الجمعة، يناير 30، 2009

اهو ده اللى صار و اتي

بصراحة مكنتش ناوي اكتب حاجة هنا ولا كنت بفكر فى ده خاصة ان هما يومين هدنة كده من الجيش و اللى خلاني اكتب ان اوسو صاحبي طلب اكتب و لو حتى كلمات اغنية بس و قولتله ان مفيش روح و ان لو قولت اغنية يبقى شبابيك لمنير لان هي دايما اللى كنت بغنيها هناك اكتر واحدة و فعلا الروح بتموت هناك الواحد بيتحط فى نظام كده يخلي كل حاجة منه تتمسح حياته كلها كنت بحس احيانا انه فقد للانسانية بس مع الايام الواحد بيتعود و كمان عشان فى زمايل كتير و كلنا فى حال واحد فبنساند بعض و بعدين تشتاق للناس و الشوارع و لكل حاجة لانها بتفقد تماما ... كنت كل يوم بعد ما نخلص اعدي على كباين التليفون يمكن افوزلي بمكان قريب فى طابور المكالمات عشان اعرف اكلم امي بابا حبيبتي اصحابي لكن فى الغالب طبعا مفيش غير الحسرة .. وكوني بعمل كده لان الروح برضه مش انتهت لكنها اندفنت و هي حية لدرجة اني كنت بكلم نفسي كأني بكلم حبيبتي ادامي او بكلم اي حد ...
يمكن الروح اتجددت اكتر لما عرفت اطلع الاجازة دى واكلم حبيبتي براحتي و اكلم و يكلمني كل اللى بحبهم و بيحبوني و اعدي على وسط البلد اكتر الاماكن المتعلق بيها و اللى بتدي روح برضه و الساقية الحاجات دى بتجدد نفسي ....
اشتقت اني اشوف حبيبتي و اقابلها ... اشتقت اسمع اغانيا منير و الشيخ امام و اي حاجة بحبها ... اشتقت الكتب و معرض الكتاب اللى غيبت عنه ... اشتقت كل حاجة و معرفتش اشبع منها فى الكام ساعة اللى طلعتهم طبعا ...
طبعا الكل بيقول اسمريت و بقيت اقرع و صوتي اتغير ... حقيقي الجيش بيغير و ان كنت اتغيرت ظاهريا اتمنى متغيرش داخليا و اكون زي منا و ده اللى بحاوله دايما و ان الجيش ميأثرش عليا كتير ...

هناك 3 تعليقات:

GHARAM يقول...

ياحبيبي ياأبني ربنا معاك والله وحشتني ، طبعا يمكن لو زرت مدونتي الجديدة حا تعرف أني صديقه قديمه يمكن من أسلوبي ، أهو بأعمل لك أمتحان


ربنا يهون عليك الأيام وتخلص المده دي بالسلامة

dodda يقول...

الله يعينك

قطعت قلبى
اشمعنى انت اللى فى الجيش؟؟
مع لنهم بيقولوا ان احنا معندناش جيش بالفم المليان؟؟؟!!!


ارجع بالسلامه

غير معرف يقول...

~..........................................