللى هو بيقراه ده و كمان ممكن يرد كده بالعافية و هو عمال يكمل قراية برضه
هو مش كل حاجة ليها وقتها ولا ايه و لا هو يعنى مش هياخد ثواب اما يقضى شغله بجد
- فرحة العيد ليا مش فى زيارات القرايب لانها انقطعت تقريبا بقت يا دوب من بعيد و مفيش لمة ولا فى اى حاجة
-اكتر فرحة بحسها فعلا هى وقت نزول صلاه العيد حتى لو كنت نازل لوحدي لانى بشوف اكتر عدد تجمع للناس بشوفه فى حياتى فى البلد دى و الشوارع كلها بتتملي بالناس و صوت تكبيرات الناس كلها فعلا احساس جميل هو ده ممكن يبقى فرحة العيد بس كده
- منكرش ان رمضان و العيد كانوا مختلفين جدا ليا السنة دى لان حصل حدث شخصي جميل ربنا يديمه عليا


هناك 4 تعليقات:

hodhoda يقول...

كل سنه وانت طيب يا امير الحكمه ويارب تكون كل السنين الى جايه حلوه وكلها سعاده .... الى انت بتقوله ده فعلا بيحصل فى اغلب المصالح الحكوميه المشكله انك لما تروح بعد رمضان مبتلاقيش غير اكل محطوط على التربيزات ومشاريب وسجاير يعنى فى رمضان فى غير رمضان لاقين لهم حاجه يشغلو نفسهم بيها عن الشغل ربنا يهدى الجميع ويعرفو ان العمل عباده ويجازينا كلنا خير يا رب ويتقبل اعمالنا

بيقولوا سايكو يقول...

كل سنة وانت طيب يا محمد ... أساسا أساسا الشئ الوحيد اللى باحافظ عليه فى العيد هو الصلاة بتاعت العيد ويمكن أشوف الخروف أو البقرة قبل ما تتدبح فى العيد الكبير .. غير كده بخ .. أصلا مش باشوف قرايبى لإننا فى بلد وهم فى بلد .. سيبك انت .. ربنا يديم عليك فرحتك :)

محمد ياسر يقول...

هدهده
ربنا يخليكي و كتير عليا فعلا لقب امير الحكمة
اه فعلا ده اللى بيحصل رمضان او غيره بيعرفوا يشغلوا نفسهم باى حاجة غير الشغل
عشان كده بنتقدم الحمد لله

بيقولوا سايكو
فعلا صلاه العيد هى الحاجة الوحيدة اللى باقية حلوة
و ربنا يجمع كل الاقارب و الاهل لكل الناس
اشكرك جدا و كل سنة و انتى طيبة
منوراني

غير معرف يقول...

~..........................................