الجمعة، أكتوبر 31، 2008

تضامن

تضامن اول
قضية نهي رشدى قضية التحرش التى تم الحكم بها على المتحرش ب3 سنوات و 5 الاف جنيه الان تعود القضية بسبب محامية تطلب الاستئناف لصالح المتهم و الحجة ان نهى طلعت اسرائيلية !!!
http://www.almasry-alyoum.com/article2.aspx?ArticleID=184484&IssueID=1209

و هنا لنا وقفة
يعني لو هى اسرائيلية يبقى حقه يمد ايده ولا يتحرش بيها؟؟
طيب و هو ماشى فى الشارع كده و لا عارفها اصلا يعني هيعرف ازاي انها اسرائيلية فيلا نتحرش بقى بيها
ده طبعا لو هى اسرائيلية لانها طبعا مش كده و هى ردت و قالت انها من اب فلسطيني و انها مولودة فى ليبيا كمان و كون ابوها من عرب 48 اللى ليهم جنسية اسرائيلية بس دول عرب زينا و مظلومين مش اسرائيلين
اكيد مش من حق اى حد يتحرش بحد بحجج انها لابسة قصير او انها من دولة اخرى ولو اسرائيل حتى او انها من ديانة مختلفة ولا اى حاجة تسمح بكده
عاوزين قوانين حاسمة فى الموضوع ده

تضامن ثاني
حادثة مترو راحت بسببها بنت عندها 25 سنة و ده لان (باقتباس من المصري اليوم ) أن السائق أغلق الباب بصورة سريعة علي قدمها اليسري في حين كانت هي في الخارج، وأن القطار سحبها ولم يتوقف رغم سقوطها علي القضبان
و النتيجة البنت اتقطعت و بعد ما قريت المقال ده من كام يوم
http://www.almasry-alyoum.com/article2.aspx?ArticleID=183577&IssueID=1203

يوم ما قريته انا قريت الخبر من هنا و بعدها على طول معملتش غير انى رحت قافل الكمبيوتر من غير ما اقفل اى حاجة كنت فاتحها و رحت قاريلها الفاتحة و داعيلها و داخل نايم
اى تعويض ممكن يكون لاهلها و فين المحاكمة للسواق و المسئولين عنه و الوزير نفسه له من المسئولية لازم يكون فى حل و موقف لحاجة زى دى

تضامن ثالث
مدرس قتل طالب لما ضربه شلوت فى بطنه اقرو الخبر
http://www.al-jazirah.com.sa/87103/ms7d.htm

المدرس قتله خطأ و مكنش قاصد غير الضرب طيب برضه مهو الضرب ده ممنوع تماما حرام يعني وبعدين اهو مات دلوقتي المدرس ده هياخدله كام سنة لقتل خطأ و شكرا طيب و اللى مات ده و اهله
طيب فين العقاب بجد للمدرس و المدير و الوزير برضه كمان

احداث مؤسفة كلها يا رب تترد الحقوق

هناك 6 تعليقات:

7okaaa يقول...

بالنسبه لموضوع قضيه التحرش فديه حاجه تضحك
بعد كده قبل ما أى حد يتحرش بواحده يبقى يشوف باسبورها لو مش مصريه تبقى خلاص مستباحه
طبعا حاجه تغيظ
بالنسبه لموضوع المترو فالعيب مش على السواق ده العيب فى الباب هوه اٍلى غلطان
وأنا من مكانى بطالب بتغير الباب اٍلى كان السبب فى قتل اٍنسانه بريئه
وربنا يصبر أهلها ويصبرنا
أما بالنسبه للمدرس اٍلى قتل طالب
فالغلط مش على المدرس الغلط على الطالب اٍزاى يروح المدرسه من غير ما يحل الواجب
وأنا بحذر أولياء الامور لو أبنك أو بنتك معملتش الواجب أوعى توديها المدرسه عشان هيقتلوهالك
وربنا يرحمه ويرحمنا

إيما يقول...

وأنا كمان عايزة أعلن التضامن زيك يا محمد ولو إني أعتقد إن الوقت بقي وقت إعلان الحداد علي البلد

عبد من عباد الله يقول...

بالنسبه للمدرس مش عارف اقول ايه غير انه سئ الحظ للأسف .....

اه هو الضرب غلط و ممنوع و كل حاجه بس هو في الاول و في الاخر زي اي حد فينا كان قاصد انه يضرب علشان يأدب مش اكتر حظه السئ ان الضرب زاد منه شويه و الواد اجله جه دلوقتي و توفى لكن هو مش حادث قتل يعني .. ببساطه انت ممكن تضرب ابنك و تضربه جامد كمان علشان غلط في حاجه انت منبه عليها و لكن تخيل لو ابنك مات في مره من المرات و انت بتضربه احنا حنقول عليك ايه ؟؟؟ اب مش بيرحم و كمان دا عيل يضربه لحد ما يموته !! وانت حتكون سعتها بتضرب اخماس في اسداس و الله يا اخونا ما كان قصدي انا عادي يعني كنت عايز اقسو عليه شويه لكن مكنتش اعرف انها حتوصل لكدا .....

مش دفاع عن المدرس و لا دفاع عن الضرب بس كمان لازم نؤمن بأن فيه حاجه اسمها قدر انت ممكن تتخانق مع واحد على حاجه تافه مثلاً خبط عربيتك تقوم تمسك في خناقه عادي يعني بتحصل كل يوم بس حظك السئ انك ساعت ما مسكت في خناقه اجله جه بس في الاخر مين اللي كان بيتخانق معاه ؟؟؟ انت و انت اللي موته و معندكش رحمه و كل دا علشان عربيه و بصه الراجل شلكه طيب ازاي و انت ربنا مديك صحه تفتريها بيها على الناس يعني ... و كل الكلام دا حيتقال .

ارجوا ان يكون اتفهم قصدي بس

enjy يقول...

انا كمان متضامنة معاك فى كل حاجة وخصوصا الولد ...... لو المدرس متعدمش وانا كنت ام الولد قسما كنت هقتله انا بايدى

محمد ياسر يقول...

حوكا
منور المدونة يا ريس تعالى دايما
و ردك عجبني بما يحمل من سخرية للمجتمع المنيل بنيلة

اختي العزيزة
ايما
فعلا حداد انا بعمل حداد على نفسي كمان دلوقتي

عبد من عباد الله
فاهم قصدك بس مش معاك لان الضرب عموما انا ضده من اب مدرس اى بني ادم ده سلوك مش ادمي ولا حيواني حتى
و برضه المدرس ده مسئول عن اللى حصل

انجي
كل صاحب حق وضمير و صوت لازم يتضامن مع الصح

اشكركم جميعا

غير معرف يقول...

~..........................................