الثلاثاء، نوفمبر 11، 2008

لحد امتى؟ اتخنقت بجد

لما كنت صغير لحد اولى ثانوي كنت مبخرجش من البيت مع اصحاب او غيره قلت معلش استنى لما اكبر
اما كبرت و بقيت بخرج كنت مقدرش اتأخر عن 12 و بقيت بزودها لواحدة او اتنين و بتعدي ساعات و ساعات لا لحد دلوقتي و كنت بقول معلش اما اخلص هبقى حر و اديني خلصت و متنيل مبقتش حر
اما كنت بقرر فجأة انا و قرايبنا الشباب اننا نخرج او نسافر فى نفس اليوم او اليوم اللى بعده او مع اصحابي كانوا يقولولي لازم يبقى عارف من زمان قبلها بكام يوم و نفكر فيها قلت معلش بكرة استقل
اما قولت عاوز اتابع الادب و اهتم بيه قالوا خليك فى دراستك احسن قلت معلش خليني بيني كده لحد ما اخرج من البيت ده
اما كنت عاوز اتعلم العزف على اله قالوا خليك برضه فى دراستك او اتعلم حاجة كورسات للدراسة برضه قولت استنى اما اطلع من سيطرتهم
اما اتعرفت على ناس كتير و مش من الكلية فضلوا ورايا ان اى حد من برة الكلية يبقى اكيد مش زيك و متعرفوش و متضمنوش ومتصاحبوش و حرس ايه التفكير ده!!!!!!
نفسي يعاملوا كل الناس على انهم مش حلو و وحش لا انهم بشر بشر و بس
اما حبيت اتكلم فى السياسة قالولي بس اوعى و سكت برضه لحد ما اخرج منهم او بتكلم فى السر يعني
اما عرفوا انى بحب و اعتبر مرتبط قالولي لسه على الاقل سنتين ايه اللى فرضهم سنتين يعني ما انا اتجوز دلوقتي لو عاوز هو مش انا بقيت فى سن رشد و متنيل مسئول
اما ابديت استعدادي لزيارة جدي كتير و اني اروحله و هو قاعد لوحده و بيتمنى اني اجيله بالذات او اى حد و هما يقولولي خليك احسن او خليك انت عندك كلية او شغل مع ان ممكن ميبقاش عندي حاجة بس اهو كده لمجرد خلافات فى العيلة ممكن تزول لو هما فكروا و عاوزين
فضلوا زن فى دماغي 3 شهور اني اشتغل و انا عند فيهم مشتغلتش و ودوني لمكتب يعرفوه رحت مرة و قلتلهم اه هاجي و نفضتلهم عند برضه فى اهلي و مستني هشتغل لما اعوز و لما دخلت دراسات عليا قررت ده بنفسي و فجأتهم عشان انا عاوز ده مش عشان مجرد ابسطهم
و اديني بعد كل ده مستني برضه اني اشتغل و يكون لي بيت مستقل و اسرة تكون متفهماني و بنفس فكري و راضية بدماغي اللى مغلباهم دى عشان ساعتها نعمل اللى عاوزينه و محدش يقدر يكلمنا نبقى معتمدين على نفسنا تماما
و غير ده كتييييييييير اخرتها ايه و امتى؟؟؟؟؟؟؟؟؟؟؟؟؟
و قال ايه عاوزين يعلمونا الاعتماد على النفس طيب ازاي يعني اما هما مش فاهمين اصلا

نتيجة للى بيعملوه ده
هيجي اليوم اللى يعرفوا فيه اني مدون من وراهم بقالي 3 سنين و بقول اللى عاوزه و اللى مبيسمعهوش مني لانهم مسبوش ليا المساحة للكلام بحرية
هيجي اليوم اللى يلاقوني فيه بقول اراء انا مصدقها و مصر عليها لما بيسمعوها مني بيفتكروه كلام عيال و اهو هيتغير
هيجي اليوم يعرفوا اني نزلت من وراهم مظاهرة وحيدة لاني كنت عاوز ده و كان عندي دافع
هيجي اليوم يعرفوا اني هربت من المدرسة فى يوم مع اصحاب الدرس اللى هما اختاروهم اخد معاهم الدرس ده
هيجي اليوم يعرفوا اني كنت بسافر من وراهم لاني مقتنع بده و لاني حر


نفس السؤال اللى هموت بيه اكيد و اللى انا مقتنع بيه برضه ان الحياه مش تتعلم عشان تشتغل و تلم فلوس و تجوز و تخلف و مت بالرسالة العظيمة كده لو دى الحياه مش عاوزها

-----------------------------------------------------------
رسالة خاصة
اتمنى تكوني جنبي دايما انتي اللى هتقدري تعيشيني و تخليني اكون انا انا زي منا عاوز و تساعديني

هناك 18 تعليقًا:

Naheela يقول...

:)
2d eh i can relate to what u say :)
w 2d eh i can feel almost every word u've said :)
rabena m3ak :)

hmm so2al msh 7atsheel el chat elly fel ganb da ?

زهرة الياسمين يقول...

يمكن دى حدوته مصرية صميمه
بنعيشها كلنا و بتتكرر فى كل بيت
و نفضل نسأل لحد امتى؟؟
المشكلة انهم لسه مش مدركين ان اللى عاوز يعمل حاجة بيعملها رغم أنف الجميع و اللى مش عاوز يعمل حاجة مش بيعملها رغم أنف الجميع برضه

واحد مش فاهم حاجة يقول...

هى دى الحدوتة

من زمان وانا نفسى مامثلش الدور دة فيها

محمد ياسر يقول...

نهيلة
انا عارف انك حاسة بيا لان معظمنا بيمر بظروف مشابهة للاسف
ربنا معانا كلنا

فكرت فعلا عشان العاهات الغريبة اللى بتيجي تتكلم فيه بس مش عارف لسه احتمال اشيله قريب فعلا

زهرة الياسمين
حقيقي فى الغالب دايما بيحصل اللى قولتيه ده وهما السبب للاسف

واحد مش فاهم حاجة
الدور ده كل واحد بياخد منه و لو جزء بسيط اعتقد للاسف

enjy يقول...

المفروض كنت تستلف عنوان المدونة وتخليه عنوان للموضوع عشان دى هى بجد حدوتة مصرية............ بس يا عم احمد ربنا ان فى حد بتبعت له رسالة خاصة تخيل لو كل الخنقة دى ومن غير صاحب الرسالة الخاصة دى صدقنى انا ان الدنيا كانت هتبقى مضلمة جامد

7okaaa يقول...

الله الله الله
كل ده شايله فى قلبك ومخبيه وساكت
وايه البلاوى اللى انتى قولتها ديه
بتكت من المدرسه وبتنزل مظاهرات وبتسافر كمان من وراهم
على فكره انا عملت نسخه من الموضوع وهى الان فى طريقها الى والدك
استلقى وعدك يا عم الثورى
بس على فكره انا معاك فى كل كلمه انت قلتها الى حد كبير وانا عملت بلاوى قد اللى انت عملتها 100 مره
بس مش عارف لو انا مكانهم هعمل زيهم ولا لأ
تفتكر لو احنا مكانهم هنعمل ايه؟؟؟

محمد ياسر يقول...

انجي
اصلي بعتبر كل بوستاتي بتكون حدوتي المصرية و ممكن اعتبار كل بوست هو حدوتة مصرية ده عنوان مدونة عشان يبقى عنوان كل البوستات

عارف اني الحمد لله متوفق اني يكون عندي صاحب رسالة خاصة بيهون كتييير

حوكااا
ههههههههههه اه يا صاحبي شفت بقا و من غير ما تقول عارف انك زيي ومخبي
بس اعتقد لو احنا مكانهم مش هنعمل زيهم لاننا متفهمين اكتر و المفروض يعني نكون اتعلمنا منكررش سيناريو الحياه تاني

سلامات للكل

JuSt_hUmAn يقول...

محمد..ازيّك؟
مش عارف أنا ليه مغلّطك! بس بحس دايماً إن مش المفروض نستنى حد يدّينا حريتنا، المفروض ننتزعها، أنا ما كنتش بروح الكلية نهائي رغم إلحاح ماما الرهيب، بس كنت بقول ببساطة دي حياتي أنا وأنا حر فيها، ليكم عندي ما أسقطش وخلاص.
واحد صاحبي أهله كانوا بيصمموا يرجع البيت بدري، وكان بيصمم يرجع البيت وقت ما يحب! عادة مش قبل 3 الفجر، لحد ما زهقوا منّه وما بقاش حد يقول له رجعت متأخر ليه!
ربنا يوفقك ويكرمك يا رب.

محمد ياسر يقول...

عمرو منورني
ازيك يا عم ؟

انت اول واحد تقريبا مغلطني ومغلط زيي كتير بقا اكيد بس انا كنت عارف و متوقع حاجة زى دى منك

هى بس المشكلة فى كل الاحوال يعني بوجهة نظرك و اللى بتعمله و وجهة نظري و اللى بعمله ان كده كده احنا بنخسر حاجات و بنكسب حاجات

عشان كده مش حاسس بفرق كبير

و منورني يا معلم

ملكة يقول...

"Good for you, fight the power"
سيبك من اللي فوق دي جملة سمعتها وحبتها بس ساخرة إلى أقصى حد

بص يا محمد بيه انا بنت صحيح وفيه اختلاف في ظروفنا بس فيه حاجة عايزة اقولك عليها
عمرو عنده حق في حاجة، اللي عايز يعمل حاجة هو شايف انها صح مية في المية وغيره بيمنعه منها المفروض يعملها
يعني عايز تدون وبيمنعوك دون وماتستناش منهم حاجة ولا موافقة
عايز ترتبط باللي بتحبها ارتبط
عايز تخرج في مظاهرات اخرج بس بشرط ما يكونش مصيرهم هما البهدلة في الآخر وده صعب دلوقتي عشان معنجناش وزارة داخلية محترمة
عايز تخرج اخرج بس ماتجبلهمش مصيبة
او تسافر مع اصحابك سافر مهو من حقك تشوف الدنيا يعني
بس ماتعيش الحياة عند، هييجي عليك وقت وهتعمل حاجات انت مش عايزها وندمان عليها لمجرد انك كنت حاططهم في دماغك...اكيد مش ده اللي انت عايزه

تاني
لو شايف ان فيه حاجة من حقك تعملها ومش غلط اعملها ومتستناش غيرك يقولك عليها اوكيه.... عشان عمر ماحد هيوافقك على حاجة او هيرفض حاجة انت من جواك حاسسها بحاجة تانية خالص
عايز تخبط راسك في الحيطة وشايف انك هتستريح جدا بعد ما هتعمل كدة..اخبط راسك في الحيطة عشان محدش هيبقى حاسس بيك غيرك

محمد ياسر يقول...

ملكة

ملكة صدقيني انا معاكو و اما اكون عاوز اعمل حاجة ومقتنع انها صح بعملها فى اغلب الاحيان حتى لو مش موافقين
زي فى التدوين اديني بدون اهو متوقفتش ابدا عنه رغم انهم مش موافقين تماما
و هرتبط باللى عاوز ارتبط بيها لاني اخترتها و مش هتنازل اكيد
و المظاهرات بطلت لاقتناعي بحاجة مش ليهم

المسألة ان نظرية الصح و الغلط بتختلف من شخص لاخر او يعني بالادق مني و منهم
انا ممكن اشوف ان التدوين صح جدا ليا و هما يشفوه غلط جدا
ممكن اشوف اني اخرج لمتأخر و فى امان يبقى صح و هما يشفوه غلط
هى دى المشكلة

لكن انا معاكو و اكيد عاوز اعمل كل حاجة انا شايفها صح و عاوز اعملها و دايما بسعى لده لكن مش عاوز اخسرهم برضه او اسمع كلام زى مفيش فايدة منك و كلام من ده
وللاسف متنفعش الحياه تبقى وردي عشان كده ممكن يزعلوا شوية لاني اصريت على حاجة او يفرحوا شوية لاني رضيتهم بحاجة و هكذا

تحياتي ليكي و منوراني

MAKSOFA يقول...

نحن جميعا تربينا بهذا الأسلوب، أما عن شريكة العمر أقول لك أختار بعنايه حتى تستطيعا مواجة الحياة بقلب واحد وعقل واحد

محمد ياسر يقول...

مكسوفة
مرحبا بعودتك

للاسف كلنا اتربينا كده لعل احنا نغير الموضوع بقى و نربي ولادنا بطريقة مختلفة تتيح لهم حرية و مسئولية و قرارات منهم اكبر

انا فعلا مختار بعناية و اتمنى دايما نبقى بقلب و عقل واحد يا رب

تحياتي

بيقولوا سايكو يقول...

محمد .. غريبة دى .. دايما باشوف الولاد واخدين حقوقهم عن البنات .. بس حقيقى خلاص ماداموا هم رافضين سماعنا واحنا ما بنعملش حاجة غلط يبقى ليه لازم يعرفوا .. يعنى حدانا فى البيت خلاص حاجات كتير مابقوش يعرفوها عننا لمجرد إنهم هيرفضوا وخلاص .. احنا الإخوات بنقول لبعض وكفاية كده

مش عارفة ليه هم بيربونا على كده .. حتى اللى فراس بيقوله عن نفسى باشوفه صعب التحقيق .. على الأقل لنفسى لإنى فاشلة فى فن المواجهة

محمد ياسر يقول...

بيقولوا سايكو

صحيح يا ايات اكيد الولاد برضه واخدين حقهم عن البنات يكفي اني ممكن ولد يقولهم هينزل كل يوم او يوم بعد يوم بالكتير مثلا كخروجات و مش هيكلموه زي بنت بتنزل مرة او مرتين اسبوعيا بس تخرج !!! بلد غريبة

المشكلة حتى الاخوات او بما اني كبيرهم فلو قولت مثلا لاختي و لا اخويا هيفتنوا و لا هيسكتوا ابدا !!

اللى بيقوله عمرو صعب فعلا لان كمان المواجهة دى قد تضر بعلاقتنا باهلنا او على الاقل بالنسبالي لكني معاه طبعا و لازم نسحبها كده واحدة واحدة او على الاقل ده اللى انا بحاول اعمله و ربنا يستر

ياه البوست ده من اكتر الحاجات اللى اتكلمت فيها
تحياتي لكم جميعا
محبتي

غير معرف يقول...

انا عندي اسره ومستقل , عايش في بلاد بعيده اللي كانوا بيسألوا عني وبيخافوا عليه رحلوا من زمن في بعض الأحيان افتقد حياه السجن ولكن الحياه كلها سجن كبير شكرأ

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

غير معرف يقول...

~..........................................